O TESOURO DA LECTURA

O club de lectura dos maiores de Educación Primaria composto por alumnado de 5º e 6º leu Prohibido casar, papá, de Fina Casalderrey.

Comentar o libro deunos pé a falar de temas como a morte, os pais, a ausencia ou mesmo a normalización da menstruación.

Para completar a xuntanza fixemos unha busca do tesouro que consistiu en resolver un quebracabezas, secuenciar frases sobre o libro e atopar pistas na biblioteca entre os libros da mesma autora. Ao resolver as tres probas conseguiron o código para abrir unha caixa forte, onde atoparon algúns agasallos e o próximo libro.