Contratos Programa

Obradoiro pais e nais eficaces

Mér, 07/05/2014 - 22:28 — Anónimo

Obradoiro PAIS E NAIS EFICACES no IES A Sangriña. Aberto a pais e nais dos diferentes centros educativos da vila da Guarda. Actividade que se ofrece como unha das liñas de actuación do Contrato-Programa que desenvolve o instituto.

Teatro no IES A Sangriña

Xov, 24/04/2014 - 12:59 — Anónimo

O venres, día 25, ás sete da tarde, teremos a oportunidade de ver a representacion de ROSALÍA, TAN AMIGA. A obra é unha homenaxe a Rosalía de Castro, con textos da propia poeta e de Ana Romaní. Nela, a poesía combínase coa música nunha interesante proposta teatral elaborada e dirixida por Alfredo Rodríguez e interpretada polo alumnado do noso grupo de teatro. Entrada libre.

POR SER MARZO: MULLER, POESÍA

Xov, 20/03/2014 - 16:24 — IES A Sangriña

Start: 21/03/2014 12:00

End: 21/03/2014 14:00

Timezone: Etc/GMT+1

No mes de febreiro, arredor do día 24, data do nacemento de Rosalía de Castro, o Departamento de Normalización Lingüística puxo en marcha diversas actividades de homenaxe á escritora.

Entre elas está o traballo realizado polo grupo de teatro do instituto, dirixido por Alfredo Rodríguez, sobre textos de Rosalía e de Ana Romaní. O día 21 ofrecerase ao alumnado de ESO a representación da proposta teatral: ROSALÍA TAN AMIGA.

Celebramos o día da poesía, honrando a poeta que mellor representa a cultura galega e lembrando tamén, no mes en que se celebra o día da muller, a importancia das achegas da creación e reivindicación feminista na construción da nosa realidade.

Calendario

O alumnado de 4º ESO investiga na Universidade de Vigo.

Mér, 26/06/2013 - 10:05 — IES A Sangriña

Start: 22/05/2013 15:00

End: 22/05/2013 20:00

Timezone: Etc/GMT+2

O alumnado de 4º de ESO, participante neste curso 2012-2013 no proxecto “Un mar de coñecemento”, no marco dos Contratos-Programa, desprazouse ao Laboratorio de Sedimentoloxía, dirixido polo profesor Dr. Miguel Ángel Nombela do Departamento de Xeociencias Mariñas e Ordenación do Territorio da Universidade de Vigo. O alumnado realizou tres actividades prácticas co obxectivo de caracterizar os sedimentos de tres praias de A Guarda.

Para saber máis, aquí.