TRABALLANDO A COMPETENCIA MATEMÁTICA E AS ARTES.

O alumnado de 1º de Bacharelato visitou a Feira de estudos da Universidade de Vigo e coñeceu o clima universitario.

Aarón Nercellas de Alén Space, empresa pioneira do New Space e, nacida na área de nanosatélites da Universidade de Vigo cuio obxectivo é comercializar  solucións vinculadas coa tecnoloxía aeroespacial achegouse ao noso centro para falarnos desta temática. Na foto alumnos cunha maqueta do Lume-1 lanzado no Soyuz-2.1a desde o cosmódromo ruso de Vostochny que será unha valiosa ferramenta para a detección temperá de incendios forestais.

Oscar Alfeirán, da Escola Superior de Hostalería de Galicia, explicoulles ao alumnado de 1º de Bacharelato da materia de Economía a oferta educativa do seu centro. Logo, traballaron na hipotética venda dun produto turístico de Nigrán.

Hoxe, 30 de xaneiro día da paz e a non violencia o alumnado de 1º e 3º de ESO, dentro do programa TEI, realizou unha serie de xogos e actividades cooperativas.

Este sábado 12 de xaneiro un grupo de familias e profesorado do IES Val Miñor sacaron músculo cooperativo, e unindo as súas forzas, conseguiron facer realidade un proxecto. A senda saudable de 300 metros perimetral ao instituto que ofrecerá máis alternativas ao alumnado para a interacción co espazo dunha forma máis activa, loitando contra a lacra social do sedentarismo. e ofrecer novas posibilidades de recreación na contorna natural do instituto, dentro do programa RE-CREO O RECREO.

Achegamos a continuación algunhas fotos. CLICANDO AQUÍ atoparás máis fotos do acontecido nas dúas xornadas, nas que tivo lugar a revolta das carretillas.

Emilio García, profesor universitario na escola de empresariais de Vigo, deleitounos coa súa sabedoría sobre as novas tecnoloxías, sobre o seu uso, as súas aplicacións e a conciencia crítica que debemos ter nalgúns aspectos ante elas.

O venres antes das vacacións de Nadal coma en anos anteriores, o departamento de educación física felicitou as festas cun vídeo de Nadal, creado a partir da excelencia motriz do alumnado de 4º da ESO. Asemade, entregáronse os premios dos torneos de tenis de mesa e de fútbol que se levaron a cabo no primeiro trimestre.

A continuación tes unhas imaxes e o vídeo das combas clicando AQUÍ

A  finalidade da maleta para igualdade é fornecer os centros dun recurso que poida contribuír a traballar sobre a corresponsabilidade, a diversidade, o empoderamento, os estereotipos, o feminismo, a historia das mulleres, a identidade, as relacións de parella.. No IES Val Miñor xa comezamos a traballar o seu material bibliográfico.

Aquí temos parte do resultado da I CAMPAÑA SOLIDARIA DE ALIMENTOS PARA CANS E GATOS.