Ola rapazada!! Que tal estades? Traballades moito? Xa sabedes que agardo impaciente que me mandedes mostras do voso traballo.
Hoxe mando tarefa para esta semana. Empeza cada día co horario e as propostas de traballo para cada área. A continuación poderedes ver as páxinas do libro das que falamos. Tamén hai despois de cada proposta dun vídeo un enlace para ir a ese vídeo-
En cada páxina podedes ver que na parte superior tedes o nome do cole, o voso curso e un enlace ao voso Blog (se picades nel podedes entrar directamente no Blog)
En valores aparece un vídeo e unha ficha que non hai que imprimir pódese facer nun caderno, ou nun folio e podedes enviarme unha foto ou o podes facelo ao teu xeito no correo e mo envías.
Lembrade mandarme mostras do que estades a facer. Váleme que sexan fotos, vídeos ou audios. Tamén podedes aconsellar páxinas interesantes para os vosos compañeiros e compañeiras ou exercicios ou xogos que topedes na rede e que eu podo compartir con todos no Blog.
Dende a biblioteca piden que enviemos fotos recomendando o voso conto preferido ou un vídeo. Pídeno en todos os cursos e con todo o que chegue farase un vídeo e colgarase na páxina web do cole e no Blog da Biblioteca.
Dende a radio piden que enviedes audios contando como pasades a corentena: Que facedes, vídeos que vedes, series, as vosas rutinas, con quen pasades a corentena,... Cos audios que cheguen colabórase co novo programa de radio “Xuntos nas Ondas” que foi emitido pola vosa compañeira Silvia de 6º o pasado domingo. Animádevos e mandádeme un audio ao whatsapp.
Picade en adxuntos para ver a vosa tarefa. Non dubidedes en preguntarme as dúbidas. Agardo moito os vosos traballos. Lembrade a miña conta de correo: margafailde@gmail.com
Un bico enorme meus meniños!!!
