GRADUACIÓN 18

 

Aquí os temos. Un ano máis o promoción de 2º de Bach. Cunha cerimonia, o pasado 25 de maio, despedímonos deles. O Sr. Director,o Sr. Alcalde de Noia, Xan Mariño, como profesor,  Marcos Lado e Manuel Monterroso, como alumnos, foron os encargados de dirixir consellos e palabras agarimosas de despedida aos protagonistas e ás familias. Acompañáronos as notas musicais do coro infantil. Moitos colaboradores, para poder levar a cabo esta despedida. Grazas a todos/as. Sorte a todos/as. Grazas tamén ao fotógrafo: Xes Chapela.

Aquí tendes o enlace da noticia na Voz de Galicia:

 

 


 


 

CLIMÁNTICA EN PORTUGAL

 

Aquí temos unha imaxe de parte do alumnado participante nas actividades de Climántica en Portugal o pasado 17,18,19, 20 de maio. Unha estadia en Porto, Aveiro, Lisboa e Óbidos onde amosaron os seus coñecementos aos compañeiros que os acompañaban desde Galicia e aos portugueses. Parabéns. Para coñecer en profundidade as actividade consultar a páxina de Climántica


 


 

CHARLA SOBRE VIOLENCIA DE XÉNERO

re

O 24 de maio, na Aula Álvaro de las Casas o alumnado de 4º da ESO asistiu a unha interesante charla sobre Violencia de Xénero. Unha actividade organizada e coordinada polo Departamento de Orientación que dirixe Xulia Villaverde e impartida pola Garda Civil. Non cansaremos de concienciar ao noso alumnado da necesidade de erradicar este grave problema.


 


 

FINAL TROFEOS XADREZ E DAMAS

 

Aquí temos unha fotografía de gañadores nos certames de xadrez e damas neste curso. Tanto na competición de decembro como na de Semana Santa. Participantes pacientes que esperaron a recibir xuntos os seus agasallos. A entrega de trofeos  foi o pasado martes 22 de maio en Álvaro de las Casas. Esta actividade desénvolvese grazas ao traballo de Antón López, coordinador no centro. Parabéns.



 

CERTAME LITERARIO ALBERTO ROMASANTA

 

O 16 de maio a partir do segundo recreo celebrouse no Campo de San Alberto unha nova edición do Certame Literario Alberto Romasanta. Unha nova edición dunha actividade compartida polos dous centros de Noia. Na mesa presidencial membros do xurado, directores dos centros e responsables de Dinamización. Unha actividade que se mantén no tempo e que aposta pola creación e a defensa da lingua. Parabéns.

 Os galardonados este ano no Virxe do Mar foron:

En Relato

  • Marisol Suárez de 1º ESO B,
  • Aimara Ventoso de 3º ESO B
  • Manuel Fornis e David Neira de 2º Bach.

en Poesía

  • Aimara Ventoso de 3º ESO B
  • Noela Suárez de 3º ESO B
  • Zaira González de 1º Bach
  • Tamara Vidal de Ciclo

Tamén obtiveron diploma: Mauro Pérez de 1º ESO C, Elisa Pruneri de 3º ESO B, Helena Fernández de 1º Bach C, Andrea Pérez de 2ºBach C, Ahmed Sadek el Shahat de 4º ESO B e Laura Vázquez de 2º Bach A



 

Distribuir contido