Skip to Content

Actividades extraescolares

Actividades extraescolares

GRADUACIÓN DOS CICLOS PROFESIONAIS: PROMOCIÓN 22-24

O venres 15 de marzo asistimos á graduación dalgúns dos ciclos profesionais do noso instituto. Parabéns a todas e todos!

*Para ver máis

GRADUACIÓNS CICLOS PROMOCIÓN 22-24

O venres 15 de marzo puidemos asistir ó acto de graduación dalgúns dos ciclos profesionais do noso instituto. Parabéns a todas e todos !

Participación do IES Muralla Romana no concurso PARLAMENTO XOVE

O sábado 9 de marzo a participación dos alumnos de 4º de ESO, do IES Muralla Romana, Carme Casanova, Antía Núñez, Pablo Dorado e David Pereira, na fase clasificatoria do concurso de debate do Parlamento Xove foi todo un éxito, co tema: "Os estados deben tomar medidas para o control da intelixencia artificial?" acadando un 3º posto en dita fase, na categoría de ESO do Parlamento Xove 2024, celebrada en O Carballiño (Ourense)

Parabéns ós participantes no concurso e ó seu coordinador, o profesor Xulio González Teijeiro!

 **Achegamos as ligazóns da fase clasificatoria en  streaming:

  SALA A: https://www.youtube.com/live/MspWTR73BhM?si=VNJEk_9SH5SMUzDT
  SALA B: https://www.youtube.com/live/U1Bme7_GTWI?si=ZOaARxigRBpHHTIr
  SALA C: https://www.youtube.com/live/IHFk6m1wlnc?si=DJWnP4tAeVFzI_Y8

FESTIVAL DE TEATRO GRECOLATINO

O alumnado de latín asistiu, o pasado 28 de febreiro,  a unha nova edición do Festival Grecolatino, no que se representou a comedia "Anfitrión" de Plauto, a cargo do Grupo Noite Bohemia.

IMAXE PERSOAL: XESTIÓN, PUBLICIDADE E CARACTERIZACIÓN

Coa colaboración da aula de emprendemento, o alumnado dos ciclos de Imaxe Persoal participaron nunha charla na que se lles transmitiu a importancia de saber xestionar, nun futuro, o seu centro de traballo de forma eficiente: horarios, xestión de prezos e promocións, diagnóstico e atención ao cliente, provedores...

Outra das actividades programadas foi o taller  impartido pola figurinista Aránzazu Domínguez co alumnado de 1º de Asesoría de Imaxe Persoal e Corporativa, consistente nunha clase práctica sobre a utilización de vestiario para a  caracterización de personaxes e a súa utilidade, ademais da importancia de saber seleccionar o vestiario  máis axeitado para cada cliente.

O NOSO ENTROIDO

O mércores día 7 de febreiro Xosé Manuel Seixas realizou unha exposición e charla das máscaras de Entroido que elabora el mesmo. Este artesán de vocación, realiza máscaras en diferentes materiais como coiro, madeira, cartón, costura, la, papel ou metal, despois de investigar sobre cada Entroido, indo aos lugares de celebración e obtendo información de artesáns das diferentes zonas. Cada ano forma parte do Entroido de Santiago de Arriba en Chantada vestindo traxes cerimoniais como o Meco, o Volante, o Maragoto e, ademais, ten vestido outros traxes como o do Felo en Maceda.

Xosé Manuel tamén nos falou do proceso de elaboración de máscaras de Entroidos fóra de Galicia como o de Sardeña, en Italia.

ENTROIDO: CÓMIC & MANGA

"PESCANDO XENES" CO DR. CARRACEDO

O pasado xoves 18 de xaneiro o catedrático de Medicina Legal e experto internacional no campo da xenética, Ángel Carracedo, acudiu á nosa  biblioteca, no IES Muralla Romana. A esta charla acudiron o alumnado de 4º ESO, 1º de Bacharelato e 2º de Bacharelato de Bioloxía e Xeoloxía, así como o alumnado de 4º ESO de Oratoria e 2º CB peiteado e estética.
Na charla, titulada "Pescando xenes", Ángel Carracedo fixo un percorrido pola súa experiencia vital, no ámbito formativo e no eido da investigación e aplicación da xenética. Ao longo da charla, Carracedo transmitiu ao alumnado a importancia da ilusión e a paixón, como motores para acadar a felicidade na vida. Aplicando iso ao aspecto máis formativo, comentou como el estudou medicina sen total convicción e, que foi a súa paixón o que o levou cara ao mundo da investigación xenética. Carracedo tamén dedicou tempo para describir ao alumnado a fermosura e importancia da xenética en ámbitos tan diversos como realizar probas de paternidade, identificar criminais, identificar restos nunha catástrofe, ou para elaborar fármacos que teñan en conta a xenética propia de cada individuo. De feito, adiantounos que Galicia nos próximos anos será pioneira na creación deste tipo de fármacos, precisamente grazas ao enorme labor dos grupos de investigación de Carracedo.
 Ao final da charla houbo quenda de preguntas, na cal se falou de identificación de santos, da xenética das poboacións pertencentes á cultura Celta, e tamén na que o alumnado participante na liga de debate (onde debaten se é maior a relevancia da xenética ou a do ambiente para o desenvolvemento dos individuos) aproveitaron para recoller a opinión de Carracedo ao respecto, quen lles deu argumentos para defender ambas posturas. Antes de deixarnos Carracedo convidou o alumnado a visitalo ao seu centro de investigación, algo que o alumnado acolleu con entusiasmo e cunha nacente e reforzada vocación de adicarse á investigación xenómica.

*Preme para visionar a conferencia

LECER CICA, "POLA PAZ" NA BIBLIOTECA DO MURALLA

Distribuir contido


by Dr. Radut