GALERÍA DE IMAXES

Un ano máis, e a pesar das limitacións deste curso, o IES de Ribadeo quixo facer deste 25 de novembro un día de reivindicación co que denunciar as violencias machistas que seguen a producirse na nosa sociedade e co que implicar a alumnado e profesorado para avanzar na súa erradicación.

No tempo do recreo e ao longo dos días previos e posteriores, leváronse a cabo unha serie de accións, entre as que cabe destacar:

• Explicación introdutoria sobre a orixe desta data conmemorativa. Invitamos a toda a Comunidade Educativa a visitar o seguinte vídeo (Espora Consultoría de Xénero) no que Laura Viñuela explica o por que desta data: https://www.youtube.com/watch?v=ZhEUBc27Gm8&t=4s
• Lectura por parte do alumnado dos distintos TIPOS DE VIOLENCIAS, máis alá das agresións físicas, que son máis difíciles de detectar como a psicolóxica, económica e patrimonial, sexual e simbólica.
• Lectura de cuñas radiofónicas, emitidas nos días previos, coa temática da VIOLENCIA SEXUAL e do CICLO DA VIOLENCIA.
• Entrega de diplomas e premios ás/aos gañadores/as e finalistas do I Certame de deseños contra a violencia machista para máscaras.
• Coreografía do alumnado de 2º ESO.
• Berro final do lema da campaña promovida desde o CIM e o Concello: "QUE A VIOLENCIA MACHISTA NON CHE TAPE A BOCA. ALZA A TÚA VOZ".

·  

Durante estes días podemos disfrutar na entrada do IES desta exposición que amosa os froitos do traballo do alumnado da materia Lingua Castelá e Literatura durante o confinamento e do que levamos de curso. 

No seguinte enlace podedes acceder ao vídeo que fixeron alá polo mes de abril as profesoras Rosa Paz e Teresa González recollendo os mini libros elaborados polo alumnado desde as súas casas.

http://www.edu.xunta.gal/centros/iesribadeo/?q=node/628

Premendo na seguinte imaxe podedes acceder á galería de imaxes completa da exposición.

 Pareceunos interesante divulgar este video que ten como protagonista a palabra “contaxio”, en clara alusión á pandemia de Covid-19 que estamos a sufrir. “Contaxio” é unha palabra que sente o rexeitamento de boa parte das súas compañeiras de dicionario pero tamén o apoio doutras. O video fainos reflexionar sobre o medo que podemos sentir, axudándonos a xestionalo. Así mesmo  pon de relevo a vinculación da pandemia con aspectos como a pobreza e o paro, toca temas transversais como o illamento e o acoso,  menciona outras duras circunstancias da nosa historia, como a emigración… E faino a través da imaxinación, a tenrura, o humor e a ironía .

Promovido por UNICEF e a actriz e presentadora Lucía regueiro, é un conto colaborativo escrito por María Solar, Ledicia Costas e Fran Alonso, coa ilustración de portada do pintor Leandro Lamas.

https://youtu.be/_-wZLkv6xzk