Blogs

O pasado 28 de marzo celebramos o Consello da Infancia deste trimestre cos representates de todas as aulas para consensuar temas como a temática que elixiu cada clase para o PDI: COLE ANIMAL. e outros relacionados co funcionamento do centro como a suciedade do patio ou o ruído do comedor. Deste consello saíron interesantes ideas das que tomamos nota para seguir mellorando. 

O 14 de abril convocamos un novo consello extraordinario a petición dunha das aulas do centro para tratar a convivencia no noso cole (sobre todo nos recreos) e del sairon tamén moitas propostas que estamos preparando para poñer en marcha como encargados da mediación de conflitos, árbitros ou encargados/as dos carriños de xogos (entre outras). 

Estas reunións teñen como obxectivo dar voz, mellorar e implicar ao alumnado na vida do noso cole. Aquí vos deixamos unha imaxe que vale máis que mil palabras. 

Os recreos dos martes no recanto de lectura da entrada iniciamos unha nova aventura con 9 nenos e nenas de 4º de EP. Estamos aprendendo a usar o gancho e lendo poesía. Velaquí unhas imaxes do que foi esta primeira sesión. Grazas profe Teresa polo teu tempo!

February 2023

O pasado mes de febreiro, co gallo do Día do amor e a amizade (14 de febreiro), e dado que estabamos a traballar a familia en inglés, as nenas e nenos de 1º fixemos uns retratos das nosas familias ao estilo do ilustrador e autor Todd Parr.

Aquí tedes unha presentación explicativa da tarefa con imaxes dalgunhas das súas creacións.

weloveourfamilies de Teacher Marta

Graciela, a mamá de dous nenos do cole, preparou con esmero e agarimo uns contos para presentarlles aos nenos e nenas de toda a Educación Infantil. Moitísimas grazas polo teu esforzo e adicación! 

Co gallo da conmemoración do Día Internacional do libro infantil e Xuvenil o pasado 2 de abril, as nenas e nenos de 5º e 6º traballamos a lectura e identificación de palabras clave en lingua estranxeira con descricións de portadas de libros sobre animais, así, descubrimos algúns dos títulos cos que contamos na biblioteca relacionados co noso  PDI “Cole animal”.
Aproveitando a celebración anglosaxona da Pascua que descubrimos, entre otras cousas, co libro “We’re going on an egg Hunt”, saimos á procura de ovos que tivesen a imaxe da portada do libro que se describía nas nosas tarxetas.

Un dos seguintes libros que imos ler foi escollido polas nenas e nenos participantes no club de lectura. Ofrecéronselle resumos de 5 libros e eles decidiron. 

E o escollido foi... VOLVERÁS, GOLFIÑO, da escritora Andrea Maceiras.

Nestas semanas as nenas e nenos de Faragullas de Papel cambiamos os libros. Os que leran Ziggy Stardust (Iria Misa)  leron agora O álbum de Garrincha (Beatriz Maceda) e viceversa.
Nestas sesións analizamos diferentes cuestións: as personaxes, a súa evolución na historia, posibles finais alternativos, que situacións vivimos ou coñecemos que se asemellan as historias que nos contan estes libros...

Ademais disto xurdiron interesantes debates. No caso de Ziggy Stardust falamos sobre identidade sexual, igualdade, ser un mesmo, achegámonos un pouco máis á transgresora figura e personalidade de David Bowie...

No caso do álbum de Garrincha falamos da situación das persoas que veñen doutro país, de cómo se sinte unha persoa cando chega nova a un sitio, da figura de Garrincha e o seu éxito a pesar da adversidade...

Observamos como partindo das mesmas lecturas, con outros grupos de nenas e nenos, xurdiron cuestións diferentes das que apareceran nas reunións previas sobre os mesmos textos. Está a ser, sen dúbida,  unha experiencia moi enriquecedora.