SEGUIMOS E CRECEMOS

Este martes tivemos unha nova reunión do club de manga. Desta volta comentamos Hanako Kun, de Aida Iro, que resultou ser unha historia moi divertida polo que enganchou a todos os participantes dende o principio e tamén deixou moitos misterios sen resolver deixándonos co mel nos labios e pendentes do que vai suceder despois.

De feito comentamos a posibilidade de adquirir os catro números seguintes de todos os títulos que levamos lido para poder continuar coa lectura, pero xa de xeito individual e cada un ao seu ritmo.

Ademais fixemos unha serie de fotos de varios integrantes do club en distintos baños do centro co manga, posto que Hanaku é o fantasma do lavabo. Tedes a presentación coas fotos no seguinte enlace: https://youtu.be/6nyWvu_ZFAI

Por último, tivemos dúas novas incorporacións ao club co que este segue medrando...