Escola de Cruceiro
NATUREZAS VIVAS DE CUNCHAS, ALGAS E FLORES
GOSTABA MARUXA MALLO DE VESTIR DE MAR A SÚA ARTE E O SEU CORPO.
NÓS GOSTAMOS DELA.
A SÚA ARTE ALIMENTA A NOSA ARTE E DÁLLE VIDA A NOVAS NATUREZAS DE CUNCHAS, ALGAS E FLORES.
- APIs de Blogue
OCÉANOS, ARTE E RECICLAXE
A PRODUCIÓN E CONSUMO EXCESIVO DE PLÁSTICOS IMPLICA GRAVES CONSECUENCIAS PARA O MEDIO AMBIENTE.
DEBEMOS REDUCIR AO MÁXIMO O CONSUMO DE PLÁSTICOS DUN SÓ USO COMO BOTELLAS, PRATOS, CUBERTOS, BOLSAS, BASTONCIÑOS, ETC.
ALGÚNS DESTES PRODUTOS TEÑEN OS DÍAS CONTADOS, ENTRE ELES AS BANDEXAS DE POLIESTIRENO. MENTRES TANTO PODEMOS APROVEITAR ESTES ENVASES PARA DARLLE UN NOVO USO ANTES DEPOSITALOS NO CONTEDOR AMARELO.
NA ESCOLA DE CRUCEIRO EMPREGAMOS ESTES ENVASES PARA DESCUBRIR A TÉCNICA DO GRAVADO.
ISTO PERMITIUNOS NON SÓ DESCUBRIR UNHA NOVA TÉCNICA ARTÍSTICA, SENÓN TAMÉN CONTINUAR AS NOSAS INVESTIGACIÓNS SOBRE OS OCÉANOS DE XEITO CREATIVO.
- APIs de Blogue
BUQUE OCEANOGRÁFICO ÁNGELES ALVARIÑO
VELAQUÍ O BUQUE OCEANOGRÁFICO "ÁNGELES ALVARIÑO", CON BASE NO PORTO DE VIGO, CIDADE ONDE FOI CONSTRUÍDO NO ANO 2012.
LEVA O NOME DA CIENTÍFICA GALEGA ÁNGELES ALVARIÑO, PIONEIRA NA INVESTIGACIÓN DOS OCÉANOS.
A BORDO DEL,
UN EQUIPO DE 13 CIENTÍFICOS E CIENTÍFICAS REALIZAN TAREFAS DE INVESTIGACIÓN MARIÑA RELACIONADAS COA EXPLORACIÓN, BIODIVERSISADE, XEOLOXÍA, PESCA SOSTIBLE, CAMBIO CLIMÁTICO E CONTAMINACIÓN.
- APIs de Blogue
QUENLLA
CANDO SUBIU AS REDES DO SEU BARCO O TÍO DE MANUEL TOPOUSE CUNHA QUENLLA.
ESTABA A FAENAR NAS POSAS, A 8 MILLAS DO PORTO DE AGUIÑO. E ALÍ MESMO DEVOLVEU OUTRA VEZ ESTE PEIXE AO MAR.
AS QUENLLAS PODEN CHEGAR A MEDIR ENTRE 2 E 3 METROS.
A QUENLLA QUE VISITOU AO TÍO NO BARCO MEDÍA POUCO MAÍS DO METRO E MEDIO. MOITO TEN QUE MEDRAR AÍNDA ESE TIBURÓN (TIBURÓN AZUL) DE CORPO ALONGADO E ESVELTO ! MOITAS SARDIÑAS E LURAS TEN QUE CAPTURAR E COMER MENTRES SULCA AS AUGAS CO SEU NADAR ELEGANTE !!
- APIs de Blogue
O BAILE DAS AUGAMARES
NO MAR DE TARAGOÑA VIMOS 2 FERMOSAS AUGAMARES.
SEMELLABAN BAILAR...
.... 1 AUGAMAR FEMIA "BAILA" A CARÓN DUN MACHO. DURANTE O SEU BAILE AS 2 SOLTAN AS CÉLULAS PARA TER CRÍAS.
DA UNIÓN DAS CÉLULAS NACE 1 LARVA CHAMADA PLÁNULA. CANDO ESTA SE FIXA NO FONDO DO MAR FORMA 1 PÓLIPO. QUE MEDRA E MEDRA.
DOS PÓLIPOS VANSE DESPRENDENDO UNHAS NOVAS LARVAS.: AS ÉFIRAS, QUE SEMELLAN BAILAR.
AS ÉFIRAS MEDRAN ATA SE CONVERTER EN AUGAMARES QUE SEMELLAN BAILAR NA AUGA. E O CONTO VOLVE COMEZAR...
É O BAILE DO CICLO DA VIDA DAS AUGAMARES !
- APIs de Blogue
BIVALVOS: A VIEIRA
A CUNCHA DA VIEIRA QUE ACOMPAÑOU NO PASADO CURSO O NOSO CAMIÑO DE SANTIAGO APRÉNDENOS NESTE A COÑECER AOS MOLUSCOS BIVALVOS: OSTRAS, NAVALLAS E LONGUEIRÓNS, MEXILLÓNS, VOANDEIRAS E ZAMBURIÑAS...
