Selector rápido de contidos

Novas de FP

Distribuir contido
Actualizado: hace 12 horas 16 min

Axudas FCT

Mér, 12/02/2020 - 08:59

Publicada a Orde do 31 de decembro de 2019 pola que se fai pública a resolución das axudas económicas para o alumnado que realiza formación práctica en centros de traballo ou FP dual, convocadas pola Orde do 6 de maio de 2019.

Convocatoria dos premios de Excelencia FP dual e creación do selo Empresa colaboradora FP dual

Lun, 10/02/2020 - 15:32

Publicada a Resolución do 7 de febreiro do 2020 da Dirección Xeral de Educación, Formación Profesional e Innovación Educativa pola que se resolve convocar os premios de Excelencia FP Dual de Galicia e crear o selo Empresa colaboradora de FP dual.

A data límite para enviar as propostas das candidaturas é o 21 de febreiro do 2020.

Probas de acceso a ciclos de grao medio e superior. Orde de convocatoria 2020

Ven, 07/02/2020 - 12:30

Publicada a Orde do 20 de xaneiro de 2020 pola que se convocan probas de acceso aos ciclos formativos de grao medio e de grao superior de formación profesional do sistema educativo para o ano 2020 (códigos de procedemento ED312C e ED312D).

Prazos de presentación de solicitudes:

  • Probas de acceso a ciclos formativos de grao medio: O prazo de presentación estará abranguido entre os días 2 e 13 de marzo de 2020, ambos os dous incluídos
  • Probas de acceso a ciclos formativos de grao superior: O prazo de presentación estará abranguido entre os días 10 e 19 de febreiro de 2020, ambos os dous incluídos

Máis información:

Xantar 2020. 21º Salón Internacional de Turismo Gastronómico

Mér, 05/02/2020 - 15:31

Entre o 5 e o 9 de febreiro, celébrase no recinto de Expourense a feira Xantar 2020, vixésimo primeira edición do Salón Internacional de Turismo Gastronómico.

Como en edicións anteriores de Xantar, a formación profesional galega conta cunha zona dedicada á difusión das súas ensinanzas, na que teñen especial importancia as familias profesionais de Hostalaría e turismo e de Industrias alimentarias.

O stand da Consellería de Educación, Universidade e Formación Profesional está atendido por profesorado e alumnado do IES Vilamarín e do IES Lagoa de Antela, que ofrece aos visitantes degustacións de produtos elaborados nos propios centros educativos.

Carnés e habilitacións profesionais. Próxima publicación da Orde da convocatoria 2020

Mér, 05/02/2020 - 13:11

Xúntase o borrador da Orde do 20 de xaneiro de 2020 pola que se convocan probas para a obtención de determinados carnés profesionais e habilitacións profesionais no ano 2020.

Prazo de presentación de solicitudes:

  • Primeira convocatoria: do 17 de febreiro ao 3 de marzo de 2020, ambos os dous incluídos
  • Segunda convocatoria: do 22 de xuño ao 3 de xullo de 2020, ambos os dous incluídos

- Máis información

Programa Rescatadores de talento. Convocatoria 2020

Mar, 04/02/2020 - 10:47

Rescatadores de talento é un programa gratuíto, impulsado pola Fundación Princesa de Girona (FPdGi) xunto con máis de 30 empresas, que busca apoiar á mocidade para mellorar a súa empregabilidade.

O programa está dirixido a persoas de entre 20 e 30 anos con formación universitaria ou cunha titulación de formación profesional de grao superior, ou que estean a cursar o último curso dalgunha desas ensinanzas.

Dentro dos recursos que ofrece o programa, destaca o mentoring personalizado con directivos das empresas colaboradoras, formación en liña, bolsa de traballo con ofertas adecuadas ao perfil profesional e axudas para mobilidade.

O día 27 de febreiro Naturgy organizará na Coruña unha sesión de formación especial para persoas inscritas no programa Rescatadores de talento.

Campionatos internacionais de baristas e de cata de cafés para escolas de hostalaría e para baristas profesionais do IES de Foz 2020

Lun, 03/02/2020 - 14:59

O IES de Foz organiza novamente campionatos internacionais de hostalaría. Ademais dos tradicionais campionatos de baristas (un para escolas de hostalaría e outro para profesionais) e do campionato de cata de cafés para escolas de hostalaría, este ano celebrarase o primeiro campionato internacional de cata de cafés para profesionais da hostalaría.

As competicións, que se celebrarán durante os días 12, 13 e 14 de febreiro de 2020, son as seguintes:

  • XIII Campionato Internacional de Baristas de Escolas de Hostalaría
  • VIII Campionato Internacional de Cata de Cafés de Escolas de Hostalaría
  • VIII Campionato Internacional de Baristas Profesionais
  • I Campionato Internacional de Cata de Cafés para Profesionais

Accede ao:

Centro educativo:  IES de Foz

Probas de acceso a ciclos de grao medio e superior. Próxima publicación da Orde de convocatoria 2020

Ven, 31/01/2020 - 10:24

Xúntase o borrador da Orde pola que se convocan probas de acceso aos ciclos formativos de grao medio e de grao superior de formación profesional do sistema educativo para o ano 2020.

