O mércores 2 de outubro o alumnado de 3º de ESO do IES participou nunha conferencia que impartiu o técnico de finanzas da Associação Nacional dos Municípios de Moçambique (ANAMM), Onofre Muianga, que está de estadía en Outes participando nun programa de cooperación. Esta charla estivo coordinada polo Servizo de Normalización Lingüística do Concello de Outes.

Nesta actividade os participantes poidemos apreciar as posibilidades que permite o galego para comunicarse cos paises do ámbito lusófono e descubrir moitas das características culturais e socioeconómicas deste pais africano.