Actividades Dinamización

25N no IES Val Miñor.

O 25 N desenvolvéronse de forma transversal actividades que visibilizaron a lacra social que supón a violencia exercida contra as mulleres. Entre elas estiveron as seguintes:

                                        CIDADE E CIENCIA

O luns 25 de novembro, día contra a violencia de xénero, unha das actividades que se levou a cabo no IES Val Miñor para o alumnado de 3º ESO foi un obradoiro sobre “As violencias sexuais entre a xuventude”, impartido por dúas investigadoras do CSIC que viaxaron ata Nigrán para concienciar aos e ás xoves das situacións sexistas que se dan ao seu arredor.

Samaín 2019

Na cultura celta o Samaín era a festividade que celebraba a recollida dos froitos de tempada e o comezo da metade escura do ano segundo o seu calendario. O profesor López Loureiro investigou e recuperou co seu libro “Samain: A festa das Caliveiras” esta tradición, deixando constancia das súas diferentes manifestacións espalladas por Galicia, León e norte de Cáceres.

O martes 29 e o mércores 30 de outubro os alumnos trouxeron as súas cabazas para presesentalas á exposición e ao concurso, organizados polo Equipo de Dinamización Lingüística "O Brión".

Magosto 2019

Magosto 2019 

O venres 8 de novembro a partir das 12:30 da mañá celebramos o magosto no IES Val Miñor. Se queres ver as fotos dese día CLICA

MAGOSTO E XOGOS POPULARES

                                                                  

INAUGURACIÓN MURAL E POEMAS

Alumnos de 4º ESO e 1º Bacharelato asistiron á inauguración do mural realizado nunha das paredes do patio por alumnos de plástica. Neste acto foron presentados os carteis nos que aparecerán dous poemas en galego que formarán parte do decorado do noso espazo de recreo. Son dous textos líricos escollidos polo Equipo de Dinamización Lingüística de dous grandes autores da literatura galega: “Calade!” de Rosalía de Castro e “Saudade” de Celso Emilio Ferreiro. Neles exáltase a nosa paisaxe como parte da nosa identidade (Rosalía de Castro) e a nosa infancia como algo que nos constitúe, a pesar de ser un tempo pasado (Celso Emilio Ferreiro)

EXPOSICIÓN FOTOGRÁFICA UNHA MIRADA DE ANTANO

No Auditorio do Concello de Nigrán, o alumnado de 1º ESO visitou a exposición de fotografía titulada “Unha mirada de antano”. Esta recollía fotos salientables tomadas pola investigadora e fotógrafa estadounidense Ruth Matilda Anderson ao longo das súas expedicións realizadas a Galicia entre 1924 e 1926, encargadas desde a Hispanic Society of America. Unha viaxe no tempo a través de imaxes, da man dunha guía e dun xogo,  que ao noso alumnado resultou moi interesante.

ACHEGA DAS MULLERES Á SUSTENTABILIDADE DO MAR

A exposición que se puido visitar no salón de plenos do concello de Nigrán, organizada pola Deputación de Pontevedra en colaboración coa Universidade de Vigo, busca dar visibilidade ao papel da muller no ámbito mariño. Está composta por vídeos, fotografías de redeiras, de mariscadoras, de vendedoras de peixe, de mulleres salgando ou conservando, científicas como a oceanógrafa Ángeles Alvariño ou a que fora directora do Instituto Español de Oceanografía, Aida Fernández. A ela aistiron alumnos e alumnas de 2º ESO e 1º de Bacharelato

Powered by Drupal - Design by artinet