O alumnado de 4º da ESO e 1º PEIEST realizaron o día 31 de maio unha visita á costa de Lugo. Nesa xornada visitaron a factoría e o Museo de Sargadelos (Cervo); tamén tiveron a oportunidade de realizar a ruta do Paseo dos namorados e unha visita ó museo do Mar (San Cibrao). Por último gozaron dunha tarde de lecer en boa compañía.
O pasado venres 19 todos os participantes de ENREDANDO CO GALEGO, que comprendía alumnado desde 1º ESO ata 1º BAC, achegáronse ata o auditorio Gustavo Freire para celebrar a gala final dese certame. Alí gozaron co magnífico concerto de Fillas de Casandra e logo recolleron os premios ás composicións máis destacadas. Estes foron para Naiara Diéguez Romero (3º ESO), Pablo Dorado Loureiro (3º ESO), Abdesamad Aksasse (4º ESO), Laura García Castro (4º ESO), Alba López Yebra (4º ESO) e María Penín García (1º BAC). Outras/os compañeiras/os recibiron agasallos mediante sorteo. Parabéns a todas e todos! Agardamos que sigades escribindo así de ben e que poidades participar o vindeiro ano.
Estes días podemos gozar da exposición feita polo alumnado desde 1º ESO ata 4º ESO con motivo da conmeración do 60ºaniversario do Día das Letras Galegas. A rapaza creou os paneis no que figuran imaxes e textos dos persoeiros homenaxeados e logo foron pendurados na entrada e nos corrredores do 1º andar, para quen queira poida ir facendo un roteiro polas nosas letras.
O pasado martes 16 de maio estivemos de celebración, era o día anterior ao Día das Letras Galegas e na entrada do noso centro quixemos facer unha pequena homenaxe a Francisco Fernández del Riego, á nosa lingua e á nosa cultura nun acto poético-musical. Participaron rapazada de 3º e 4ª ESO. Máis info
O mércores 15 de xuño asistirán á entrega de premios de "Xornalismo na escola" de La Voz de Galicia, a docente e dúas alumnas en representación dos/das compañeiros/as.
"Falar da música de Galicia pode acabar sendo un rosario de tópicos, pero os alumnos de 4ºESO do IES Muralla Romana (Lugo), dirixidos por María Xesús Adán, conseguírono. Quedou terceiro de Galicia cos seus 5 votos do xurado, que destacou o ambicioso da reportaxe e as moitas voces consultadas, dende o máis tradicional da música aos novos movementos."
MOITAS FELICIDADES A TODOS E A TODAS POLO PREMIO PROVINCIAL DE LUGO E POLO RECOÑECEMENTO A NIVEL GALICIA!
No salón de actos, e seguindo o horario que se achega, o alumnado de ESO coñecerá máis de preto á figura de Florencio Delgado Gurriarán, autor homenaxeado co Día das Letras Galegas.
CURSO 23/24:
Información da FP
Administración e xestión
Imaxe persoal
Informática e comunicacións
TodoFP
GaliciaSkills 2018
Cisco
Microsoft Imagine (MSDNAA)
