A profesora Mª Jesús Besteiro, do departamento de Ciencias Naturais, informa sobre a inspección de primavera do Río Pequeno:

O pasado martes, 16 de maio, algúns alumnos de 4º ESO de Bioloxía saíron ó Río Pequeno pola mañá, para realizar a toma de datos correspondente á inspección de primavera.

Despois de recorrer o tramo de estudio para observar os posibles cambios, os alumnos procederon a facer as análises pertinentes co fin de cubrir a ficha na que se reflexan 3 aspectos do río: calidade hidromorfolóxica, calidade físico-química e calidade biolóxica. [LER MÁIS] [MÁIS IMAXES]

Manel Yáñez informa sobre a participación de Covadonga Yanes, de 2º de ESO, representando a Galicia na IV Xornada de adolescentes ALDEAS INFANTÍS SOS.

O pasado 24 de maio celebramos a "IV Jornada de adolescentes ALDEAS INFANTILES SOS", que culminou un curso de traballo co tema "El respeto y la convivencia, contra el acoso escolar", no programa didáctico "Párate a pensar", onde plantean 50 actividades que abordan maneiras de formar a personalidade adolescente e potenciar a súa autoestima, as relacións cos seus compañeiros e a familia e de promover o esforzo e a participación social por un mundo máis xusto e solidario. [LER MÁIS]     [PRENSA]     [ÁLBUM DE ALDEAS INFANTÍS]    [MÁIS IMAXES]

O 16 de maio o alumnado de 2°ESO asistiu a unha visita guiada á Casa-Museo de Manuel María en Outeiro de Rei. Visitaron tamén a Carballeira de Santa Isabel e o cemiterio onte repousan os restos do poeta. Todo isto seguindo un xogo de pistas. A continuación xantaron na área recreativa de Penas de Rodas.

Pola tarde, unha guía recibíunos na Lagoa de Cospeito para darlles a coñecer a gran diversidade ecolóxica deste lugar que forma parte da Reserva da Biosfera Tierras do Miño.

[MÁIS IMAXES]

OS INTERCAMBIOS CON EUROPA COMO MODELO DE APRENDIZAXE

[IMAXES NA GALERÍA]

O profesor Manel Yáñez, do departamento de Filosofía, fai estas reflexións sobre o intercambio que coordina desde hai anos cun centro de Alemaña.

A aposta que o noso centro fai por Europa renóvase cada curso co intercambio que temos co KARL VON FRISCH GYMNASIUM de Dusslingen (Stuttgart, Alemaña). A necesidade de apertura a outras nacións, o coñecemento destas e a posibilidade de futuro que representan as diversas institucións da Unión Europea conforman os obxectivos que perseguimos con estas actividades. 

De forma concreta o coñecemento do sistema educativo dun país veciño, a realización de actividades culturais e artísticas en conxunto, a asistencia a clases no centro socio e a convivencia coas familias cremos que enriquecen a perspectiva cultural e académica do noso alumnado, fomentan o seu interés polo contexto sociopolítico no que viven, e sitúaos nunha perspectiva máis positiva e favorable para a súa formación.