Novo
A Consellería de Educación publicou o 28/05/2020 instrucións polas que se amplían e concretan determinados aspectos das que foron publicadas o 27/04/2020 para o desenvolvemento do terceiro trimestre do curso 2019/20.
Salientar a decisión de non realizar exames presenciais. E as instrucións respecto aos criterios de promoción e titulación.
A Consellería de Educación publicou o 27 de abril de 2020 as instrucións para o desenvolvemento do terceiro trimestre do curso 2019/20 nos centros docentes da Comunidade Autónoma de Galicia. Ligazón
Resumo:
Calendario
Final do curso segundo calendario previsto: 19 de xuño ESO e 1º BAC.
Avaliación final de 2º Bac: 9 de xuño
Adaptación da actividade
Especial atención a identificación do alumnado desconectado, sendo necesario preparar plans de recuperación do vínculo para axudar á súa reincorporación. Estes plans serán remitidos a Inspección Educativa.
Identificación do alumnado que carece de medios de conexión dixital. Establecer medidas necesarias para a atención educativa.
Titoría e Orientación
Priorizar acción de orientación ao alumnado de 4º ESO, 2º Bac, 2º FP
Organizar recursos de apoio para a atención ao alumnado ANEE
Currículo e Programacións
Revisión dos currículos e programacións para centrar as aprendizaxes nas competencias imprescindibles, flexibilizando os plans de traballo e procurando non afectar ao benestar do alumnado.
Para o alumnado con dificultades no período presencial o terceiro trimestre centrarase en actividades de recuperación, repaso e reforzo.
Poderán ampliarse contidos para todo ou parte do alumnado sempre que non prexudiquen a nota, baseados en competencias clave e que requiran a mínima intervención docente.
As Xefaturas de Departamento adaptarán as Programacións Didácticas, baseándose nos estándares de aprendizaxe e competencias clave que serán o referente para o desenvolvemento do 3º trimestre.
A avaliación realizarase sobre as competencias desenvolvidas nos dous primeiros trimestres e nas actividades do terceiro sempre que beneficie ao alumnado.
Para as materias pendentes poderá realizarse unha proba telemática ou substituíla pola realización de traballos. Deberanse detallar os criterios de avaliación e cualificación e establecer as datas para as probas.
Elaborarase un Documento Guía antes do 12 de maio que será remitido a Inspección Educativa e publicado na web do centro para facelo accesible a toda a comunidade educativa.
Avaliación e Promoción
Obxectivo prioritario que o alumnado non perda o curso.
Avaliación das actividades realizadas na fase non presencial so terá valor positivo para a cualificación do alumnado.
Avaliación final farase respecto ao desenvolvido nos dous primeiros trimestres, poderanse ter en conta as actividades do 3º trimestre sempre que isto beneficie ao alumnado.
A repetición será unha medida excepcional, nos criterios de promoción non se terá en conta o número de materias pendentes. A decisión adoptarase de maneira colexiada polo equipo docente en función da evolución académica.
Os que promocionen sen ter superadas todas as materias deberán matricularse das pendentes e seguir programas de reforzo individuais ou grupais no vindeiro curso.
Elaborarase un informe individual valorativo que inclúa os atrasos que se produciron e un plan de recuperación para o ano académico 2020/21
Flexibilizaranse os criterios de titulación en todas as etapas non se terá en conta o número de pendentes.
A decisión colexiada poderá adoptarse en xuño ou setembro.
O Ministero de Educación e Formación Profesional publica no BOE 24/04/2020 a Orde EFP/365/2020 pola que se establecen as directrices de actuación para o terceiro trimestre do curso 2019/2020 e o inicio do 2020/21.
O Ministerio de Educación e Formación Profesional e as consellerías responsables da educación das Comunidades Autónomas, no seo da Conferencia Sectorial de Educación, adoptan os seguintes acordos, que teñen por obxecto orientar o desenvolvemento do terceiro trimestre do curso 2019-2020 e o inicio do próximo curso 2020-2021. A Consellería de Educación da Xunta de Galicia fixo públicas o 17/04 as orientacións provisionais para o desenvolvemento do terceiro trimestre.