Escola de Cruceiro

SER ÁRBORE

" UN DÍA QUIXERA SER ÁRBORE
PARA SENTIR A TERRA E O SEU ECO,

VIVIR SEN LEMBRANZAS, SEN ESQUECEMENTO
XUNTO A UN RÍO XENEROSO
QUE ME FALASE CON AUGA CRISTALINA
DOS SEGREDOS DO TEMPO,

RAÍCES DE CEO,
FOLLAS CON ÁS DE NUBE,
SEMPRE Á CHOIVA ESPERTO,
REPLETO DE NIÑOS DE VIDA CHEOS,

 

AMIGO DO SOL PODEROSO,
CÓMPLICE DO VENTO VIAXEIRO.
"

PACO VALIENTE
(traducido por S.B.)

SALVAMOS ÁRBORES

ESTE CURSO PODEMOS SECAR AS MANS CON TOALLAS.
CADA QUEN NA SÚA.
NON SEMELLA UNHA NOVA DE MOITA IMPORTANCIA... PERO SE SODES CURIOSAS E CURIOSOS DESCUBRIREDES DE QUE ESTÁ FEITO O PAPEL. 
CANDO O SOUBEMOS NÓS QUEDAMOS PAMPOS!!
E SOUBEMOS TAMÉN QUE ESTABAMOS A CONVERTERNOS EN COIDADORES DE ÁRBORES!!!

COAS NOSAS TOALLAS SALVAMOS ÁRBORES.

BEIRAMAR

CON EMILIO, AMIGO QUE CURSO A CURSO ALIMENTA O NOSO AMOR POLA NATUREZA,
PERCORRIMOS A BEIRAMAR CAMIÑO DA PRAIA DA TORRE.

SOUBEMOS DOS NOMES DAS PRAIAS, ROCHAS E CAMIÑOS E SAUDAMOS A HABITANTES DA TERRA E DO MAR.

SABOR A MAR

DESPOIS DE TEREN FEITO O SEU TRABALLO, OS PAIS DE MANUEL DEIXAN AS SÚAS CAPTURAS NA LONXA.
A PARTIR DESE MOMENTO COMEZA A QUENDA DE TRABALLO DA AVOA. 

CO SEU VEHÍCULO ACHEGA Á PORTA DA VECIÑANZA PESCADAS, CHOPOS, RAIAS, FANECAS ...

 DO MAR DA AROUSA Á LONXA. DA LONXA AO NOSO PRATO. MANXARES CON SABOR A MAR

SEÑOR DE LÓNGARAS

 Imaxe extraída do libro "Paxarada no mar da Arousa Norte: Momentos fotografados", de Amancio Losada

 "O SEÑOR DA ENSEADA DE RIANXO VIVE SOLITARIO DEBAIXO DAS ROCHAS DENDE HAI MOITOS ANOS COIDANDO ÁS AVES DA RÍA.
UNHA NOITE DE TEMPORAL MOI ESCURA  APARECERON NAS ROCHAS OITO CORVOS MARIÑOS MALFERIDOS E O SEÑOR DE LÓNGARAS COIDOUNOS VARIOS DÍAS ATA CURALOS.

OS CORVOS MARIÑOS AGRADECIDOS PREGUNTÁRONLLE AO SEÑOR DE LÓNGARAS QUE PODÍAN FACER POR EL.
- VISITÁDEME SEMPRE QUE POIDADES, VÓS E AS VOSAS AVES COMPAÑEIRAS, E CONTÁDEME HISTORIAS DE TODOS OS LUGARES POR ONDE VIAXADES. DÍXOLLES.

DA QUE MARCHARON, O SEÑOR DE LÓNGARAS LEVANTOU OITO PAUS PARA QUE PUIDERAN VOLVER E POUSAR NELES A DESCANSAR E DENDE ALÍ PUIDERAN CONTARLLE HISTORIAS DOS MARES AFASTADOS.
DÍA TRAS DÍA, CORVOS MARIÑOS PÓUSANSE NOS PAUS E CONVERSAN TRANQUILAMENTE CO SEÑOR DE LÓNGARAS.
CORVOS MARIÑOS E MÁIS.
A LÓNGARAS ACÉRCANSE A CONTAR HISTORIAS E TAMÉN A ESCOITALAS, O PEQUENO PICAPEIXE E O PEQUENO BILURICO BAILÓN; ACHEGAN TAMÉN  A  GARZOTA E O LAVANCO.
ESCOITAN ATENTAS OS CONTOS A GARZA REAL E A GABITA.
AQUÍ “CUCHICHEAN” AS GARZAS BOIERAS E POÑEN MÚSICA OS  MAZARICOS CHIADORES E OS BARULLENTOS VIRAPEDRAS.
EN LÓNGARAS FAI ATREVIDOS PICADOS O CARRÁN CRISTADO E GOZAN COMO GAIVOTAS AS PATIAMARELAS, AS REIDORAS, AS ESCURAS, O GAVIÓN, ... E O SEÑOR DE LÓNGARAS ESCOITA  SEMPRE AGRADECIDO.

 HOXE QUEDAN SÓ CINCO PAUS EN LÓNGARAS.

ESPEREMOS QUE NON NOS QUITEN NINGÚN MÁIS."

