ESTAMOS DE VOLTA!

As CLUBEIRAS e CLUBEIROS comezamos unha nova andaina neste curso 2022/2023.

Hoxe tivemos a primeira reunión do club de manga. Comezamos lendo un volume que, aínda que non é manga senón cómic, foi seleccionado por aclamación popular: trátase de Heartstopper, de Alice Oseman.

O alumnado tivo coñecemento desta obra a través das redes sociais e isto sumado á estrea da serie baseada no cómic en Nétflix outorgoulle unha maior popularidade.

Aproveitamos así para comparar os dous formatos existentes: o cómic e a versión audiovisual. E decantámonos definitivamente pola versión escrita: a trama da historia, a sensibilidade que mostra a autora e a invitación a imaxinar e percibir as cousas dunha forma tan persoal, fixeron que a lectura resultase fascinante e nos enganchase dende o principio.

Para a vindeira reunión regresaremos ao manga. O título proposto é The promised Neverland, de Kaiu Shirai (guión) e Posuka Demizu (debuxo).