Prazos de presentación de solicitudes:

  • Probas de acceso a ciclos formativos de grao medio: O prazo de presentación estará abranguido entre os días 2 e 13 de marzo de 2020, ambos os dous incluídos.
  • Probas de acceso a ciclos formativos de grao superior: O prazo de presentación estará abranguido entre os días 10 e 19 de febreiro de 2020, ambos os dous incluídos.

Máis información:

Procedemento de expedición da certificación da formación de nivel básico en Prevención de Riscos Laborais para o alumnado FP de Galicia

Lun, 27/01/2020 - 20:07

Publicada a Orde do 15 de xaneiro de 2020 pola que se establece o procedemento para a expedición da certificación da formación de nivel básico en Prevención de Riscos Laborais para o alumnado dos ciclos formativos de formación profesional inicial da Comunidade Autónoma de Galicia.

Carnés e habilitacións profesionais. Cualificacións definitivas. Segunda convocatoria 2019

Lun, 27/01/2020 - 19:53

Publicada a listaxe definitiva de cualificacións da segunda convocatoria 2019 de carnés e habilitacións profesionais.

Contra esta resolución, que non esgota a vía administrativa, poderase interpor recurso de alzada perante a Conselleira de Educación, Universidade e Formación Profesional no prazo dun mes desde a súa publicación.

Convocado o certame Cooperativismo no ensino 2020

Ven, 17/01/2020 - 09:14

O Consello Galego de Cooperativas ven de convocar recentemente (Orde da Consellería de Economía, Emprego e Industria do 3 de decembro de 2019, DOG nº 5 do 9 de xaneiro de 2020) o certame Cooperativismo no ensino 2020, cuxo obxecto é difundir e promover o cooperativismo entre o alumnado dos centros de educación infantil, primaria, secundaria obrigatoria, educación especial, formación profesional e ensinanzas de réxime especial de Galicia, impulsando a realización de actividades de fomento do cooperativismo nos centros educativos.

O certame premiará actividades e proxectos en tres modalidades e seis categorías:

  • Modalidade 1. Actividades artísticas: Poderá consistir na realización de debuxos, pinturas, maquetas, fotografías ou vídeos. Inclúe catro categorías de participación por niveis dirixidas, respectivamente, a alumnado de 2º ciclo de educación infantil, 1º e 2º de educación primaria, 3º e 4º de educación primaria e 5º e 6º de educación primaria.
  • Modalidade 2. Actividades cooperativizadas: Integra unha única categoría dirixida a alumnado de 1º e 2º ciclo de ESO e poderá consistir na organización de viaxes de ampliación de estudos, festivais de fin de curso, campionatos deportivos, xornais, páxinas web, programas audiovisuais e obras de teatro, entre outras.
  • Modalidade 3. Proxectos empresariais cooperativos: Nunha única categoría poderán concorrer proxectos empresariais baixo a fórmula cooperativa que deben ser orixinais, coherentes e viables e estar desenvolvidos polo alumnado de ensinanzas de réxime especial e Formación Profesional.

Nas modalidades 1 e 2 premiarase con 2.500 € un traballo por categoría e está previsto tamén un accésit de 1.500 € por categoría.

Na modalidade 3 está prevista unha dotación de 4.500 € para o mellor traballo e un accésit de 3.500 € para o proxecto finalista.

Para participar no concurso pode consultar a web https://sede.xunta.gal/portada ou http://www.eusumo.gal/ ou chamar ao teléfono 881 999 268.

O prazo de participación estará aberto ata o 30 de abril de 2020.

Convocado o concurso Desafío AMETIC 2020

Mér, 15/01/2020 - 13:29

A patronal representante do sector da industria tecnolóxica dixital en España (AMETIC) ven de convocar recentemente o concurso Desafío AMETIC 2020, no que se premiarán proxectos innovadores que busquen mellorar procesos comerciais mediante a utilización de tecnoloxías habilitadoras como IoT, Big Data, intelixencia artificial, realidade aumentada, realidade virtual, etc.

Neste concurso de ámbito nacional poderán participar centros educativos de FP, universidades, e escolas de negocio. Ao proxecto gañador outorgaráselle un premio de 6.000 € para o desenvolvemento do mesmo, así como a firma dun contrato-acordo para levar a cabo o desenvolvemento e a posterior implantación do proxecto nunha empresa. O prazo de participación estará aberto ata o 28 de febreiro de 2020.

Carnés e habilitacións profesionais. Cualificacións provisionais. Segunda convocatoria 2019

Ven, 20/12/2019 - 15:03

Publicada a listaxe provisional de cualificacións da segunda convocatoria 2019 de carnés e habilitacións profesionais.

Contra esta listaxe poderase presentar reclamación ata o día 10 de xaneiro de 2020.

Acto de entrega dos premios eduemprende Idea 2019

Ven, 20/12/2019 - 13:06

Hoxe tivo lugar a entrega de premios do concurso eduemprende Idea na Cidade de Cultura de Galicia.

