Skip to Content

Que está acontecendo?

Acto de Entrega de Premios Escola de Prensa El Progreso

Mar, 20/06/2017 - 23:41 — karina

Esta tarde fomos recibir o 1º Premio acadado no certame Escola de Prensa de El Progreso.

Accede á reportaxe fotográfica AQUÍ.

 

  • 313 lecturas

Acto de presentación Maruxía 23

Mar, 20/06/2017 - 17:51 — karina
Para clausurar o curso, esta mañá tivo lugar na biblioteca do IES Perdouro a Festa das palabras e das letras, o acto anual de presentación da revista escolar "Maruxía" da Asociación Cultural "Os Matos".  Asistiron ao acto Santiago Pérez Docobo, director do centro educativo; Antón Niñe, Presidente da A.C. "Os Matos" e Miruca Parga, coordinadora do EDLG. 

Antón Niñe, presente da AC "Os Matos", abriu o acto manifestando con orgullo e celebrando o novo formato da revista Maruxía 23, o formato xornal por ter acadado o premio no certame Escuela de Prensa de EL  Progreso. Este ano as alumnas de 3º PMAR foron as encargadas de maquetar e elaborar os contidos da revista coa axuda dos compañeiros. Miruca Parga explicou como traballaron areo coas súas alumnas para entregar a revista a tempo para o certame. Foi todo un reto onde todas elas se comprometeron totalmente pasando tardes enteiras para facer un traballo ben feito. Maruxía 23 recolle unha moi pequena mostra de todas e tantas actividades que se celebraron e desenvolveron durante este vigoroso ano académico. Tamén conta con varias seccións: alimentación, vida sa, voluntariado, deportes, xogos.

Accede a reportaxe fotográfica AQUÍ.

Revista Maruxía en PDF aquí.

 

  • 24 lecturas

Fallo premio Concursos Os Matos 2017

Sáb, 10/06/2017 - 22:58 — karina
O xurado resolveu outorgarlles os premios aos traballos presentados polos seguintes alumnos:
 
"XI Concurso literario" da As. Cultural Os Matos - Tema "O leite é a vida”

CATEGORÍA 1º e 2º ESO:   

  • 1º premio: Diego Ferreira Martín (2º ESO A)
  • Accedits: Daniel Piqueras Valle (2º ESO A) e Alejandra Alonso Fernández (2º ESO A)

CATEGORÍA 3º e 4º ESO: deserto

CATEGORÍA 1º e 2º Bach.: deserto

"IX Concurso de Imaxe" da As. Cultural Os Matos - Tema "O leite é a vida”

CATEGORÍA 1º e 2º ESO:

  • 1º premio: Alba Geada Bernal (1º ESO A)
  • Accedits: Hugo Cobas Linares (1º ESO A) e Adrián Fernández Casas (2º ESO A)

CATEGORÍA 3º e 4º ESO:

  • 1º premio: Carmen Pernas Pernas (3º ESO B )
  • Accedits: Raisa Rivera Chonate (3ºESO B) e Laura Pernas Pérez (3º ESO B)

CATEGORÍA 1º e 2º Bach.:

  • 1º premio: Mario Cordido García (1º Bach. A)
  • Accedits: María Areán Maseda (1º Bach. A) e Itziar García Cruz (1º Bach. B)
  • 308 lecturas

Abrazos poéticos

Lun, 22/05/2017 - 16:31 — karina
A escritora caboverdiana Amália Faustino estará de visita en Burela entre os próximos días 22 e 25 de maio. Con este motivo -tal vez a primeira ocasión en que un escritor ou escritora caboverdiano residente no arquipélago visite a comunidade de compatriotas aquí asentados desde 1978-, o IES Perdouro organizou unha intervención educativa coa poesía como elemento de relación fraternal entre os pobos.
 

Ás 11:45 da mañá do próximo martes, día 23 de maio, o alumnado reunirase no patio do centro escolar, onde coñecerá a escritora convidada e con ela compartirá un recital de poesía. Ademais das composicións propias de cada unha das persoas que recite, tamén está prevista a declamación conxunta do poema "Irmáns!, co que Celso Emilio Ferreiro defendeu a convivencia entre os diferentes pobos do mundo ("Por encima de muros e valados, como un irmau che falo").

 
Dado que entre o alumnado do IES Perdouro existe unha porcentaxe elevada de mozos e mozas de procedencia inmigrante, nos últimos anos o centro escolar realizou un grande esforzo humano e económico para o fomento dunha educación inclusiva. Por esta iniciativa innovadora, tanto colectivamente o centro como individualmente varios alumnos e alumnas recibiron diversos premios outorgados por entidades públicas e privadas.
 
