Visita ao SAI (Servizos de Apoio á Investigación)

Os alumnos de bioloxía de 2º de bacharelato foron visitar ás instalacións do SAI na Universidade da Coruña.

Os Servizos de Apoio á Investigación da Universidade da Coruña están compostos por un conxunto de servizos especializados capaces de prestar apoio á investigación científica, técnica e humanística, e cunha dotación instrumental, técnica e de recursos humanos que, ben polas súas características propias ou polo ámbito da súa aplicación, superan as necesidades dun Centro, Departamento ou Instituto Universitario. A función que deben cumprir é a de organizar racionalmente a utilización destes recursos destinados a tarefas de investigación.