PROBLEMAS ÉTICOS

Hoxe xuntámonos de novo para comentar un novo título de manga: Death note.

O argumento deste volume (poder matar xente escribindo o seu nome nun caderno) deu pé a un debate acendido sobre a pena de morte: é xustificable acabar coa vida de alguén, mesmo tratándose dunha persoa responsable dalgunha maldade (asasinato, violación...)? Non nos convertemos nós en asasinos ao matalos a eles? Como podemos estar certos de que son culpables? Soportaría a nosa conciencia o peso desa dúbida?

Ademais tamén aparece outro tema de interese: nun momento dado ao protagonista propóñenlle, a cambio da metade da súa vida, poder coñecer os pensamentos dos demais. Opinar sobre se ese trato nos convence ou non foi outro dos aspectos destacados da reunión. A maioría consideramos que é mellor non saber o que pensan os demais, aínda que esta capacidade non nos custase nada e moito menos se é a cambio da metade da nosa vida.

Todo isto puxémolo en relación coa obra de Óscar Wilde, El retrato de Dorian Gray, que parece estar no trasfondo desta historia.