Skip to Content

Premios 2019-2020

Recoñecendo o esforzo dos mellores expedientes de 2º Bach

6 alumnos do IES Perdouro de Burela recoñecidos entre os mellores expedientes académicos nas probas de acceso á universidade de Galicia.

Unha vez máis desde o Programa “A Ponte entre o Ensino Medio e a USC” recoñécense os mellores expedientes, e nós, queremos felicitar encarecidamente o noso alumnado de 2º Bach polos seus resultados na ABAU e especialmente a seis alumnos/as que acadaron a puntuación de máis dun 9 entre o Bacharelato e a fase xeral da proba de Avaliación de Bacharelato para o Acceso á Universidade (ABAU). Parabéns Laura, Carmen, Marta, Carolina, Pablo R e Pablo G!

O acto de recoñecemento da USC terá lugar o xoves, día 23 de xullo, ás 17:00 horas no Salón Nobre de Fonseca da USC.

As circunstancias non permiten que sexa un acto multitudinario presencial pero iso non vai impedir que se poida compartir un acto conxunto no que a USC faga chegar os seus parabéns ao estudantado que acadou resultados sobresaíntes na ABAU.

O acto estará presidido polo reitor da USC e contará coa presenza do alcalde de Santiago e da alcaldesa de Lugo, acompañados por unha representación do Equipo Reitoral e dos Decanos e Directores. Tamén estarán presentes un grupo de 20 estudantes acompañados dos seus pais e será retransmitido en streaming a través da canle Youtube da USC.

A dirección da canle de youtube da USC, na que verás a liagazón para conectarte ao acto a partir das 16:30h. dese día 23 de xullo, é a seguinte:

https://www.youtube.com/user/UniversidadeUSC

Tamén podes conectarte a través da ligazón para directos da canle YouTube da USC  (só para Navegador):

https://www.youtube.com/user/UniversidadeUSC/live

O director do centro, Santiago Pérez, atribuíu este éxito o esforzo e a constancia nos estudos do alumnado ao longo destes últimos dous anos e particularmente neste dificil momento de ensino telemático por mor da COVID 19, e do bo facer do profesorado do centro.

Compartimos unha foto de fai un ano (Torre de Belém - Lisboa) para desexarvos moita felicidade como se desprende da imaxe e que os vosos soños se vexan cumpridos. Sorte neste novo camiño da vida!

Ata sempre.

Olimpiada Xeolóxica en Viveiro

Alba Geada mellor clasificada para a olimpíada estatal que se celebrará en Cuenca o próximo 28 de marzo. 
 
Hoxe desenvolveuse en Viveiro a fase territorial da Olimpíada xeolóxica da sede de Lugo onde participaron un total de 60 alumnxs de 4° ESO e 2° de bach que fixeron probas prácticas e teóricas.
Alba Geada Bernal, alumna de 4°ESO, clasificouse xunto a Claudia Casal do IES Vilar Ponte de Viveiro para formar parte do equipo galego na XI Olimpíada Estatal de Xeoloxía que se celebrará o 28 de marzo en Cuenca.

Moitos parabéns para a nosa campiona de xeoloxía!! Alba Geada Bernal!!

Accede á reportaxe fotográfica aquí.

Nota de prensa na Voz de Galicia

Finais Campionatos San Xoán Bosco 2020

Os Campionatos de San Xoán Bosco, organizados pola A.C. “Os Matos”, é unha das actividades anuais do I.E.S. Perdouro. Durante o mes de xaneiro, o alumnado de 1º e 2º de ESO participou en diversas modalidades lúdicas e deportivas, que remataron na tarde do luns 3 de febreiro.

Os participantes puxeron ilusión e gañas nas distintas  modalidades que se ofertaban:

  •     Individuais:  4 en liña, Damas e Xadrez;
  •     Parellas: Construción de Puzzles;
  •     Equipos: Baloncesto e fútbol sala.
As primeiras eliminatorias, e as finais individuais e de parellas, desenvolvéronse nas instalacións do centro durante os recreos. As finais de grupos disputáronse no pavillón polideportivo dos institutos o día 3 de febreiro pola tarde e foron arbitrados por Antón Niñe, presidente de honra da asociación, e polos alumnos de 3º de ESO  A, Raúl Fernández e Antón Expósito e demais compañeiros/as de clase que se encargaron da música, das fotografías e do contador.
 
Da organización e coordinación dos Campionatos nos recreos encargaronse os alumnos/as Alejandra, Cristian e Serxio na modalidade individual e Manuel na modalidade por equipos.

Os vencedores das distintas modalidades, que recibiron as súas correspondentes medallas, son:
 
XOGOS 1º POSTO 2º POSTO
4 en liña Laura Alonso Fernández 1º ESO A Noa Martínez Casas 2º ESO B
Damas Fabio de Barros Gomes 1º ESO B Iago Mon Fraga 2º ESO B
Xadrez Raúl Cayón Fernández 2º ESO A Alexandre García Pousa 1º ESO C
Puzzles Yorel Ladra Ballesteros & Lucas Fidalgo Mendes 2º ESO C Noelia Fernández Fernández & Zoe Arias Lamelas 1º ESO A
Baloncesto Equipo 2º ESO A Equipo 1º ESO C
Fútbol Sala Equipo 2º ESO C Equipo 1º ESO C

Felicitamos aos participantes e ao público polo bo ambiente creado nestes días! Moi boa afición!!

Accede á reportaxe fotográfica da entrega de premios aquí.

Distribuir contido


by Dr. Radut