O pasado 23 de febreiro celebramos o Día de Rosalía. Os nenos e nenas homenaxearon a nosa poetisa cun fermoso festival onde combinaron recitado de versos, bailes, cancións e incluso algunha arenga. Non podedes deixar de velo!

Tamén como xa vén sendo tradición cada aula plantou pensamentos, flor preferida de Rosalía, para decorar as fiestras da Biblioteca e o acceso a infantil.

Un ano máis o Entroido chega á Bandeira! Aquí chega o primeiro mandadiño da semana, de Garabullo. Estate atento/a porque  cada día vai  mandar máis cousiñas...

O alumnado de 6º de Educación Primaria do Ceip Ramón de Valenzuela que desexe continuar os seus estudos no centro adscrito IES Plurilingüe Pintor Colmeiro , deberá realizar a reserva de praza

Información importante

Datas: 15 de xaneiro-5 febreiro

Información completa

• Acceso as ordes e decretos que desenvolven este proceso
• Acceso portal xunta normativa

Manual cubrir documento

• Manual familias

Presentación de solicitudes (acceso aplicación)

•   Telemáticamente
• Cubrir a solicitude , asinar e presentala  no Ceip Ramón de Valenzuela
  
• Cubrir   e asinar a solicitude telemáticamente na Sede Electrónica

•   Forma presencial
• Cubrir a solicitude manualmente e presentar asinada  no  Ceip Ramón de Valenzuela.

Descarga de documentos

•  Impreso reserva de praza (galego)
•  Impreso reserva de praza (castelán)  

Consulta da listaxe de alumnado admitido

• 22 de febreiro no taboleiro de anuncios do CEIP Ramón de Valenzuela ou na aplicación  admisiónalumnado

Gustouvos o Festival? Temos uns nenos e nenas que son uns artistas! Sabemos que non estivemos todos e todas os que queríamos estar, e... por iso, deixamos aquí os vídeos do festival para que os podades gozar coa familia ao completo. FELIZ NADAL A TODOS E TODAS!! 

APERTURA DO FESTIVAL con 5º e 6º: "All I want for Christmas is you" 

INFANTIL: Natillas de Nadal

1º de Primaria: A luz que nace en ti

2º de Primaria: " A Maxia de Nadal

3º de Primaria: Santa Claus is coming to town

4º de primaria: We are the world

4º de Primaria: Marcha turca

5º de primaria: Ai de min!

6º de Primaria: Navidad

O pasado xoves, os nenos e nenas do cole xuntámonos para escribir os nosos desexos de Nadal, os pequenos axudados polos maiores e todos e todas compartindo emocións e ilusións de Nadal. Foi unha fermosa xornada que rematou cun riquísimo chocolate. Aquí tedes un resumo dun día marabilloso. Aproveitamos para desexarvos un moi Feliz Nadal e Feliz Aninovo!!

Achégase o Nadal e o tempo de lecer en familia. Aos nosos nenos e nenas gústalles moito cociñar e propóñennos unhas receitas riquísimas de Nadal. . (Na foto vedes a Hugo de 5º de infantil que fixo unhas riquísimas galletas de Nadal). Aproveitade este tempo de frío e chuvia para seguir mandando máis recetas. Estamos agardando por elas. E se queredes ver algunha das que foron chegando premede na imaxe e xa veredes cantos manxares prepararon os nosos nenos e nenas...

O día 3 de decembro foi o "Día Internacional das persoas con discapacidade". Dende o cole, grazas aos compañeiros e compañeiras de 4º, quixemos aproveitar esta conmemoración para ver máis de preto as dificultades coas que estas persoas se atopan a diario.

Recibimos a visita de usuarios e traballadores sociais de COGAMI (asociación que presta apoio ás necesidades das persoas con discapacidade, con centro en Medelo).

Foron varias as actividades que fixemos dependendo dos cursos. Así houbo: contacontos; actividades sensoriais grazas as que vivenciamos as dificultades que teñen aquelas persoas que carecen do sentido da vista, a mobilidade, etc; actividades de linguaxe signada e de braille; actividades de mobilidade reducida... Tamén falamos do seu do seu día a día, de como era o seu centro,...

Cantas cousas que non sabiamos e cantas cousas son capaces de facer!

Non esquezamos que todos e todas somos diferentes e ÚNICOS!