O pasado venres 14 de abril o alumnado de 1º ESO tivo a oportunidade de visitar o Centro de Interpretación da Cultura Castrexa de San Cibrao de Las, onde participaron en diferentes obradoiros. Todo apunta a que foi unha mañá moi ben aproveitada!

Velaquí o noso alumnado de 4º ESO e Bacharelato percorrendo diversas cidades europeas durante toda esta semana. Que envexa dá mirar estas fotos! Agardamos que fose unha moi boa experiencia para todas e todos!

Álbum: Curso 2022-23 -> Viaxes curso 22-23

O alumnado de 4º ESO e 2º Bacharelato está estes días percorrendo diversos lugares da xeografía europea. Desde Burgos ou Barcelona ata Londres, Roma ou París son as cidades que nestes días percorren. Só agardamos que a experiencia estea a ser tan agradable como indican as fotografías que nos envían!

Onte o sol acompañou ao noso alumnado de 1º Bacharelato que, a cargo do Departamento de Relixión, pasou unha interesante xornada coñecendo un pouco mellor Poio e Santiago de Compostela.

Polo que din as fotos a xornada debeu ser ben agradable!

A semana pasada o alumnado de 4º ESO visitou a V Feira das Ensinanzas Profesionais e Artísticas, organizada polo Concello, na que puideron coñecer de primeira man parte da oferta formativa que teñen ao seu alcance. 

Parte do alumnado de 2º Bacharelato e da ESA asistiron onte a unha sesión formativa sobre meteoroloxía e aparellos meteorolóxicos nas instalacións de MeteoGalicia (Santiago de Compostela). Aínda que o tempo non acompañou, a continuación puideron realizar unha visita guiada á catedral de Santiago da man da nosa profe de Xeografía e Historia, Lucía.

A chuvia destes últimos días non impediu que parte do noso alumnado tivese a oportunidade de visitar o pasado luns o complexo arquitectónico romano Aquis Querquennis e a vila de Celanova.

O alumnado de 2º de Bacharelado visitou este luns a vila de Rianxo e tivo a oportunidade de coñecer máis de preto a historia de Manuel Antonio e Daniel R. Castelao. Visitaron o Museo do Mar, a Casa Museo de Manuel Antonio e mentres a chuvia o permitiu realizaron un roteiro por diferentes espazos da vila.

Outro xeito de nos achergarmos á vida destes autores!

O pasado mercores 5 de outubro o alumnado de 1º ESO e 3º PDC participaron nunha saída de convivencia á Freixa organizada polo EDLG e coa colaboración do departamento de Educación Física. As imaxes falan por si soas do ben que o pasaron os participantes!

No IES Val do Tea apostamos polo futuro profesional do noso alumnado. O 16 de febreiro, máis de 60 rapaces e rapazas de 3º ESO, 4º ESO e 2º Bacharelato acudiron a VI Feira das Ensinanzas Profesionais e Artísticas acompañados polo orientador do noso centro educativo.