Así de animado estivo o noso patio o pasado 23 de xuño, último día de clase. Aquí tendes unha mostra da actividade organizada polo Departamento de Tecnoloxía  a cargo de Emilio Regueira e Felipe Roget. A xa tradicional, vistosa e disputada, carreira de robots. Outros dedicáronse a perfilar ben os seus avións de papel e competir no II Certame de Avións de papel organizado polo Departamento de Plástica con Antonio Sánchez e tamén tiveron a oportunidade de ver unha impresora láser e prototipos robóticos con Felipe Roget. Grazas a todos e todas polo esforzo e entusiasmo e desexámosvos que pasedes unha felices vacacións e veñades con enerxía para afrontar o novo curso

LISTAXE LIBROS DE TEXTO  (Ver información adxunta no taboleiro do instituto)

LIGAZÓN

Así de atentos estaban os alumnos do centro o pasado día 16 de xuño cando andaban percorrendo as Illas Cíes. A actividade foi programada polo Departamento de CCNN e o seu profesor Santiago Robado. Acompañaron a estes alumnos de 1º da ESO os profesores Emilio Regueira, Sandrine Sánchez e Pilar Melcón. Caminata e observación durante todo o día para logo ter un descanso refrescante na praia. Unha xornada ben aproveitada neste pequeno paraíso natural. Parabéns a todos/as

O pasado mércores 21 de xuño o alumnado de 1º da ESO desprazouse á praia de Testal como actividade cumio do Plan Proxecta co que se traballou durante o curso. O alumnado de ESO do IES Virxe do Mar participa nun programa de innovación educativa que ten por finalidade provocar un cambio nas actitudes e hábitos alimenticios do alumnado, e que este cambio repercuta na súa mellora persoal e no ámbito familar e social. En concreto, perséguese:  potenciar o consumo de froita e produtos de mar e acadar unha alimentación equilibrada para obter boa saúde.

No programa están involucrados 9 profesores e profesoras de diferentes disciplinas (galego, inglés, frances. Tecnoloxía, CC Naturais, Matemáticas e Educación Física) que desenvolven diferentes actividades docentes dentro da aula ao longo do curso.  A esas actividades hai que sumarlle o reparto de froita fresca de temporada en varias semanas diferentes do ano; obradoiros de bocadillos saudables utilizando como base conservas de peixe e/ou marisco; excursións á lonxa para coñecer todo o proceso de recollida, selección e catalogación do marisco e acabar degustando hamburguesas e croquetas de peixe fresco e diversos obradoiros sobre a necesidade de conservación da biodiversidade mariña unido á concienciación das vantaxes de consumir peixe fresco na dieta semanal.

 Esta foi a última actividade do curso. Recibiron unha charla de carácter científico sobre a riqueza marisqueira da súa contorna e completaron a xornada cun baño e bocadillos saudables que trouxeron da casa acompañados dunha elaborada sobremesa de froita fresca. Regresaron, igual que foron, camiñando.Tiveron a oportunidade tamén de ter un econtro con Sechu López, deportista, que está a percorrer a costa galega nun proxecto denominado Costa Verdecente. Tivo  a xentileza de facer un alto no seu camiño e comentar cos rapazes a súa nova aventura. Moitas grazas a Sechu, polo detalle e aos organizadores e participantes desexarlles unhas boas vacacións así como tamén agradecementos aos colaboradores.

Unha nova oportunidade de experimentar numerosas viviencias no campamento de inmersión lingüística de Blanes. Os alumnos de 2º da ESO participaron acompañados dos profesores Eva Núñez, Fernando Vigo e Antón López. A actividade desenvolveuse entre o  12 e o 17 de xuño. Mar, deporte, actividades ao aire libre...coma un adianto do verán... e o inglés por mellorar. Parabéns a todos/as.

Na seguinte ligazón está a INFORMACIÓN de final de curso