 AMANCIO LOSADA CREOU ESTE FERMOSO CONTO
E COMA SE CORVO MARIÑO, PICAPEXE OU LAVANCO FOSE
OFRECÉUNOLO A NÓS, PEQUENAS SEÑORAS E SEÑORES DE LÓNGARAS, ALÍ NA ENSEADA DE RIANXO.

PAXARADA

 

 O PASEO MARÍTIMO QUE UNE RIANXO CON TARAGOÑA É UNHA BOA ATALAIA DENDE ONDE OBSERVAR A PAXARADA MARIÑA.

 
   

 AMANCIO, SEÑOR DAS AVES, QUE ANIMOU DENDE A DISTANCIA O NOSO COÑECEMENTO E AMOR POR ESTES HABITANTES DO MAR, PUIDO ACOMPAÑARNOS NUNHA FERMOSA MAÑÁ E , CARGADO CON CÁMARA E PRISMÁTICOS, FACILITOU A NOSA OBSERVACIÓN DE GAIVOTAS PATIAMARELAS E GAIVOTAS CHORONAS, GARZOTAS E GARZA REAL E MESMO A CONTEMPLACIÓN DUN ASOMBROSO CULLEREIRO.
QUE DIVERSA E FERMOSA É A VIDA !!

 Imaxes extraídas do libro "Paxarada no mar da Arousa Norte: Momentos fotografados", de Amancio Losada

AMOR DE AUGA

AMOR DE AUGA LIXEIRA...

COS VERSOS DE ÁLVARO CUNQUEIRO E A MÚSICA DE AMANCIO PRADA A PROFE MARÍA CONVIDOUNOS A CELEBRAR O DÍA DA POESÍA E O DÍA DA AUGA

AMOR DE AUGA TARDEIRA...

CON MÚSICA E POESÍA A PROFE MARÍA ANIMOUNOS A COÑECER A AUGA E SABER DAS SÚAS PROPIEDADES.

 AMOR DE AUGA FLORIDA...

CON POESÍA E MÚSICA FIXÉMONOS COIDADORES E COIDADORAS DA AUGA.

 AMOR DE AUGA PERDIDA... 

MIÑA AMIGA!!

ARAO

ARAO COMÚN ( URIA AALGE)

VIVE NO MAR, PRETO DA COSTA. CRÍA EN ROCHAS E CANTÍS COSTEIROS.
A FEMIA PON 1 OVO ENRIBA DAS PEDRAS E FEMIA E MACHO CHÓCANO ENTRE AS PERNAS. 
CANDO A CRÍA TEN 14 DÍAS DE VIDA LÁNZASE AO MAR DENDE O ALTO DO CANTÍL. ALÍ PASA 40 DÍAS APRENDENDO A MERGULLARSE ANTES DE APRENDER A VOAR.
ALIMÉNTASE DE PEIXES PEQUENOS COMO A SARDIÑA, O BOCARTE OU A FANECA.
LONXITUDE: 38 CM.
ENVERGADURA: 64 CM.

ESTÁ REXISTRADA NO CATÁLOGO DE AVES AMEAZADAS COMO AVE EN PERIGO CRÍTICO.
ATA HAI 50 ANOS CRIABAN NA COSTA E NAS ILLAS DE GALICIA MÁIS DE 1000 PARELLAS DE ARAO. NA ACTUALIDADE CRESE QUE CRÍAN MENOS DE 10 PARELLAS NAS ILLAS SISARGAS E NO CABO VILÁN.
PERIGOS: REDES DE PESCA. CONTAMINACIÓN

PÍLLARA DAS DUNAS

PÍLLARA DAS DUNAS ( CHARADRIUS ALEXANDRINUS).

 VIVE NAS PRAIAS E DUNAS.
A FEMIA PON 3 OVOS ENRIBA DA AREA. CANDO AS CRÍAS NACEN XA CAMIÑAN E BUSCAN A SÚA COMIDA PERO OS PAIS HAN DE ATENDELAS DURANTE UNS 25 DÍAS, MENTRES NON APRENDER A VOAR.
ALIMÉNTASE DE:
PEQUENOS CRUSTÁCES (COMO AS PULGAS DE MAR), VERMES (COMO O CAGÓN DAS PRAIAS) E MOLUSCOS (COMO OS BIVALBOS)

ESTÁ REXISTRADA NO CATÁLOGO DE AVES AMEAZADAS COMO AVE VULNERABLE.
EN 2014 APROBOUSE UN PLAN PARA ASEGURAR A SÚA CONSERVACIÓN E ACADAR UNHA POBOACIÓN MÍNIMA DE 250 PARELLAS REPRODUTORAS DURANTE, CANDO MENOS 5 ANOS SEGUIDOS. EN 2020 CONTÁRONSE APENAS 84 PARELLAS DE PÍLLARA DAS DUNAS EN TODA GALICIA.
PERIGOS:
TURISMO MASIVO, LIMPEZA DE PRAIAS CON MÁQUINAS, CONSTRUCIÓN NA BEIRAMAR, CANS SOLTOS E OUTROS ANIMAIS

Fotografías das píllaras de Amancio Losada recollidas en "Paxarada do mar de Arousa Norte"

 

Distribuir contido