Responder ó comentario

CORRENDO PARA AXUDAR

Nestas dúas semanas, as aulas de 5 anos A, 5 anos B, Barreiro, Entenza, Picoña e Soutelo realizamos unha carreira na que os nenos e as nenas achegaron o seu esforzo para contribuír a visibilizar o traballo de investigación para combater a leucemia. A fundación "Uno entre cien mil", nos solicitou a nosa colaboración e os nenos e as nenas puxeron as súas ganas, a súa forza e a súa ilusión correndo, valorando o importante de estudar, de investigar, de colaborar e de apoiar aos que nos necesitan. 

Tamén convidamos ás familias a participar, achegando unha pequena doazón para a fundación e o resultado foi incrible! Sumamos un total de 440,50€ que xa foron transferidos e que serán empregados na súa labor. Moitas grazas pola vosa achega!