Saltar navegación.
Inicio

CHARLAS DA GARDA CIVIL NO IES dentro do Plan Director.

Durante os meses de febreiro e marzo a Garda Civil impartiu varias charlas ao noso alumnado de 1º, 2º e 3º da ESO sobre diferentes temáticas: acoso e ciberacoso escolar, delitos de odio, protección da natureza, consumo de alcol e drogas, uso das novas tecnoloxías...

Moitas grazas a Verónica, a persoa encargada de impartilas.

VISITA DO ALUMNADO DE 1º DE BACHARELATO Á UNIVERSIDADE DE VIGO

 Este luns, 11 de marzo, o alumnado de bacharelato visitou a Universidade de Vigo. Divididos en 4 grupos segundo os seus intereses  foron as facultades de humanidades, ás do ámbito social, científico e tecnolóxico.

BECAS MEC PARA ESTUDOS POSTOBRIGATORIOS.

O BOE indica cales son os beneficiarios, para ler o BOE CLICA AQUÍ. Para saber como facer a solicitude atoparás máis información AQUÍ

PRAZO DE SOLICITUDE: 19 de marzo de 2024, ás 09:00, hora peninsular; ata o 10 de maio de 2024, ás 15:00, hora peninsular,ambos inclusive.

"BENEFICIARIOS:

DÍA DE PI // SEMANA DAS MATEMÁTICAS

Hoxe celebramos o Día de Pi (3/14), Día Internacional das Matemáticas, inaugurando A SEMANA das MATEMÁTICAS do IES VAL MIÑOR, que durará ata o vindeiro xoves 21 de marzo.

Cada ano, a Unión Matemática Internacional, quen lidera o proxecto do “Día Internacional das Matemáticas” (idm314.org), propón un tema para fomentar a creatividade ao redor das matemáticas e estimular a participación. O tema para 2024 é: "Xogando coas matemáticas". De acordo co tema seleccionado este ano, durante os dous recreos de cada día e ata o vindeiro xoves, organizaranse na Biblioteca do centro obradoiros e xogos dirixidos polos nosos monitores: estudantes de 1º e 2º de ESO.

CÉSAR BONA.

Fotos e vídeo CLICA

O concello e a ANPA do IES Val Miñor fixeron posible que o alumnado de 1º e 2º ESO puidese escoitar a César Bona, ponente de gran prestixio internacional, co que compartimos unha experiencia educativa que non nos deixou indiferentes. Para que? Para aguilloar as mentes en busca de pensamento crítico, curiosidade, motivación, entre outros moitos obxectivos. O seu paso polo centro deixou pegada no alumnado, que esperamos removese  software do seu cerebro, para avanzar e saír da zona de confort.

INTERCAMBIO CON SANT-BRIEUC.

Neste enlace  CLICA , poderás ver fotos deste intercambio entre os centros IES Val Miñor e Sant Brieuc, ubicado na Bretaña francesa.O xoves 14 de marzo, despediuse coas súas caras iluminadas con sorrisos, pensando seguramente na aventura que supón a súa viaxe de estudos á Bretaña francesa, o alumnado de 4ºESO e 1ºBach. Compartirán experiencias que de seguro farán que volvan cunha nova mochila de crecemento persoal e un mellor nivel de francés.

Día de Rosalía 2024 no centro

O día 23 de febreiro, Rosalía de Castro en persoa visitounos no centro reencarnada na profesora Nerea Martínez, e estivo charlando coa rapazada de 1º e 2º de ESO sobre a súa vida e obra. Ademais, decoramos o instituto con poemas e fragmentos da autora decorados polo alumnado de todos os cursos da ESO. Podedes ver as fotos aquí:

Día de Rosalía no Concello

Día de Rosalía

O día de Rosalía compartimos festa no auditorio do Concello o alumnado do Escolas Proval xunto coa nosa rapazada de 3ºESO.

FORMACIÓN PERMANENTE DO PROFESORADO. O NOVO RETO É A RV.

O profesorado en continua formación permanente. Un grupo de profesores/as investigan as posibilidades educativas da realidade virtual.

Distribuir contido