DE PERCORRIDO POLAS CÍES

De novo, no curso 2017-18 o departamento de CCNN levou ao alumnado de 1º da ESO ao paraíso das Cíes. Unha actividade do Departamento para concluír o ano de docencia. Un achegamento á fauna, flora e paisaxe deste lugar único. Os rapaces e rapazas foron acompañdos por Santiago Rodríguez, Emilio Regueira, Sandrine Sánchez e Estefanía Ageitos o día 15 de xuño. Un día estupendo de convivencia en plena natureza.


 


 

BLANES 2018

 

De novo, neste mes de xuño de 2018, o alumnado de 2º de ESO tivo a oportunidade de pasar unha semana de inmersión linguística en Blanes. Acompañados de Fernando Vigo, Eva Núñez e Antón López pasaronn uns días ao aire libre entre o mar e a montaña. As noticias son que mereceu a pena, tanto para os alumnos como para os profesores. A estadía rematou coa xornada no parque de atracións Port Aventura. Parabéns.


 


 

CONVOCATORIA DE BOLSAS PARA FORMACIÓN 3º E 4º DA ESO

 

O 12 de xuño publícase esta convocatoria de axuda para actividades formativas STEM en lingua inglesa. Está destinada a alumnado que curse 3º ou 4º da ESO neste curso 17/18. Neste enlace está a información.


 


 

ENCONTRO CON DALIBOR SVESTIK

O Departamento de Historia do noso centro organizou o pasado venres, 8 de xuño,un encontro co músico e director do conservatorio de Noia, Dalibor Svestik. Nesta ocasión, o profesor, foi invitado para darnos unha visión da súa Checoslovaquia natal. O alumnado de 4º da ESO está estes días inmerso no estudo da Guerra Fría e a aportación do profesor buscaba ter coñecemento máis próximo e directo do tema. Tras a presentación da profesora Estefanía Ageitos, Dalibor foi contestando ás preguntas do alumnado e falou de aspectos da educación, da vida cotiá na Checoslovaquia dos anos 60, das revoltas contra a imposición rusa e das ventaxas e desventaxas dun sistema que xa se foi esvaecendo en moitas países de Europa. Desde o centro queremos agradecer a colaboración do mestre e Lucía que remataron a actividade cunha fermosa peza musical. Moitas grazas.


 


 

GRADUACIÓN 18

 

Aquí os temos. Un ano máis o promoción de 2º de Bach. Cunha cerimonia, o pasado 25 de maio, despedímonos deles. O Sr. Director,o Sr. Alcalde de Noia, Xan Mariño, como profesor,  Marcos Lado e Manuel Monterroso, como alumnos, foron os encargados de dirixir consellos e palabras agarimosas de despedida aos protagonistas e ás familias. Acompañáronos as notas musicais do coro infantil. Moitos colaboradores, para poder levar a cabo esta despedida. Grazas a todos/as. Sorte a todos/as. Grazas tamén ao fotógrafo: Xes Chapela.

Aquí tendes o enlace da noticia na Voz de Galicia:

 

 


 


 

CLIMÁNTICA EN PORTUGAL

 

Aquí temos unha imaxe de parte do alumnado participante nas actividades de Climántica en Portugal o pasado 17,18,19, 20 de maio. Unha estadia en Porto, Aveiro, Lisboa e Óbidos onde amosaron os seus coñecementos aos compañeiros que os acompañaban desde Galicia e aos portugueses. Parabéns. Para coñecer en profundidade as actividade consultar a páxina de Climántica


 


 

Distribuir contido