Skip to Content

Blog_ACE

Blog de Actividades Complementarias e Extraescolares

Os paseos de Jane

O pasado venres, 24 de maio, o alumnado de Proxecto Competencial de 4ºA realizou, xunto ao alumnado do IES A Cachada de Boiro, unha actividade chamada “Os paseos de Jane”. Estes paseos realízanse no mes de maio en distintas cidades de todo o mundo e son un recoñecemento ao legado e ás ideas de Jane Jacobs, que defendía o deseño e as construcións das cidades centradas nas persoas que viven nelas. 

Nesta xornada acollemos o alumnado de Boiro e falámoslle da nosa cultura local, do noso pasado medieval e dos problemas sociais e urbanísticos asociados á accesibilidade dos espazos públicos da nosa vila. Logo, foron eles os anfitrións e guiáronos polas rúas do Cabo da Cruz. Velaquí vos deixamos este vídeo da experiencia.

 

Visita ás minas de SanFinx

O pasado 17 de abril o alumnado de 1º ESO participou nunha visita ao museo da mina de San Finx, en Lousame. Alí atenderon ás explicacións do persoal do museo sobre a actividade e as características desa explotación mineira do século pasado. Ao rematar a visita, realizaron unha andaina de varios kilómetros por unha paisaxe de importante valor natural e etnográfico. Para organizar esta actividade colaboraron os departamentos de Ciencias Naturais, Ciencias Sociais e Tecnoloxía.

Visita a Escolas Técnicas da Universidade de Vigo

O pasado 10 de xaneiro, o alumnado de Tecnoloxía e Enxeñaría de Bacharelato do IES Virxe do Mar visitou a Escola de Enxeñaría de Minas e Enerxía e a Escola de Enxeñaría Industrial da Universidade de Vigo. Realizaron obradoiros de combustión e intelixencia artificial, e visitaron un laboratorio de Robótica e Automática. Tamén recibiron información sobre a súa oferta formativa e puideron percorrer as súas instalacións. Queremos transmitir o noso agradecemento aos responsables de ambas Escolas pola atención que nos prestaron. Esta actividade foi organizada en colaboración co departamento de Tecnoloxía do IES do Son.

Sorteo cesta de Nadal

A cesta será entregada o próximo venres 29 de decembro nas oficinas do instituto en horario de mañá.

Se vostede posúe a rifa gañadora e non pode acudir ao centro ese día pregámoslle nos indique, empregando o correo do centro ou chamada telefónica, outro momento para facerlle entrega da mesma. Grazas pola colaboración co noso alumnado.

 ies.virxedomar.noia@edu.xunta.gal

Teléfono: 881 866831

Música para o 25N

O 25N tamén podemos celebralo a través da música...

Aquí tedes unha lista de reprodución con temas musicais relativos ao tema.

Desfrutádea!

 

O ALUMNADO DE PROXECTO COMPETENCIAL DO IES VIRXE DO MAR COÑECE O MERCADO DE PROXIMIDADE DA VILA DE NOIA

Este xoves, 23 de novembro, o alumnado de 4ºESO A coñeceu de primeira man o mercado de proximidade que hai na nosa vila. Esta actividade forma parte dun proxecto que se desenvolverá ao longo deste curso e que ten como obxectivo principal “repensar o modelo de vila que temos e queremos”.

Distribuir contido


by Dr. Radut