  • 221 lecturas

O espantallo amigo de Neira Vilas polo alumnado de 2º de ESO de Oratoria

Mér, 17/05/2017 - 17:32 — karina

Contribución do alumnado de 2º ESO B de Oratoria para celebrar o día das letras galegas:

 

  • 278 lecturas

A escritora Iria Misa en BiblioPerdouro

Sáb, 29/04/2017 - 09:09 — karina

Co gallo de celebrar o día do libro, o luns 24 de abril achegouse ao IES Perdouro Iria Misa para encontrarse co alumnado de 3º PMAR e 4º de ESO. A escritora naceu o 23 de febreiro do ano 1983 en Gondomar. Actualmente vive en Baiona e é profesora de Inglés de Educación Secundaria.
O seu soño dende pequena sempre foi o de ser escritora e, despois de varios anos escribindo e perfeccionando cada unha das frases e textos que redactaba, conseguiu, por fin, acabar a súa novela Xa non estou aquí.

Este libro trata dunha rapaza que repite 1º de Bacharelato obrigada polos seus pais. A protagonista, Ánxela, tense que enfrontar aos conflitos de personalidade propios da adolescencia. Á parte deste tema, trátanse moitos outros como as drogas, a homosexualidade, a relación cos pais… Trátase dunha historia intrigante, de lectura fluída pero que agocha unha temática moi complexa.
 
Iria xa se presentara a algún que outro concurso cos seus relatos, ata que decidiu envialos ao Jules Verne de literatura xuvenil convocado pola editorial Xerais. E non só gañou a edición 2016, senón que chegou á final con dúas das súas novelas.
Contounos que as súas obras a acompañan durante moito tempo ata que senta a redactalas e a perfeccionalas pouco a pouco durante uns cantos meses ata obter o resultado que ela desexa ter ou un resultado mellor do que imaxinaba.
Tamén nos comentou un pouco por enriba algún dos temas que trata na súa próxima novela que sairá á luz antes de que acabe o 2017. Contounos tamén que tiña ganas de escribir literatura para adultos, pero que aínda non sabía como facelo, así que polo momento seguirá escribindo literatura xuvenil. 
 
Yaiza Rivas- 3º ESO
 
  • 306 lecturas

Obradoiro escritura medieval

Ven, 28/04/2017 - 21:57 — karina
No marco do día do libro, tivo lugar o luns 24 de abril un obradoiro baseado na cultura medieval e destinado aos cursos de 2º ESO e GAE.
Foi unha actividade de escritura medieval a cargo de GaliPat Servizos Culturais. Ensináronnos cando e onde naceu, o primeiro tipo de escritura, onde se facía e como.
Entre moitas cousas que nos contaron, o máis destacado foi que:
- A escritura naceu na Prehistoria ..... seguir lendo a crónica da Yaniss dos Santos 2º ESO A no blogue de Perdourando.
                      
 
  • 192 lecturas

Mosteiros e conventos da Mariña de Lugo, un traballo de investigación

Xov, 06/04/2017 - 18:56 — karina
Esta mañá tivo lugar na biblioteca o acto de presentación dun traballo elaborado polo alumnado de 2º de Bacharelato. Antón Niñe foi o coordinador e quixo coa axuda do Concello de Burela poder plasmar este traballo de investigación nun díptico que leva por título "Mosteiros e conventos da Mariña de Lugo".
No acto presidido polo alcalde, Alfredo LLano, os alumnos de 2º de Bacharelato explicaron como se desenvolveu o traballo colaborativo e de investigación entre eles. Uns desprazáronse para sacar fotos dos templos e outros entrevistáronse cos curas.  
De Mondoñedo, referenciaron o Convento da Concepción, o Convento dos Picos, e o Convento de San Pedro de Alcántara. En Lourenzá, fálannos do Mosteiro de San Salvador. En Ribadeo citan o Convento de Santa Clara e a igrexa de Santa María do Campo. En Foz, reseñan a Basílica de San Martiño. En Viveiro, non esqueceron o Convento de Valdeflores, o Convento da Concepción e o Convento de San Francisco. E no Vicedo quedan os restos do Mosteiro de San Miguel.
 
De cara a Semana Santa, vanse imprimir 2000 exemplares para poder repartir entre as oficinas de turismo das localidades.
 
Accede o noso albúm fotográfico aquí.
  • 162 lecturas

Día da poesía

Mar, 21/03/2017 - 23:33 — karina

Feliz día da poesía!


