Novas

Abrimos a inscrición de actividades extraescolares ofertadas pola Anpa Andaravía, coa esperanza de que a oferta resulte de interese para vós e para as vosas fillas e fillos.

Como en anos anteriores, as actividades teñen un prezo de 13,50€/mes e só se impartirán aquelas nas que haxa máis de 8 crianzas matriculadas. Naquelas actividades que se imparten dous días á semana, pode irse só un día, por 13,50€/mes ou os dous días por 21€/mes. Manualidades e pintura ten un custe a maiores de 25 euros anuais en concepto de materiais e no caso de Robótica o prezo dependerá do número de alumnos/as matriculados e da dispoñibilidade de equipamento por parte do centro.

Este ano, recuperamos tamén Natación escolar, que se impartirá na piscina municipal. Un monitor ou monitora recollerá no centro o alumnado que vaia ao comedor.

Tedes máis información no propio formulario de inscrición.

INSCRICIÓN FORMULARIO ACTIVIDADES

Agardamos que esta proposta vos sexa interesante e útil e agradecémosvos, como sempre, que nos fagades chegar as vosas suxestións ou queixas, sobre este ou outros temas relacionados.

Recibide un cordial saúdo.

O vindeiro luns 12 de setembro ás 17:00horas, faremos unha reunión informativa para as familias do alumnado que o vindeiro curso estará nas aulas de 6º.

Pregamos que tan só asista unha persoa por familia e sen os/as nenos/as.

Xúntase listaxe de material.

O vindeiro LUNS 12 de setembro ás 17:00horas, faremos unha reunión informativa para as familias do alumnado que o vindeiro curso estará nas aulas de 5º de Infantil.

Pregamos que tan só asista unha persoa por familia.

A entrada ao centro será polo portalón de acceso dende os buses.

O vindeiro luns 26 de setembro ás 17:00 horas, faremos unha reunión informativa para as familias do alumnado que o vindeiro curso estará nas aulas de 3º.

Pregamos que tan só asista unha persoa por familia e sen os/as nenos/as.

A entrada ao centro será pola porta de acceso principal (porta do telefonillo).

Xúntase listaxe de material.