PECHANDO O ANO
Para pechar o ano 2022 reunímonos arredor do manga Jojo’s bizarre adventure, de Hirohiko Araki.
A verdade é que este título non resultou como esperabamos pois predomina a violencia sobre calquera outro aspecto da historia.
Evidentemente partindo dunha máscara que transforma as persoas en vampiros xa agardabamos que fose unha historia un tanto violenta, pero non que na maior parte das páxinas se mostrasen escenas de golpes, abusos, pelexas e mesmo asasinatos, algúns tan innecesarios como queimar vivo ao can do protagonista.
Aínda así o volume deu pé para tratar temas como o machismo, a violencia de xénero e, sobre todo, a maldade: o ser humano é malo por natureza ou polas circunstancias que o rodean?
