Curso 2015-16

XORNADA DE ACOLLIDA DO ALUMNADO DE 6º DE EDUCACIÓN PRIMARIA DOS CENTROS ADCRITOS

O catorce de abril recibimos ao alumnado de 6º de Educación Primaria dos CEIP Humberto Juanes e CEIP da Cruz-Camos. Nesta xornada aparte de visitar as instalacións e de participar en varias actividades nos laboratorios, na biblioteca, no ximnasio... realizamos distintos xogos cooperativos que queremos repetir no mes de setembro.

LETRAS GALEGAS 2016

Este ano, adicado á figura de Manuel María, no IES Val Miñor, leváronse a cabo diversas actividades.

En primeiro lugar Serafín Marcos, actor do Barbanza, trouxo o seu espectáculo didáctico titulado: "Que Manuel María"? que representou para os alumnos da ESO.

Os rapaces, a continuación, leron algúns poemas acompañados pola música da guitarra de Serafín Marcos e da alumna Irene Táboas.

                                   

CLASES PRÁCTICAS DE EDUCACIÓN VIAL NO PAVILLÓN DE PANXÓN PARA O ALUMNADO DE 1º DE ESO

Hoxe, día 19 de maio, tivo lugar a segunda parte da educación vial impartida pola policía local de Nigrán: as clases prácticas. Por mor do tempo tivémonos que trasladar ata o pavillón de Panxón. A pesar deste imprevisto pasámalo ben e aprendimos moitos cousas cos policías e  tamén cos bombeiros.

EDUCACIÓN VIAL PARA O ALUMNADO DE 1º DE ESO

 Os alumnos e alumnas de 1º de ESO reciben  educación vial teórico-práctica. Esta formación é impartida pola POLICIA LOCAL do Concello de Nigrán.

PAULA ALFARO ALEJOS, estudante da USC, FALANOS DO GRAO EN EDUCACIÓN SOCIAL

Paula Alfaro Alejos, estudante do grao en Educación Social na USC, explicoulle aos alumnos e alumnas de 1º e 4º da ESO en que consiste esta titulación, as saídas profesionais que ten e os  ámbitos onde desenvolven o seu labor. Por outra banda, tamén lles falou do seu traballo educativo cunha rapaza con síndrome de Down, centrado fundamentalmente na área de comunicación e na lectoescritura.

LISBOA 2016

Os alumnos de 1º Bacharelato viaxaron en marzo, un ano máis, a Lisboa, para coñecer de cerca a cultura lusa: a historia, lingua, literatura, gastronomía, arte...

O primeiro que visitamos foi o Pazo da Ajuda; entramos na súa biblioteca onde se garda o Cancioneiro de Ajuda, único que se conserva do século XIII, con cantigas de amor galego-portuguesas.

O castelo de San Jorge, a Torre de Belem, o mosteiro dos Jerónimos, o museo dos coches, o museo do azulexo...foron outras visitas.

Os alumnos, por grupos, recolleron información de diferentes aspectos da capital lisboeta; con ela, deron forma a un traballo. Entregaráselle un premio ao de maior calidade.  

Segunda semana da Froita

A última semana de abril, fíxose a segunda semana da froita, no centro, e novamente cunha gran aceptación.

Se queres ver as fotos da actividade CLICA AQUÍ

No instituto, tamén temos pequenos tesouros agachados, coma estes amorotes, ou mirillotes que lle chama o meu pai. Esta froita de orixe euroasiático, xa se recolectaba na prehistoria.

A novidade nesta semana, foron os nísperos, que moitos dos alumnos/as descoñecían, pero dos que deron boa conta, e os froitos do bosque, coma os arándanos e as frambuesas.

NON OS OES PIAR?

Con fotos de Alvaro Martínez Leiro do movemento Arte K podemos disfrutar dunha exposición de corenta fotos onde os protagonistas son os  paxaros que nos espertan todas as mañás.

Alumnos e alumnas de 1º de bacharelato visitan a Universidade de Vigo

Máis de 50 alumnos e alumnas matriculados en 1º de bacharelato visitaron este mércores, vinte de abril, distintas facultades da Universidade de Vigo.

SEN RUIDO ESTAMOS MELLOR

CAMPAÑA CONTRA O RUÍDO: DISMINUINDO A POLUCIÓN ACúSTICA NO IES VAL MIÑOR

Alumnos de 21 de ESO participan na Campaña 2015-2016 contra o ruido dentro dunha serie de actividades destinadas a mellorar o ambiente e o traballo dentro do centro escolar.

Powered by Drupal - Design by artinet