IGUAL QUE ELES, A VIEIRA PROTEXE NO INTERIOR DAS SÚAS 2 CUNCHAS O MÚSCULO QUE LLE PERMITE ABRIR E PECHAR AS VALVAS, AS BRANQUIAS, A BOCA, O PÉ, OS INTESTINOS...
PERO A VIEIRA TAMÉN TEN OLLOS !! ATA 200 PEQUENOS OLLOS AZUIS QUE LLE AXUDAN A DESCUBRIR SE É PRECISO FUXIR DALGUNHA AMEAZA.
- APIs de Blogue
GOLFIÑOS VARADOS
DURANTE O VERÁN 4 GOLFIÑOS QUEDARON VARADOS PRETO DO PORTO DE TARAGOÑA.
CONTOUNOLO O NOSO AMIGO JOSÉ MANUEL UNHA MAÑÁ QUE VEU ARRANXAR DESPERFECTOS DA ESCOLA.
JOSÉ MANUEL AXUDOU A TRASLADAR AOS GOLFIÑOS E A MANTER A SÚA PEL SEMPRE HÚMIDA.
DIRIXIDAS POLA COORDINADORA PARA O ESTUDO DOS MAMÍFEROS MARIÑOS (CEMMA) UN GRUPO DE PERSOAS FOI QUEN DE SALVARLLES A VIDA.
HURRA!!!!
https://www.dropbox.com/s/u9o44uft3l07txi/CART_DDE.jpg?dl=0%20
- APIs de Blogue
OURIZO DE MAR
VELAÍ UN OURIZO DE MAR.
O SEU CORPO CHEO DE ESPIÑAS DÁLLE NOME AO GRUPO DE ANIMAIS AO QUE PERTENCE, PORQUE A PESAR DE TER BRANQUIAS NON É UN PEIXE.
É UN EQUINODERMO, COMO AS ESTRELAS E PEPINOS DE MAR, UN NOME QUE NA LÍNGUA DOS GREGOS QUE SE EMPREGA NA CIENCIA, VÉN A SIGNIFICAR: PEL ESPIÑENTA.
NA LÍNGUA DOS GREGOS ESCRIBIUSE TAMÉN HAI MÁIS DE 2000 ANOS UN LIBRO CHAMADO "HISTORIA ANIMALIUM", ISTO É : HISTORIA DOS ANIMAIS. O SEU AUTOR, ARISTÓTELES, EXPLICA CON DETALLE COMO É A BOCA CON 5 DENTES DOS OURIZOS. UNS DENTES DUROS QUE LLE PERMITEN RASPAR AS ALGAS PEGADAS ÁS ROCHAS E MESMO FURAR AS PEDRAS EN BUSCA DE AGOCHO.
A ARISTÓTELES A BOCA DOS OURIZOS, COS SEUS DENTES E MÚSCULOS, ÉRALLE SEMELLANTE A UNHA LANTERNA PARA ALUMEAR DAS QUE USABAN NAQUELES TEMPOS.
É POR ISO QUE ESTA PARTE DO CORPO DOS OURIZOS É CHAMADA A
LANTERNA DE ARISTÓTELES.
- APIs de Blogue
PLÁSTICOS NON, GRAZAS!
CADA PEGADA QUE DEIXAMOS NO PLANETA ACABA NO MAR.
É imposible saber a cantidade de lixo que hai nos océanos.
O que si sabemos é que ano tras ano seguimos tirando millóns de toneladas de lixo ao mar.
É como se cada minuto (CADA MINUTO!) baleirásemos un novo camión de resíduos no mar.
Non aparecen no mapa pero nos nosos océanos hai 5 grandes illas de plástico.
A do Pacífico norte é tan grande como España, Francia e Alemania xuntas.
A maior parte destas illas están formadas por MICROPLÁSTICOS.
O plástico flotante supón só o 15% do total. O resto está baixo a auga.
A nivel mundial recíclase unha parte moi pequena de todo o plástico que se produce e consume.
A maior parte, arredor do 80%, acaba en vertedoiros ou no medio ambiente.
Por iso....
REDUZAMOS O CONSUMO DE PLÁSTICOS
- APIs de Blogue
O CABALIÑO DE MAR
"O CABALIÑO DE MAR É UNHA AVE? É UN INSECTO? É UN MAMÍFERO?
NOOOON ! O CABALO DE MAR É UN PEIXE !!
PODE MOVER OS OLLOS PARA CADA LADO (DE FORMA INDEPENDENTE). TEN COROA, ANEIS E ALETAS.
O CABALIÑO QUERE AGARRARSE COA COLA.
COME PLANCTON. CHUPA A COMIDA, NON TEN DENTES. NON TEN ESTÓMAGO, CANDO COME SACA A CACA, E OUTRA VEZ: COME E FAI CACA...
A FEMIA PON OS OVOS NA BARRIGA DO MACHO E DESPOIS DO PAPÁ NACEN CENTOS DE CRÍAS"
GRAZAS AO PAPI DE MANUEL POR AMOSARNOS O CABALIÑO E POR DEVOLVELO AO MAR, PARA QUE VIVA!!
- APIs de Blogue
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »