Aquí temos unha foto do alumado que a pasada fin de semana e dentro das actividades da Semana Cultural se desprazou ata Portugal. A excursión foi organizada polo Departamento de Relixión e os profesores acompañantes foron María Jesús Agrafojo e Antón López. Unha intensa visita que os levou por Braga, Aveiro, Fátima, Bathalla, Coimbra e Viana visitanto mosteiros e santuarios como o do Bo Xesús, o de Fátima, o de Bathalla e o de Santa Lucía e tamén a cidade dos pequeninos. A actividade desenvolveuse desde o sábado 7 de abril ata o luns 9 de abril.

O periodista e reporteiro Emilio Varela mantivo unha charla coloquio de 4 horas, o venres 6 de abril,  "Atlantis, a ciencia do mito”. Partiu do mito de Platón para situalo na illa de Sartorini. Dende esa suposión, propuso que Platón podía estar facendo unha analoxía dunha illa onde a xente desapareceu coincidindo con unha gran erupción. Desa forma situou aos alumnos diante dun cambio de escala local ao global para levalos á consideración do risco da desaparición da nosa especie por cambio climático, establecendo a diferencia de que daquela non sabían o que pasaba, e agora si o sabemos e non reaccionamos. No percorrido fixo un amplo estudo histórico, artístico e cultural da zona, que o relator ilustrou con imaxes propias. Tamén estableceu un amplo estudo do vulcanismo e dos riscos asociados. Analizou os riscos vulcanolóxico en en xeral e os das megaerupcións.Na actividade participaron máis de 100 alumnos de 3º, 4º de ESO e de Bacharelato. A participación dos alumnos foi elevada e frecuente. Esta actividade foi coordinada polo Departamento de CCNN e inclúese nas desenvolvidas ao longo da Semana Cultural. Moitas grazas a Emilio Varela pola súa xenerosidade e entusiasmo á hora de facer chegar ao alumnado estes interesantes temas.

O venres, día 6 de abril, o alumnado de 1º de ESO  fixo unha viaxe ata o castro de Viladonga e a cidade de Lugo, para o coñecemento e posta en valor da cultura castrexa e romana en Galicia e que formou parte da programación da Semana Cultural do centro. A primeira hora da mañá visitaron o Castro de Viladonga. A media mañá chegaron á cidade de Lugo (Lucus Augusti) para coñecer de preto a orixe romanas da cidade e as súas principais manifestacións artísticas. Visitaron o centro de interpretación da muralla, a Domus do Mitreo e a Casa dos Mosaicos, onde puideron contemplar mosaicos, pinturas e diferentes estancias.  Desde a Praza Maior, onde de atopan as esculturas dos fundadores da cidade, percorreron un tramo da muralla polo seu adarve e tiveron ocasión de atravesar diferentes portas de acceso á cidade a relación dalgunhas destas co Camiño de Santiago. Ao mediodía visitaron o IES Lucus Augusti onde, ademais de xantar, coñeceron as súas instalacións, quedando gratamente sorprendidos das súas características e das coleccións que se atopan no seu interior. Un día intenso e ben aproveitado acompañados dos seus profesores Estefanía Ageitos, Antón López, Fernando Martínez e Santiago Robado.

O día 3 de abril, dentro das actividades da Semana Cultural, estivo no Virxe do Mar María Reimóndez. Veu para falar da súa obra co alumnado de 2º da ESO e 2º de Bach. A actividade foi coordinada polo Departamento de Galego do centro. A escritora compartiu impresións e experiencias arredor da súa obra  e dos moitos proxectos cos que traballa. Un pracer a súa visita ao noso centro e ..parabéns aos organizadores e colaboradores.

Non pode faltar na Semana Cultural o Obradoiro de cociña. Coordinado por Antonio Sánchez e María Golán coa colaboración de Erika Pazos, unha ducia de alumnas elaboraron postres de chocolate. A nota dulce da Semana Cultural. Parabéns a todos/as. Quédanos pendente o obradoiro de cerámica pero esperaremos á disponibilidade do oleiro.

Aquí temos unha imaxe da representación teatral do pasado xoves. Un instante da obra desenvolta por estas cinco alumnas do Virxe do Mar. Un Coliseo cheo que apladiu o esforzo e o bo facer destas rapazas. Parabéns a todas elas e ao director Carlos Maquieira, Gloria Rivas e demais colaboradores.