Traballo feito polo alumnado de francés 2º de Bach.

  • 186 lecturas

Acto inaugural Exposición "Manuel Rodríguez López, emigrante galego, poeta obreiro"

Xov, 16/03/2017 - 22:49 — karina
Esta mañá tivo lugar na biblioteca do IES Perdouro o acto de inauguración da exposición "Manuel Rodríguez López, emigrante galego, poeta obreiro" destinado ao alumnado de 3º e 4º ESO e 1º de Bacharelato. 
 
Aproveitando a próxima celebración do día internacional da poesía, tivo lugar na biblioteca do IES Perdouro de Burela o acto de inauguración da exposición "Manuel Rodríguez López, emigrante galego, poeta obreiro". Dita exposición itinerante lembra a figura de Manuel Rodríguez López, escritor nado en Paradela considerado un importante poeta obreiro de Galicia na segunda metade do século XX, discípulo de Celso Emilio e de Manuel María. 
No acto participaron Mariña Gueimunde, Xefa Territorial de Cultura, Educación e. Ordenación Universitaria e María José Gómez, xefa do Servizo de Coordinación da Área Cultural, José Manuel Mato, Alcalde de Paradela, e Antonio Giz, director de Galicia Digital e promotor do proxecto, Antón Niñe, Presidente da Asociación Cultural Os Matos e o director do centro, Santiago Pérez. 
Ao remate do acto fíxose entrega ... seguir lendo no blogue de Perdourando.
  • 196 lecturas

Semana da prensa

Mar, 14/03/2017 - 10:20 — karina
Os alumnos de 2º de ESO do IES Perdouro de Burela elaboraron uns paneis informativos sobre os xéneros periodísticos nesta semana da prensa. Neles mostran a definición e as principais características da noticia, a crónica, a reportaxe, o artigo de opinión etc. Estes datos aparecen recollidos nun mapa conceptual e a continuación exemplifícanse cun texto recortado do periódico.

Esta exposición pódese ver no pavillón principal do instituto no segundo andar.


  • 250 lecturas

Lendo a Agustín Fernández Paz

Dom, 19/02/2017 - 20:10 — karina
Lendo a Agustín Fernández Paz é unha iniciativa de difusión da obra deste grande escritor dentro da actividade de dinamización 21 Días co Galego do IES da Pobra do Caramiñal.
As alumnas de 2º de Bach de Literatura Galega do século XX colaboraron lendo O Segredo da illa negra. ... seguir lendo no blogue de Perdourando
  • 225 lecturas

Cita a cegas cun libro

Lun, 13/02/2017 - 23:51 — karina
Inspiramonos da iniciativa da libroteca El Gato de Cheshire coa súa campaña para o día dos namorados "Cita a cega cun libro". Se te animas e queres ter unha cita a cega cun libro, temos preparados dúas seccións: amantes primeirizos e amantes expertos. Pasa pola biblioteca e faite cun destes libros empaquetados para a ocasión. Lévao á casa e ábreo. Ponte no teu lugar favorito para ler e a gozar!!!!!
 
  • 421 lecturas

"Cousas" de Castelao por Os Quinquilláns

Mér, 25/01/2017 - 20:01 — karina
En colaboración coa Editorial Galaxia, a compañía teatral Os Quinquilláns estivo en Burela cunha proposta teatral e literaria destinada ao alumnado de 4º ESO e Bacharelato dos dous institutos de Burela, "Cousas" de Castelao.
O luns 23 de xaneiro, os equipos de normalización e dinamización lingüística dos institutos, quixeron achegar ao seu alumnado a obra dun creador clave na cultura galega promovendo a lingua e creando público para o teatro.
  • 324 lecturas

“Maquetas celulares”, traballos de 3º de ESO

Xov, 17/11/2016 - 23:49 — karina
Na vitrina da entrada do instituto están expostas as fantásticas maquetas celulares realizadas polo alumnado de 3º de ESO, resultado dun traballo expositivo na aula dirixido pola súa profesora de bioloxía, Paula Hermida.
Nas maquetas están representadas células eucariotas animais e vexetais, procariotas .... algunha célula moi especial como a neurona e incluso temos un cerebro!!
O material utilizado para realizalas foi moi diverso: dende fíos e botellas amablemente cedidas por algunha avoa, ata  area, plastilina, un bolo de pan...
Serías capaz de diferenciar todos os tipos celulares?? Anímate e inténtao!
 
  • 419 lecturas
Distribuir contido


by Dr. Radut