Skip to Content

Polos creativos

Réplicas de laudas gremiais con impresora 3D

O profesor Carlos Galbán, do departamento de Xeografía e Historia, realizou unha interesantísima actividade co seu alumnado de 2º ESO. A partir de fotografías tomadas a algunhas das laudas gremiais expostas na Igrexa de Santa María a Nova, crearon modelos tridimensionais cun programa informático. E con estes modelos tridimensionais conseguiron crear réplicas a escala desas laudas usando a impresora 3D do Polo. Parabéns polo traballo realizado!

Pincha na imaxe para ver máis.

Pista de adestramento de robots

Coa colaboración do alumnado de Tecnoloxía e Enxeñaría de 1º Bacharelato montamos a primeira pista de adestramento de robots do Polo. Ten un deseño pensado para realizar distintos tipos de probas: precisión, persecución, barrendeiro... Agardamos sacarlle moito partido a partir do vindeiro curso.

Deseños conmemorativos do día das Letras Galegas

Con motivo da celebración do Día das Letras Galegas, que este ano está dedicado a Luísa Villalta, fixéronse algúns deseños conmemorativos con algunhas das máquinas do Polo Creativo: impresión 3D, corte láser e plóter de corte. Lembrade que tedes á vosa disposición as instalacións do Polo para materializar as vosas ideas.

Rotulación de camisetas

Andamos estes días facendo probas de rotulación sobre textil. Como primeiro exemplo, unha camiseta para o staff do Polo Creativo do IES Virxe do Mar.

 

Brazo robótico

Dúas alumnas de 2º Bacharelato, Sara e María, están realizando a montaxe e programación dun brazo robótico incluído na dotación dos Polos Creativos. Andamos estes días coas primeiras probas. Aínda que vos pareza algo inquedante, non vos preocupedes, de momento é inofensivo.

 

Chapas para o 1º Concurso de Ciberseguridade

Con motivo da Semana Cultural do instituto, o profesor Nacho Rodiño organizou o 1º Concurso de Ciberseguridade do IES Virxe do Mar, para o alumnado de 1º ESO. Para recoñecer aos gañadores e agasallar a todos os participantes deseñáronse estas chapas conmemorativas.

Distribuir contido


by Dr. Radut