O día 3 de Xuño ás 20 horas, tivo lugar no centro o acto de entrega de diplomas aos alumnos de 2º de bacharelato. Foi un acto no que tamén estiveron os pais dos alumnos homenaxeados. Igualmente, o profesor Tomás Vázquez Yáñez realizou un discurso de despedida con motivo da súa xubilación.

Finalmente, o acto pechouse cunha pequena actuación do grupo musical "Poets of silence", formado por alumnos do centro, e cunha montaxe fotográfica dos alumnos de 2º de bacharelato. Picando na foto, podes acceder a unha pequena mostra fotográfica do acto.