Hoxe fomos ás instalacións de Meteogalicia e ao MUPEGA, en Santiago de Compostela.
En Meteogalicia asistimos ao lanzamento dun globo sonda. Primeiro vimos como inflaban o globo sonda ,despois como lle enganchaban un aparello chamado radiosonda , que é o que vai mandar información, a un ordenador, sobre a presión atmosférica, a humidade e a temperatura. Finalmente, dous dos nosos compañeiros axudaron a soltalo.
A continuación estivemos na sala de control vendo o que gravaban algunhas das cámaras que están distribuidas por toda Galicia para mostrarnos o tempo que fai en todo momento. Había que estar moi calados, porque podían chamar en directo de calquera medio de comunicación para preguntar sobre o tempo.