VAI A SEMANA

 

Aos poucos vanse traballando as actividades programadas para a Semana Cultural. Na foto unha pequena mostra. Obradoiros como o Sabor da Aventura, charlas sobre Acoso Escolar, degustación de pratos do mundo, Castelao no Coliseo Noela, encuadernar e pintar ao aire libre son algunhas das actividades realizadas. Na foto unha mostra: o oleiro Xosé Manuel Fernández, orixinario de Niñodaguia, en plena  tarefa na que aprendemos que detrás do máis sinxelo hai un gran dominio do oficio. Algúns intentaron emulalo e..... non lles saíu moi mal.


 


 

VISITA AO SON

Ollamos o mar da arousa a través dun dron

Disfrutamos dunha instalación audiovisual

O pasado xoves 6 de abril as alumnas e alumnos do Ciclo Medio Tecnic@ de Video DJ e Son asistiron ás III Xornadas de Xuventude e Emprego de Porto do Son. Alí descubrimos algunhas novas empresas deste concello coma o Dron Submarino, Musieventos, Bowltash Surfboard, Arousa Natureza e Ocio e o Estudio Contraluz. No peirao de Porto do Son puidemos ver as imaxes submariñas en directo dende a cámara dun dron. O final da xornada rematou cunha actuación musical empregando equipamento de son e luces.


 


 

XXIII SEMANA CULTURAL

No Virxe do Mar estase a desenvolver a XXIII Semana Cultural. Presentacións, competicións de xadrez e damas,  teatro así como obradoiros de encuadernación e de alfarería foronse debullando nestes dous días. Paralelamente temos de invitados na vila e no centro ao alumnado de Canarias e de Segovia que participan no intercambio do proxecto Climántica. Aquí tendes o cartel deste ano, baseado nun debuxo de Andrea Pérez e co tratamento dixital realizado por Antía Figueiras e Antonio Sánchez. Grazas a todos/as polo traballo e colaboración.


 


 

INVESTIGANDO O BERBERECHO NO TESTAL

 

Colaboramos coa Universidade de Vigo nunha investigación sobre o berberecho

 O luns 27 de marzo de 2017 puxemos en marcha unha investigación científico – escolar no que participaron máis de sesenta  alumnos de todos os cursos de ESO  e de 1º de Bacharelato. Formamos así un equipo de colaboradores escolares dun grupos de investigación científica co Campus do Mar, seguindo a metedoloxía científico escolar do proxecto Climántica. Con esta iniciativa demos cumprimento a unha das nosos compromisos da Alianza estratéxica para a innovación educativa EduCO2cen – Erasmus+, cuxa candidatura aprobada deseñamos dende o marco do proxecto Climántica. A investigación estivo dirixida pola catedrática de Zooloxía da Universidade de Vigo, e coa colaboración da Cofradía de Mariscadores. Con esta investigación científico - escolar, preténdese iniciar unha serie periódica de datos significativos anuais sobre o recrutamento de berberechos en Testal, para facer o seguimento de posibles incidencias futuras do cambio climático sobre este recrutamento.


 


 

VISITA AO TESTAL

O 14 de marzo, o alumnado de 3º ESO participou nunha actividade que forma parte do proxecto de innovación educativa "Sabe que alimenta". Nesta ocasión, a submodalidade é "o sabor da aventura está no mar", destinada a promover o consumo de peixe fresco. O alumnado acompañados polos profesores coordinadores Olga Amigo, Juanjo García e Teresa Varela, foron á lonxa do Testal para presenciar todo o proceso de recepción, selección e clasificación da ameixa; na praia, equipados con angazos, apañaron algúns berberechos e, para rematar a xornada, degustaron unhas croquetas e hamburguesas de peixe fresco. Unha experiencia moi interesante e saborosa.


 


 

PREMIO

Aquí temos na foto a Sara Varela e a Ana García, gañadoras no recente certame da Asociación de Profesores de Francés. No Concurso Affiche ton francaise Sara foi a primeira clasificada co seu cartaz inspirado en Monet e un accésit para Ana pola súa creación inspirada no pintor Renoir. Parabéns para as dúas e para as coordinadoras da actividade, profesoras do Departamento de Francés: Ana Arca, Sandrine Sánchez e Elodie Lemaître.


 


 

Distribuir contido