Curso 2019-20

O curso está chegando á súa etapa final. E para elo, moitxs dos vosxs compañeirxs e familiares, quérenvos enviar varias mensaxes a través da música...

Aquí vos presento aos artistas do Bandeiravisión. Arriba esa MÚSICA!!!

Sabela ensínanos a facer iogures naturais...Mirade que ricos!!!

Feiraco Lácteos S.L., coa colaboración da Secretaría Xeral de Política Lingüística, convoca, con motivo das Letras Galegas 2020, a primeira edición do Certame Infantil de Artes Plásticas 2020.

Os pais, nais ou titores legais de nenos e nenas que teñan entre 3 e 12 anos poderán presentar, fotografada ou escaneada, unha obra realizada polo menor en que este reflicta o valor da lingua e literatura galegas.

Haberá dúas categorías:

• Infantil (3 a 6 anos)
• Primaria (7 a 12 anos)

O gañador ou gañadora de cada categoría recibirá unha xornada en familia no parque Marcelle Natureza, un patinete, un lote de libros e outro de produtos Feiraco.

Nesta semana, rematamos co Día das Letras Galegas. Por este motivo, o Equipo de Dinamización da Lingua Galega, xunto ao equipo da Biblioteca, convídavos a disfrutar dunha serie de recursos divertidos en torno ao escritor homenaxeado deste ano.

Xa veredes como aprendedes moito do gran Ricardo Carvalho Calero.

 O CENTRO PERMANECERÁ PECHADO AO PÚBLICO MENTRES DURE O ESTADO DE ALARMA

PARA INFORMACIÓN OU CONSULTAS SERÁN ATENDIDOS NOS SEGUINTES MEDIOS:

TELÉFONO:  886 15 17 18 (DE 10:00H. A 13:00H.)

EMAIL: ceip.ramon.valenzuela@edu.xunta.es

Na nosa web, poderás acceder e descargar os contidos e tarefas facilitados por cada un dos mestres do noso Centro.

COMO ACCEDER A INFORMACIÓN

Na marxe dereita da nosa web preme no a partado Así traballamos

Preme no curso ou na especialidade para acceder a toda información

 Ou accede o material complementario que se oferta dende o Departamento de orientación

Infórmase de que o CONCELLO DE SILLEDA ten en marcha o servizo GRATUÍTO de IMPRESIÓN DAS TAREFAS ESCOLARES en coordinación coas librarías locais. As persoas que non teñan posibilidade de acceder a Internet, nin teñan impresora, poden chamar ao 986580000 ou enviar un correo a info@silleda.gal           facilitando o nome do centro de ensino, curso e dirección do alumno. Os servizos municipais farán entrega das impresións, de forma segura, aos domicilios. O horario de atención será de 9:00h a 13:00h.

Xabi explícanos como crear, nada máis e nada menos que...unha TROMPA. Animádevos a velo!

Lía García ensínanos como fai o seu pau de choiva. Atendede!