Información sobre a Programación didáctica de Lingua Galega e Literatura para o curso 2020-2021.

Durante o segundo trimestre deste curso e durante tres sesións do terceiro, @s alumn@s de 1º ESO estiveron traballando a poesía, actividade escollida para o Contrato Programa deste curso.

  Unha das ferramentas que utilizamos foi o poemario de Berta Davila A pel do mundo, da editorial Galaxia.

 Na aula fomos lendo e comentando o vocabulario, o contido e a forma na que estaban elaborados os textos deste poemario, ata que @s alumn@s se foron convertendo en auténticos creadores.

Amosamos máis imaxes do proceso:

 Tivemos que buscar unha temática común para crear versos. Estabamos en marzo, queriamos celebrar o Día Mundial da Poesía e mais o Día dos Bosques, polo que o alumnado decidiu escribir textos líricos co bosque e os seus habitantes como protagonistas, e acompañar os textos con ilustracións:

Hoxe 25 de febreiro o alumnado de 3º de ESO asistiu en Compostela a unha charla-conferencia de María Solar e dúas científicas do CSIC, Marta e Isabel.

As científicas falaron sobre os virus e a importancia de vacinarnos para non contraermos certas enfermidades.

María Solar, sobre a súa novela, Os nenos da varíola.

Celebramos o Día de Rosalía de Castro coa audición de poemas da padronesa interpretados pola soprano de orixe lousamiá, Esperanza Mara.

     Asistiron os alumnos de 6º de primaria e 1º e 2º de ESO.  Algúns deles homenaxearon a nosa poeta lendo poemas seus.

                      .

Á sesión fomos convidados polo concello de Lousame.

Moitas grazas!!!

No arquivo adxunto está a programación do curso 18/19.

Onte tivemos a sorte de que nos visitara unha das escritoras galegas actuais máis senlleiras : ANDREA MACEIRAS.

Conversou co alumnado de 4ºESO sobre a súa novela O que sei do silencio, e deulle interesantes consellos sobre lecturas.

Moitas grazas, Andrea, por vires ao Cernadas de Castro. 

A Biblioteca e o Departamento de Lingua e Literatura Galega organizaron unha saída para todo o alumnado da ESO. @s alumn@s asistiron á representación de Cousas a cargo do grupo de teatro Os Quinquilláns. Na aula leron o libro de Castelao no que está baseada a representación.