TODOS SOMOS DIFERENTES
Onte reunímonos no club de manga para charlar sobre My hero academia, obra de Kōhei Horikoshi. A todas (emprego o feminino porque somos a maioría mulleres) nos gustou moito esta obra enmarcada dentro do mundo dos superheroes.
O punto de partida da historia resulta moi interesante: nun mundo cheo de persoas extraordinarias que contan con dons de seu, ser diferente e non posuír ningún don especial non pode ser un impedimento para conseguir o que se quere, neste caso chegar a ser un heroe.
Ademais o protagonista, Deku, actúa de xeito altruísta sen medir as consecuencias que os seus actos poden traer consigo, de tal xeito que no manga se prioriza a bondade sobre o interese particular.
Outro aspecto que nos chamou a atención foi o feito de que o autor (ou autora, porque non sabemos quen é) ao final de cada episodio nos conte como constrúe os personaxes: Izuku Midoriya, All Might, Kasugi Bakugo...
Como sempre o tempo non deu para máis e tivemos que regresar ás aulas sen acabar de espremer o manga ao completo: tanto o texto como o debuxo dan para comentar abondo.
A próxima xuntanza será arredor de Algo entre nosotros, de Hagi. Imos, pois, darlle un cambio ao estilo do que levamos lido ata agora.
