XORNADA INTERCAMBIO COLISEO NOELA

Aquí temos unha instantánea da intensa xornada de hoxe no Coliseo Noela nas xornadas de Intercambio con Canarias dentro do proxecto Climántica. O acto contou coa presenza dos señores alcaldes de Noia e Boiro na inauguración tralo que se proxectaron os traballos do alumnado que forma parte do intercambio: Colegio Delacroly de Tenerife, Os Dices de Rois, Poeta Añón de Outes, Xelmirez I de Santiago, Rosalía de Santiago , Praia Barraña de Boiro e o Virxe do Mar. A xornada rematou coa intervención do profesor Angel Carracedo que falou sobre a Xenómica Contemporánea no día Mundial do ADN. Tamén se proxectaron curtametraxes como a do próximo campus de AVEIRO e contouse coa actuación do Coro do IES Virxe do Mar. 



 

XORNADA DE CIENCIA EN VIVO

 

O xoves 12 de marzo, no encadre do programa da Semana Cultural, os estudantes do grupo de traballo de Ciencia escolar de Climántica, desenvolveron as demostracións prácticas recollidas no material didáctica de cambio global que publicamos en EduCO2cean-Erasmus+ e os coñecementos sobre xenoma que acadaron na investigación sobre o ADN dirixida no laboratorio de Bioloxía polo Dr. Carracedo . Estes estudantes dos catro cursos de ESO, coordinados pola profesora de Bioloxía Raquel Troitiño, desenvolveron prácticas para demostrar a estratificación oceéanica, a acidificación dos océanos ou os efectos do desexo. As explicacións a través de  demostracións prácticas repetiranas na escola de secundaria  hispano lusa Giner de los Ríos de Lisboa o venres 18 de maio. A demostración acodiron os alumnos de 2º da ESO e de 3º da ESO acompañados dos seus profesores. Unha actividade coa que pechamos as xornadas da Semana Cultural 2018. Moitas grazas a todos/as pola participación.



 

 

VIAXE A PORTUGAL

Aquí temos unha foto do alumado que a pasada fin de semana e dentro das actividades da Semana Cultural se desprazou ata Portugal. A excursión foi organizada polo Departamento de Relixión e os profesores acompañantes foron María Jesús Agrafojo e Antón López. Unha intensa visita que os levou por Braga, Aveiro, Fátima, Bathalla, Coimbra e Viana visitanto mosteiros e santuarios como o do Bo Xesús, o de Fátima, o de Bathalla e o de Santa Lucía e tamén a cidade dos pequeninos. A actividade desenvolveuse desde o sábado 7 de abril ata o luns 9 de abril.



 

ATLANTIS, A CIENCIA DO MITO

 

O periodista e reporteiro Emilio Varela mantivo unha charla coloquio de 4 horas, o venres 6 de abril,  "Atlantis, a ciencia do mito”. Partiu do mito de Platón para situalo na illa de Sartorini. Dende esa suposión, propuso que Platón podía estar facendo unha analoxía dunha illa onde a xente desapareceu coincidindo con unha gran erupción. Desa forma situou aos alumnos diante dun cambio de escala local ao global para levalos á consideración do risco da desaparición da nosa especie por cambio climático, establecendo a diferencia de que daquela non sabían o que pasaba, e agora si o sabemos e non reaccionamos. No percorrido fixo un amplo estudo histórico, artístico e cultural da zona, que o relator ilustrou con imaxes propias. Tamén estableceu un amplo estudo do vulcanismo e dos riscos asociados. Analizou os riscos vulcanolóxico en en xeral e os das megaerupcións.Na actividade participaron máis de 100 alumnos de 3º, 4º de ESO e de Bacharelato. A participación dos alumnos foi elevada e frecuente. Esta actividade foi coordinada polo Departamento de CCNN e inclúese nas desenvolvidas ao longo da Semana Cultural. Moitas grazas a Emilio Varela pola súa xenerosidade e entusiasmo á hora de facer chegar ao alumnado estes interesantes temas.


 


 

EXCURSIÓN Á CIDADE DE LUGO

 

O venres, día 6 de abril, o alumnado de 1º de ESO  fixo unha viaxe ata o castro de Viladonga e a cidade de Lugo, para o coñecemento e posta en valor da cultura castrexa e romana en Galicia e que formou parte da programación da Semana Cultural do centro. A primeira hora da mañá visitaron o Castro de Viladonga. A media mañá chegaron á cidade de Lugo (Lucus Augusti) para coñecer de preto a orixe romanas da cidade e as súas principais manifestacións artísticas. Visitaron o centro de interpretación da muralla, a Domus do Mitreo e a Casa dos Mosaicos, onde puideron contemplar mosaicos, pinturas e diferentes estancias.  Desde a Praza Maior, onde de atopan as esculturas dos fundadores da cidade, percorreron un tramo da muralla polo seu adarve e tiveron ocasión de atravesar diferentes portas de acceso á cidade a relación dalgunhas destas co Camiño de Santiago. Ao mediodía visitaron o IES Lucus Augusti onde, ademais de xantar, coñeceron as súas instalacións, quedando gratamente sorprendidos das súas características e das coleccións que se atopan no seu interior. Un día intenso e ben aproveitado acompañados dos seus profesores Estefanía Ageitos, Antón López, Fernando Martínez e Santiago Robado.


 


 

 

ENCONTRO CON MARÍA REIMÓNDEZ

 

O día 3 de abril, dentro das actividades da Semana Cultural, estivo no Virxe do Mar María Reimóndez. Veu para falar da súa obra co alumnado de 2º da ESO e 2º de Bach. A actividade foi coordinada polo Departamento de Galego do centro. A escritora compartiu impresións e experiencias arredor da súa obra  e dos moitos proxectos cos que traballa. Un pracer a súa visita ao noso centro e ..parabéns aos organizadores e colaboradores.


 


 

 

Distribuir contido