CONTRA A VIOLENCIA DE XÉNERO

Aquí temos unha foto dos alumnado e profesorado asistente a gala de entrega de premios do Concello de Noia con motivo do Día Contra a Violencia de Xénero. Os asistentes son os que, previamente, tiñan realizado videos para poder participar no evento e polo que recibiron, nalgúns casos, premio. A actividade estivo coordinada pola orientadora do centro, Julia Villaverde. Foi un acto no que participaron os centros escolares do Concello e que, polo que contan, resultoulles moi divertido. Parabéns a todos/as.


 


 

DÍA DAS PERSOAS CON DISCAPACIDADE

O pasado 4 de decembro tivemos a oportunidade de ter no centro a representantes da asociación Misela para conmemorar o Día das Persoas con Discapacidade. Na fachada do centro leuse un comunicado, no que se reivindica a necesidade que temos todos e todas de implicarnos nesta integración. Ao acto asistiron alumnos e 1º da ESO cos seus titores entre outros. Contamos coa colaboración de Antón López, Fernando Vigo e Eva Núñez responsables do acompañamento musical. Para o Virxe do Mar foi un pracer telos como invitados e esperamos que  volvan noutras ocasións.


 


 

ACTO CONTRA AS VIOLENCIAS

Na xornada do 24 de novembro desenvolvéronse no centro unha serie de actos cos que a comunidade educativa se sumaba á conmemoración do Día contra a Violencia de Xénero. Durante o primeiro recreo houbo un acto musical protagonizado polo alumnado da ESO e coordinado polo Departamento de Música coa presentación dun video no que alumnos e docentes versionan unha peza musical de Guadi Galego. Hai que agradecer a colaboración de moita xente implicada neste proxecto: alumnos e alumnas tanto da ESO como do Ciclo e profesorado como Luis Alonso, Antía Figueiras e Pilar Melcón.  Na imaxe apararece reflectido o acto do segundo recreo, feito coa colaboración de alumnas de Bach mailo coro infantil do centro, coordinado por Fernando Vigo e Eva Núñez. A presentación estivo a cargo de Tamara Vidal e Anxo Núñez. Grazas a todos. Nós seguiremos sensibilizando.


 


 

MAGOSTO 2017

Hoxe pola tarde tivemos a oportunidade de degustar as castañas no Magosto 2017. Tarde de sol e xogos coordinados polo Equipo de Dinamización Lingüística do centro, con Antón López e María Golán. A finalidade do esforzo  é que pasedes un rato agradable e que compartades espazo e xogos no patio, que como amosa a fotografía estivo bastante concurrido. Agradecer a Tamara Vidal a súa colaboración, aos profes e ao alumnado que estiveron máis atentos no coidado do patio.


 


 

ALUMNADO

Aquí temos a foto dos gañadores e gañadoras do concurso. Alumnos de Tecnoloxía de 1º Bach A,B e 2º Bach B.  O día foi intenso, a primeira parte da mañá foi o concurso: cada grupo presentou o seu proxecto, logo unha charla  sobre a oferta de titulacións do campus de Ferrol, e a continuación fíxose a entrega de diplomas e a proclamación do equipo gañador. Na segunda parte da mañá, os alumnos visitaron varias instalacións do campus: o laboratorio de plásticos, o de mecánica, o de robótica e o de láser, un túnel de vento e un canal hidrodinámico (que usan para simular condicións de mar).  Unha xornada completa cun resultado excelente. Parabéns.


 

II CONCURSO DE ROBÓTICA CAMPUS FERROL

 

 

Aquí temos un momento da presentación do Proxecto para o II Concurso Robótica Campus Ferrol, feito onte 31 de outubro e no  que resultaron GAÑADORES os alumnos do Virxe do Mar. PARABÉNS a todos polo éxito e aos seus profesores Felipe Roget e Emilio Regueira polo traballo desenvolvido.

Neste enlace está a noticia de TVG sobre o mesmo

http://www.crtvg.es/informativos/estudantes-galegos-presentan-en-ferrol-os-seus-proxectos-de-robotica-3525331


 


 

Distribuir contido