Blogs

February 2023

As nenas e nenos de 1º visitamos a Casa dos peixes en Coruña e voltamos moi emocionados falando das diferentes especies mariñas que alí vimos. Aproveitamos entón para ir pouco a pouco incorporando o tema do PDI do cole nas nosas clases de Art, xa que este ano somos un "Cole Animal". Apoiamos o noso traballo tamén en algunhas lecturas que nos serviron de inspiración.

Empregando diferentes técnicas e materiais: debuxo, coloreado con ceras brandas, témperas, pinceis, tesoiras, collage... fomos pouco a pouco e en equipo, creando os nosos fondos mariños.

hoorayforfishoceans de Teacher Marta

Nesta última sesión do club de lectura recordamos os libros lidos, fixemos a actividade do Cabo Vilán e chaveiros de golfiños para os/as que non os fixeran. Tamén realizamos un álbum de fotos do primeiro club de lectura do cole! 

Un novo podcast neste caso relacionado co día do medio ambiente que se celebra o 5 de xuño. 

Durante este curso estivemos acondicionando e enchendo de libros o espazo maker para empezar a dinamizalo de cara ao ano que vén. Velaí unhas imaxes. 

Nesta sesión das tecedoras xa nos atrevimos con puntos un pouco máis complexos! As nosas cadenetas e as nosas poesías xa presiden a cortiza do punto de lectura. 

O venres a escritora e compañeira Sabela Fernández Trelles estivo co alumnado de 3º que leu o seu libro: Que queres ser de maior, pequena? Estiveron charlando de imaxinación, creatividade e moitas outras cousas. Moitas grazas pola visita! 

A biblioteca do CEIPP Vicente Otero Valcárcel organiza un novo obradoiro sobre mediación lectora e desenvolvemento da lingua escrita. Nesta ocasión contamos coa profesora de Literatura e Didáctica da Lingua  da Universidade de Santiago de Compostela  Montse Pena Presas. Ademais, o compañeiro e pai dun neno do centro, Carlos Rodríguez, colaborará con nós para que as familias que así o desexen poidan traer aos nenos e nenas e facer un obradoiro de ilustración mentras eles asisten á charla.  Debedes anotarvos no correo bibliosbardoscarral@gmal.com indicando nome e idade do neno/o e nome da persoa adulta. Animádevos a participar! 

NOTA IMPORTANTE: Se a demanda fora grande fariamos dúas charlas: unha para aos nenos/as e familias de Educación Infantil ata 2º de EP e outra para 3º,4º,5º, e 6º de Educación Primaria. Teriamos entón dúas quendas unha ás 17:30h (a dos pequenos/as) e outra as 18:30h (a dos maiores). Intentaremos avisar á maior brevidade posible se esto ocorre. Data límite para anotarse o martes día 23.