1.Titorías: A persoas que desexen ter unha xuntanza, tanto co profesorado como coa dirección, deberán solicitar previamente unha cita. Preparar unha entrevista persoal require ter tempo para recoller toda a información necesaria polo que non se atenderá a ninguén sen cita previa.
2.Entrega e recollida de alumnado:
a.Co fin de axilizar o máis posible as entregas e recollidas do alumnado ao longo da mañá as familias agardarán xunto a porta de entrada do edificio e deberán traer cuberto o impreso correspondente que poderán atopar na Web escolar no botón “Impresos”.
b.Para evitar accidentes, nos momentos de entrada e saída non poderán entrar no aparcamento coches alleos ao centro e do mesmo xeito non poderá haber ningún coche en movemento arredor dos autobuses escolares.
3.Faltas de asistencia: As faltas de asistencia serán sempre xustificadas por escrito e a poder ser con antelación ás persoas titoras: vía Abalar, a través do impreso de xustificación que poderán atopar na Web escolar no botón “Impresos” ou na axenda escolar.
4.Hábitos de vida saudable: Moitos dos hábitos de vida saudable aprendémolos por imitación polo que pregamos que:
a.Os petiscos de media mañá sexan alimentos o menos procesados posible: froita, froitos secos, bocadillos sinxelos, lácteos con baixo contido de azucre… e que a bebida que traian sexa auga.
b.Non se fume nin dentro do recinto nin na zona onde aparcan os autobuses xa que está prohibido por lei.
5.Refoxos Escola Verde: Ano a ano damos pasos para que o colexio sexa mais sustentable por iso pedimos de novo a colaboración das familias á hora de elixir envases reusables para as pertenzas e as merendas so alumnado.
En Refoxos, a 8 de setembro de 2023
A dirección
Nuria Abuín Carou
