Libros

Se as sificultades para manter a aprendizaxe a distancia durante o confinamento foron moitas, aínda se agravaron máis no caso do alumnado con necesidades especiais. Isto levounos a reflexionar sobre as carencias da nosa biblioteca en materia de lecturas inclusivas, que si existen nalgún departamento, pero non na propia biblioteca. Postos en contacto co profesorado que imparte clases neste ámbito, pedímoslles que nos enviasen suxestións de material para incorporar aos nosos fondos. O resultado foi a adquisición de  títulos que, cando a situación o permita, pasarán a formar parte da nosa biblioteca.

Trala charla co alumnado de segundo ciclo da ESO, o xoves 16 de xaneiro de 2020, a escritora galega Eli Ríos asinoulles exemplares da súa obra Remexido de patacas e adicou un deles á nosa biblioteca. 

 O departamento de Xeografía e Historia adquiriu novos títulos que se incorporaron recentemente á nosa biblioteca. Velaquí unha selección dos mesmos.

Unha das medidas para dar cumprimento ao Pacto de Estado contra a violencia de xénero consiste en dotación bibliográfica por parte da Asesoría de Igualdade (Consellería de Educación)  en lecturas coeducativas para os centros que imparten as materias específicas de Igualdade de Xénero e Coeducación para o século XXI. Con tal fin, recibimos unha partida de libros que pasan a formar parte da nosa sección de Literatura Feminista.

Ampliamos a sección de banda deseñada coa incorporación do último cómic de Astérix, A filha de Vercingétorix, en lingua portuguesa.