CERTAME LITERARIO ALBERTO ROMASANTA

 

O 16 de maio a partir do segundo recreo celebrouse no Campo de San Alberto unha nova edición do Certame Literario Alberto Romasanta. Unha nova edición dunha actividade compartida polos dous centros de Noia. Na mesa presidencial membros do xurado, directores dos centros e responsables de Dinamización. Unha actividade que se mantén no tempo e que aposta pola creación e a defensa da lingua. Parabéns.

 Os galardonados este ano no Virxe do Mar foron:

En Relato

  • Marisol Suárez de 1º ESO B,
  • Aimara Ventoso de 3º ESO B
  • Manuel Fornis e David Neira de 2º Bach.

en Poesía

  • Aimara Ventoso de 3º ESO B
  • Noela Suárez de 3º ESO B
  • Zaira González de 1º Bach
  • Tamara Vidal de Ciclo

Tamén obtiveron diploma: Mauro Pérez de 1º ESO C, Elisa Pruneri de 3º ESO B, Helena Fernández de 1º Bach C, Andrea Pérez de 2ºBach C, Ahmed Sadek el Shahat de 4º ESO B e Laura Vázquez de 2º Bach A



 

NÚÑEZ SINGALA NO VIRXE DO MAR

 

O escritor Manuel Núñez Singala achegouse ao no noso centro para falar da obra Camiños na auga. O autor fixo un percorrido polos espazos xeográficos e humanos nos que se desenvolve a novela e falou do seu protagonista, un xove albino que foxe do terror da persecución en África. O alumnado  tivo a oportunidade de preguntarlle o autor aspectos sobre a creación da obra e sobre o traballo de escritor. Unha actividade organizada polo Departamento de Galego para o alumnado lector de 2º da ESO


 


 

CHARLA INFORMATIVA SOBRE A SEGURIDADE DAS REDES

 

O 15 de maio tivemos no Virxe do Mar unha charla informativa sobre uso, mal uso e riscos das novas tecnoloxías. Un membro da Garda Civil informou aos rapaces de 3º ESO e deulle pautas para empregar os medios informáticos e telefónicos, de xeito seguro. Unha infomación necesaria, que lles axude a empregar ás novas tecnoloxías con racionalidade e seguridade. 



 

ENCONTRO MUSICAL EN VIGO

 

Hoxe, 26 de abril, andan por Vigo os nosos alumnos/as. Encontro de alumnado de Música de Secundaria que organiza ASOMUSICA en Vigo, nesta ocasión. Participaron alumnos de 1º e 4º da ESo así como de 1º de Bach cos temas Billionaire e Zombie de Cranberries. Un exitazo. Foron acompañados polos profesores Pilar Melcón e Emilio Regueira.



 

DÍA DO LIBRO

 

Hoxe, 23 de abril, é o Día do Libro. No IES Virxe do Mar tivemos á nosa disposición dúas mesas con libros da nosa biblioteca para que os poiderades tocar, coñecer e, ao mellor, devecer por ler. Tamén o Departamento de Lengua Española coordinou unha gravación para o día de hoxe. Contaron coa colaboración do Departamento do Ciclo e o profesor Xes Chapela. Aquí o tendes. Grazas a todos/as os que colaborastes. 


 


 

XORNADA INTERCAMBIO COLISEO NOELA

Aquí temos unha instantánea da intensa xornada de hoxe no Coliseo Noela nas xornadas de Intercambio con Canarias dentro do proxecto Climántica. O acto contou coa presenza dos señores alcaldes de Noia e Boiro na inauguración tralo que se proxectaron os traballos do alumnado que forma parte do intercambio: Colegio Delacroly de Tenerife, Os Dices de Rois, Poeta Añón de Outes, Xelmirez I de Santiago, Rosalía de Santiago , Praia Barraña de Boiro e o Virxe do Mar. A xornada rematou coa intervención do profesor Angel Carracedo que falou sobre a Xenómica Contemporánea no día Mundial do ADN. Tamén se proxectaron curtametraxes como a do próximo campus de AVEIRO e contouse coa actuación do Coro do IES Virxe do Mar. 



 

Distribuir contido