Actividades extraescolares

3 equipos do IES Muralla Romana premiados no D3MOBILE METROLOGY WORLD LEAGUE

Na X Edición D3Mobile Metrology World League tres equipos de 1ºBAC do IES Muralla Romana de Lugo, que están a cursar a materia de TIC, álzanse cos seguintes premios:

EQUIPO CAMPIÓN DO MUNDO – ARTISTAS 3D, formado polas alumnas Jennifer Fernández Fariñas e Aitana López Iglesias, cun modelo dunha figura de Sargadelos.

EQUIPO CAMPIÓN DE GALICIA, formado polas alumnas Noemí Díaz Pérez e Lucía Fernández Fernández co modelo dunha coral galega.

EQUIPO CAMPIÓN DE LUGO, formado polas alumnas Lorena Pérez Vázquez e Valeria San Julián Martínez, tamén cun modelo similar (prestados polo Departamento de CCNN).

Fotografía tomada ao remate do acto de entrega de premios

PARABÉNS A TODAS POLO VOSO TRABALLO!!!

Noticia no Xornal da USC

Noticia en El Progreso Xornal da USC

Máis información Xornal da USC

PRESENTACIÓN DO LIBRO, PISADAS LITERARIAS, club de lectura

O alumnado do club de lectura, "Lecturas e andanzas I, II", presentará o seu libro, Pisadas literarias.

LUGAR: Auditorio do Vello Cárcere de Lugo.
DÍA: Luns, 19 de xuño
HORA: 18:30H

Dende aquí convidámosvos a asistir a esta presentación.

Club de lectura

ACTIVIDADE PARA AS FAMILIAS CON YOLANDA FERNÁNDEZ

Na tarde deste xoves 27 de abril estivo con nosoutros Yolanda Fernández (experta en educación emocional), para achegar ás familias a importancia das emocións dos fillos e fillas no día a día, e cales poden ser os recursos para levar a cabo ese acompañamento emocional na adolescencia.

MOITAS GRAZAS POR ASISTIR

VIAXE DIDÁCTICA A CELANOVA

Da man do Departamento de Lingua Galega, de Música e do EDLG, o martes 18 de abril a rapazada de 3ºESO e algún alumno de 1º BAC realizou unha viaxe a Celanova cunha apretada axenda: visitaron en primeiro lugar Vilanova dos Infantes, para logo adentrarse na casa dos poetas na vila de Celanova e coñecer máis de preto a vida e obra de Curros Enríquez. Logo desprazáronse ata o mosteiro de San Rosendo onde puideron asistir a unha breve audición de órgano.

Despois de xantar e repousar un anaco, achegáronse ata as Termas de Outariz para rematar a tarde cun relaxante baño antes de volver para a casa.

Escola Superior de Arte e Deseño

Start: 08/02/2023 09:54

O alumnado de 1º ESBE e ASIMPE acudirán á Escola Superior de Arte e Deseño

No seguinte enlace tedes dispoñibles as fotografías realizadas.

https://www.flickr.com/photos/197991271@N07/albums

Calendario

RUTA POLA CIDADE

O departamento de inglés realizou o pasado luns día 27 de marzo unha actividade co alumnado de 1º XEAD e 1º ADMFIN.

Foi unha ruta guiada pola cidade co guía oficial de Lugo, Guido, e parta das explicacións foron en inglés.

Percorreron parte do Barrio do Carmen e tamén poideron contemplar algúns graffitis e arte urbán que se atopa en diferentes zonas de Lugo.

Viaxe fin de estudos a Roma

O alumnado de 4º da ESO e 1º de BAC realizou a viaxe fin de estudos a Roma. Gozaron da cidade, da cultura e, sobre todo, de poder facelo todos xuntos.

ABRAHAM CUPEIRO VISITA O CENTRO

Grazas ao departamento de música, hoxe visitou o centro Abraham Cupeiro para impartir un concerto e achegarnos á maxia que encerra a música. Aproveitando a súa presenza, o equipo da radio escolar, Radio Llama, entrevistouno para coñecelo un pouquiño máis.
Dani, Naiara, Pablo, Silvia e Uxía (representantes do club de lectura e responsables de Radio Llama) foron os encargados de compartir momentos inesquecibles con Abraham.

Acceso á entrevista e a máis información.

Visita a Gadisa

O alumnado de 2º ADMINFIN realizaron unha visita ás instalacións centrais de "Gallega de Distribuidores de Alimentación, S.A" (GADISA), en Betanzos.

MOVE ON

Os alumnos de 3º e 4º da ESO gozaron este luns da obra de teatro "Move on" sendo unha das actividades que Afundación ofrece aos centros educativos galegos. Sen dúbida unha experiencia enriquecedora para todos eles.