ACTO CONTRA AS VIOLENCIAS

Na xornada do 24 de novembro desenvolvéronse no centro unha serie de actos cos que a comunidade educativa se sumaba á conmemoración do Día contra a Violencia de Xénero. Durante o primeiro recreo houbo un acto musical protagonizado polo alumnado da ESO e coordinado polo Departamento de Música coa presentación dun video no que alumnos e docentes versionan unha peza musical de Guadi Galego. Hai que agradecer a colaboración de moita xente implicada neste proxecto: alumnos e alumnas tanto da ESO como do Ciclo e profesorado como Luis Alonso, Antía Figueiras e Pilar Melcón.  Na imaxe apararece reflectido o acto do segundo recreo, feito coa colaboración de alumnas de Bach mailo coro infantil do centro, coordinado por Fernando Vigo e Eva Núñez. A presentación estivo a cargo de Tamara Vidal e Anxo Núñez. Grazas a todos. Nós seguiremos sensibilizando.


 


 

MAGOSTO 2017

Hoxe pola tarde tivemos a oportunidade de degustar as castañas no Magosto 2017. Tarde de sol e xogos coordinados polo Equipo de Dinamización Lingüística do centro, con Antón López e María Golán. A finalidade do esforzo  é que pasedes un rato agradable e que compartades espazo e xogos no patio, que como amosa a fotografía estivo bastante concurrido. Agradecer a Tamara Vidal a súa colaboración, aos profes e ao alumnado que estiveron máis atentos no coidado do patio.


 


 

ALUMNADO

Aquí temos a foto dos gañadores e gañadoras do concurso. Alumnos de Tecnoloxía de 1º Bach A,B e 2º Bach B.  O día foi intenso, a primeira parte da mañá foi o concurso: cada grupo presentou o seu proxecto, logo unha charla  sobre a oferta de titulacións do campus de Ferrol, e a continuación fíxose a entrega de diplomas e a proclamación do equipo gañador. Na segunda parte da mañá, os alumnos visitaron varias instalacións do campus: o laboratorio de plásticos, o de mecánica, o de robótica e o de láser, un túnel de vento e un canal hidrodinámico (que usan para simular condicións de mar).  Unha xornada completa cun resultado excelente. Parabéns.


 

II CONCURSO DE ROBÓTICA CAMPUS FERROL

 

 

Aquí temos un momento da presentación do Proxecto para o II Concurso Robótica Campus Ferrol, feito onte 31 de outubro e no  que resultaron GAÑADORES os alumnos do Virxe do Mar. PARABÉNS a todos polo éxito e aos seus profesores Felipe Roget e Emilio Regueira polo traballo desenvolvido.

Neste enlace está a noticia de TVG sobre o mesmo

http://www.crtvg.es/informativos/estudantes-galegos-presentan-en-ferrol-os-seus-proxectos-de-robotica-3525331


 


 

VISITA AO EVA

 

O pasado 18 de outubro o Departamento de Tecnoloxía, organizou unha visita a estación E.V.A. 10. invitados polos responsables da mesma. A actividade estivo dirixida ao  alumnado de 4º da ESO do noso centro. Na visita ao E.V.A. 10 coñeceron o funcionamento de varios sistemas de telecomunicacións. Viron o radar, que empregan para detectar avións nun radio de 450 km. Puideron acceder ao interior do radomo (a cúpula que protexe ao radar), porque estaban en parada de mantemento. Tamén  explicaron cómo se procesa a información captada polo radar e se transmite ata as instalacións centrais do Ministerio de Defensa en Torrejón, mediante unha rede de antenas de comunicacións por microondas. Ensinárolle tamén instalacións auxiliares, como a planta de enerxía, que lles permitiría funcionar durante meses sen subministro eléctrico do exterior. Foron acompañados polos profesores Felipe Roget e Fernando Martínez. Agradecer, desde o centro, a atención prestada aos asistentes desde a estación, e aos organizadores.

 


 

TOD@S CONTRA O LUME

O pasado luns 16 de outubro o alumnado do Virxe do Mar sumouse ao berro de todos os galegos e galegas CONTRA O LUME e concentráronse en solidariedade con todas as familias afectadas. Convocados por sindicatos estudiantís, realizaron un paro, ás 12 do mediodía, no patio do centro. A comunidade educativa do Virxe do Mar sumámonos tamén ao berro dos rapaces e rapazas.


 


 

Distribuir contido