Este concurso pretende potenciar a realización de proxectos empresariais polo alumnado das ensinanzas de formación profesional, deportivas ou de artes plásticas e deseño da Comunidade Autónoma de Galicia sostidas con fondos públicos

Imaxe Portada:  Imaxe: 

Reto da xira de proclamacións dos Premios Fundación Princesa de Girona na Coruña

Xov, 19/12/2019 - 12:39

O reto da xira de proclamacións dos Premios FPdGi é unha iniciativa que quere poñer en valor o talento dos novos estudantes para construír o futuro no que van vivir. O proxecto desenvólvese a través dunha competición de innovación disruptiva onde se xeran miles de solucións a retos empresariais.

Equipos de 4 persoas de entre 16 e 24 anos, desenvolverán durante 3 horas unha solución a un reto real de empresa baixo a dirección de Xavier Verdaguer, CEO de Imaxine Creativity Center, o cal dinamiza as diferentes fases que constrúen o método Lombard de innovación disruptiva. As persoas participantes darán forma á súa solución seguindo as catro fases do método —Inspiración, Ideación, Prototipaxe e Comunicación— para, finalmente, presentar o seu proxecto diante dun xurado.

O reto emprendedor "Só en casa: ideas para previr a soidade das persoas maiores", terá lugar en A Coruña o vindeiro 28 de febreiro de 2020, xunto co acto de proclamación do Premio FPdGi Social 2020, no Centro Ágora, Lugar Gramela, 17, 15010 A Coruña.

Presentación da guía de "Prácticas para a igualdade de xénero na FP"

Mar, 17/12/2019 - 13:41

Foi presentada a guía de Prácticas para a igualdade de xénero na FP durante a xornada "Igualdade de xénero na Formación Profesional", que se desenvolveu no CIFP Politécnico de Santiago e estivo presidida pola conselleira de Educación, Universidade e Formación Profesional, Carmen Pomar, acompañada pola secretaria xeral de Igualdade, Susana López Abella.

O obxectivo da guía é difundir as boas prácticas desenvolvidas polos centros integrados de formación profesional para traballar na prevención de actitudes sexistas e discriminatorias entre o alumnado, impulsando tamén o cambio de roles, de actitudes e de estereotipos que sustentan a desigualdade de xénero.

Imaxe Portada:  Imaxe: 

Xornada "Igualdade de xénero na Formación Profesional" no CIFP Politécnico de Santiago

Xov, 12/12/2019 - 13:27

O  próximo 17 de decembro terá lugar no CIFP Politécnico de Santiago a xornada "Igualdade de xénero na Formación Profesional", dirixida a equipos directivos e xefes e xefas dos departamentos de Orientación dos centros de Formación Profesional. Nesta xornada presentarase a publicación "Prácticas para a igualdade de xénero na FP", que recolle exemplos de actividades no ámbito da igualdade de xénero propostas polos diferentes centros que integran a Rede de Centros Integrados de Formación Profesional, para que poidan ser levadas a cabo en calquera centro de FP. Ademais, presentarase o Plan de Igualdade do CIFP Compostela como modelo a seguir na elaboración dun plan de igualdade nun centro con ensinanzas de formación profesional.

Estas actuacións enmárcanse no acordo de colaboración entre Vicepresidencia e Consellería de Presidencia, Administracións Públicas e Xustiza e a Consellería de Educación, Universidade e Formación Profesional, asinado con data do 22 de febreiro de 2019, que establece entre a súas medidas a mellora de plans de igualdade nos CIFP. Neste senso cada un dos 20 centros que constitúen a Rede Galega de Centros Integrados de Formación Profesional contan xa, desde o primeiro trimestre do curso 2019/2020, cun Plan de Igualdade deseñado baixo unha estrutura común á toda a rede.

Acreditación de competencias. Convocatoria 2020

Xov, 12/12/2019 - 11:05

Publicada a Orde do 29 de novembro de 2019 pola que se convoca o proceso de acreditación de competencias profesionais adquiridas a través da experiencia laboral, na Comunidade Autónoma de Galicia, en determinadas unidades de competencia do Catálogo nacional de cualificacións profesionais (código de procedemento ED517B).

Importante

  • A solicitude de participación no procedemento deberá presentarase obrigatoriamente por vía electrónica na sede electrónica da Xunta de Galicia (https://sede.xunta.gal) e requirirá cubrir previamente os datos na aplicación informática que se atopa no enderezo www.edu.xunta.es/acreditacion, desde onde deberá xerarse o formulario normalizado. Esta aplicación está activa a partir do 13 de xaneiro de 2020.
  • Os datos relacionados coa documentación xustificativa do historial profesional e/ou formativo e dos requisitos de participación no procedemento deberán cargarse na devandita aplicación informática.
  • O prazo de presentación de solicitudes será desde o 13 de xaneiro ata o 7 de febreiro de 2020.
  • Só serán aceptadas as solicitudes que sexan entregadas por sede electrónica.

Powered by Drupal - Design by artinet