Lingua Francesa |
Os días xoves 2 e venres 10 de xuño tiveron lugar as III Xornadas de Gastronomía Francesa organizadas polo alumnado de francés do CPI Plurilingüe Cernadas de Castro e coa imprescindible colaboración e bo facer do equipo de cociña. Como en edicións anteriores deixámovos máis abaixo o enlace para responder a unha enquisa sobre a vosa opinión das xornadas. Como en edicións anteriores, leremos con moito interés as vosas valoracións e comentarios e terémolos en conta na medida do posible para as vindeiras edicións. Desexamos que gozarades coñecendo e aprezando a diferente gastronomía do país veciño. Moitas grazas pola vosa participación e ata a vindeira edición! |
|||
O xoves 3 e o venres 11 de xuño tiveron lugar as Segundas Xornadas deGastronomía Francesa no comedor do noso centro; as primeiras tiveron lugar o curso 18-19. As Xornadas actuais, foron organizadas xa o curso pasado polo alumnado de francés que en aquel momento cursaba 2º de ESO. Debido ao confinamento non se poideron levar a cabo e por fin, este curso se fixo realidade. Esperamos ter máis edicións no futuro… Todas as persoas (alumnado, profesorado, equipo de cociña e axudantes, etc) que poidéchedes degustar os menús estades invitadas a respostar á seguinte enquisa: PREME AQUÍ
Moitas grazas!!
|
|||
O xoves 1 e o venres 9 de xuño tiveron lugar no comedor escolar do noso centro as IV XORNADAS DE GASTRONOMÍA FRANCESA, organizadas polo alumnado de francés de 2º de ESO. Nesta ocasión poideron degustar os seguintes platos: Vichyssoise
Tartiflette Merlu à la crème d'aligot Omelette française au jambon Profiteroles Meringues
|
|||
Podedes consultar a programación de Francés Lingua Estranxeira no arquivo adxunto. |
|||
O 18 de febreiro estivemos de novo no patio para lembrar un par de xogos tradicionais: A pídola, que consiste en saltar sobre un compañeiro/a e a Silliña da Raíña, na que dúas persoas pasean a outra ó ritmo dunha cancionciña ata que a canción remata e a deixan caer... suavemente!! Aquí tedes as fotos para ver o ben que o pasamos: Saute mouton ou Pídola La Chaise ou Silliña da Raíña
|
|||
Este martes 11 de febreiro o xogo que tocaba foi xogar aos Aros. Fixemos dous xogos: o primeiro consistía en facer unha roda e pasar por medio do aro cada un dos membros da roda. O segundo consistía en un xogo parecido ás sillas musicais. Mentres cantabamos unha canción dun lobo camiñabamos arredor dos aros e cando o lobo saía da cova a pillar había que refuxiarse nun aro. O/A que quedaba sen aro era eliminado/a. |
|||
O martes 4 de febreiro adicamos o recreo a divesos xogos de canicas como O Juá, O Ollo e A Quita. O Juá consiste en meter a canica nun burato. O Ollo en sacar as canicas das dúas esquinas dun ollo pintado no chan. A Quita trátase de sacar unha canica do sitio.
|
|||
O martes 28 de febreiro continuamos co noso proxecto; neste caso o xogo elixido foi Colin-Maillard ou Pita Cega. Este é un xogo popular xa ben coñecido por todo o alumnado, consiste en tapar os ollos dunha persoa que ocupa o centro da roda e os demáis xiran ó seu arredor. Cando a pita cega manda parar diríxese a un dos participantes da roda tentando adiviñar quen é apalpándolle a cara e cabelo. |
|||