Os días 22 e 24 de setembro, realizouse unha actividade complementaria no centro, de achegamento ao surf. Un deporte, polo que moitos turistas acoden ao concello de Nigrán. Vivimos na costa, pero non de costas ao mar. O mar ofrécenos moitas posibilidades de ocio activo, e esta é unha delas. Temos unha instalación deportiva ao noso dispor, tódolos días do ano.

CLICANDO NA FOTO, TEREDES AO VOSO DISPOR, TÓDALAS IMAXES DESTA ACTIVIDADE.

Viaxe cultural ao norte de Galicia e Asturias os días 17,18 e 19 de Xuño. Participan 27 alumnos da materia de Historia e Cultura das Relixións de 1º e 2º de ESO.

O 15 de xuño, luns, fixemos efectiva a entrega dun premio que merecían aqueles alumnos que resultaran gañadores dalgún dos premios que foran convocados polo Instituto, ou ben que colaboraran de maneira desinteresada con algunha actividade das que organizamos, fóra do horario lectivo.

O venres 12 de xuño, realizamos unha saída ao Galiñeiro, para realizar distintas actividades na natureza: escalada, orientación e sendeirismo. Puxémonos a proba, e a experiencia foi moi positiva.

Os alumnos e alumnas de 2º de ESO tiveron este luns día 1 de xuño unha xornada de educación vial para ciclistas  impartida polos policías locais de Nigrán, a dirección xeral de tráfico e o persoal do Grumir. SE QUEREDES VER MÁIS FOTOS PINCHADE dúas veces na FOTOGRAFÍA.

O pasado venres 29 de Maio o patio do IES vestiuse de largo
para acoller á despedida dos alumnos e alumnas de 2º de Bacharelato con discursos, cancións e choros.

A pasada tarde do xoves 28 de Maio, de 15:30 a 18:00 Tere e Javier, ós nosos Cafeteros, é dicir as persoas que nos dous últimos cursos levan atendendo a Cafetería do IES organizaron un cursode cociña para alumnado e profesorado interesado. Dos profesores só se animou Martín, e dos alumnos houbo algúns máis.

O programa foi para principiantes é tratábase de facer un menu que fora ao mesmo tempo sinxelo, completo e apetecible: Quiche de champiñons, Canelóns de carne e Tiramisu.

Alumnos de 2º de Bacharelato visitaron o luns vintecinco de maio a escola superior de arte dramática de Galicia onde se ofrece o título de Grao en Arte Dramática, nas especialidades de Dirección escénica e dramaturxia, Escenografía e interpretación. A profesora Irene Moreira ensinounos as distintas instalacións da escola, explicounos as probas específicas de acceso  e tivemos a sorte de ver a mostra de danza da que se examinaban os alumnos e alumnas de primeiro curso.

Celebrando o Día das Letras no Instituto