Selector rápido de contidos

Novas de FP

Distribuir contido
Actualizado: hace 6 días 22 horas

Alumnado do CIFP Carlos Oroza cociña co chef mexicano Rómulo Mendoza

Mér, 07/11/2018 - 08:27

Os vindeiros 13 e 14 de novembro, o chef mexicano Chef Rómulo Mendoza que visita Pontevedra para participar en Etiqueta Negra Gourmet, realizará o servizo co alumnado de cociña do CIFP Carlos Oroza de Pontevedra. Unha magnífica oportunidade para coñecer de primeira man a gastronomía mexicana de autor.

Centro educativo:  CIFP Carlos Oroza

Axudas FCT

Ven, 26/10/2018 - 08:09

Publicada a Orde do 11 de outubro de 2018 pola que se fai pública a resolución das axudas económicas para o alumnado que realiza formación práctica en centros de traballo, convocadas pola Orde do 24 de abril de 2018.

Eduemprende Idea 2018. Resolución de concesión de premios

Mér, 24/10/2018 - 14:32

Publicada a Resolución do 16 de outubro de 2018 pola que se da publicidade da resolución de concesión dos premios do concurso Eduemprende Idea 2018, dirixido ao alumnado das ensinanzas de formación profesional, deportivas ou de artes plásticas e deseño da Comunidade Autónoma de Galicia, sostidas con fondos públicos (Diario Oficial de Galicia do 24 de outubro de 2018), convocado pola Resolución do 19 de marzo de 2018 (Diario Oficial de Galicia do 4 de abril do 2018).

Comprende dúas modalidades:

  • Modalidade A: ciclos formativos de grao superior
  • Modalidade B: ciclos formativos de grao medio

- Listaxe de premiados no concuros eduemprende Idea 2018

- Resolución do 16 de outubro de 2018 pola que se da publicidade á resolución de concesión dos premios do concurso Eduemprende Idea 2018

- Máis información sobre Eduemprende Idea

Participación da FP galega no evento da entrega dos Premios Princesa de Asturias

Lun, 22/10/2018 - 09:12

Alumnado e profesorado dos ciclos da familia profesional de Hostalaría e turismo do CIFP Carlos Oroza de Pontevedra participaron no evento ofrecido ás persoas premiadas, á casa real e ao padroado da Fundación Princesa de Asturias os días 17,18 e 19 de outubro, preparando as elaboracións do bufete servido neste acto. Así mesmo, alumnado e profesorado do CIFP Paseo das Pontes, do CIFP Manuel Antonio e do IES de Vilamarín participaron no servizo de cóctel servido na gala de entrega de premios.

Centro educativo:  CIFP Carlos Oroza

V Conferencia anual da plataforma de partes interesadas do Atlántico (ASPC2018)

Lun, 22/10/2018 - 08:53

Os próximos 23 e 24 de outubro celebrarase no Auditorio do Mar de Vigo a V Conferencia anual da plataforma de partes interesadas do Atlántico (ASPC2018), que se centrará en accións para impulsar o emprego xuvenil no ámbito marítimo e reunirá a líderes políticos, agrupacións marítimas, empresas, institucións académicas, doantes de fondos e investidores de todo o litoral atlántico.

A Consellería de Educación, Universidade e Formación Profesional participará como un dos socios do proxecto MATES (Maritime Alliance for fostering the European Blue Economy through a Marine Technology Skilling Strategy) mediante a instalación dun estand onde difundirá a Formación Profesional en Galicia, xunto a unha mostra dalgúns dos proxectos pilotos que se están a desenvolver no seo do mencionado proxecto, como son o do CIFP de Someso (Proxecto Efecto Magnus) e o do CIFP de Ferrolterra (Proxecto Francobordo).

ReforMás, feira para a reforma e rehabilitación do negocio e do fogar

Ven, 19/10/2018 - 13:35

Entre o 19 e 21 de outubro celébrase no recinto de exposicións, feiras e congresos EXPOCoruña a II edición da feira para a reforma e rehabilitación do negocio e do fogar. O evento desenvolverase en tres xornadas de exposición e formación continua e especializada dirixida ao público en xeral e a profesionais do sector para informar sobre as últimas novidades e solucións de vangarda en construción eficiente, paisaxismo sostible, interiorismo de tendencia, etc.

A Consellería de Educación, Universidade e Formación Profesional participa na feira co obxectivo de achegar o público a mensaxe innovadora da Formación Profesional e informar e orientar sobre as alternativas que ofrecen estas ensinanzas para o inicio e promoción da carreira profesional.

Selección de estadías formativas 2018. Resolución de avaliación

Ven, 19/10/2018 - 08:09

Publicada a Resolución de avaliación da comisión de selección de estadías formativas en empresas ou institucións para o ano 2018 destinadas ao profesorado dos corpos e das especialidades vinculadas ás ensinanzas de formación profesional inicial, e das artes plásticas e o deseño.

Bolsas para mocidade do exterior FP. Listaxes provisionais de solicitudes. Convocatoria 2018/19

Xov, 18/10/2018 - 16:16

Con data do 9 de agosto de 2018 publicouse a Orde do 6 de agosto de 2018 pola que se establecen as bases reguladoras e se convocan cen bolsas para a mocidade do exterior, co fin de cursar estudos de formación profesional de grao superior que se inicien no curso académico 2018/19 nun centro con ensinanzas sostidas con fondos públicos de Galicia (ED333A). Data de publicación: 18/10/2018

Finalizado o prazo de presentación de solicitudes e examinadas estas e a documentación achegada, procédese á publicación das listaxes provisionais de solicitudes admitidas e/ou que precisan emendar documentación e de solicitudes excluídas e os motivos de exclusión.

As persoas excluídas e as persoas ás que se lles requira documentación disporán dun prazo de cinco días hábiles para emendar a falta ou achegar os documentos preceptivos. Transcorrido este prazo sen que se emenden os erros ou se achegue a documentación preceptiva, considerarase que a persoa interesada desiste da súa petición, nos termos e nas condicións que se establecen no artigo 68 da Lei 39/2015, do 1 de outubro, do procedemento administrativo común das administracións públicas.

Ampliación do prazo de solicitude para participar en Actúa 2018-2019

Xov, 18/10/2018 - 07:34

Amplíase ata o 23 de outubro de 2018, inclusive, o prazo de solicitude para participar no programa Actúa 2018-2019, desenvolvido dentro do Plan de Emprendemento no Sistema Educativo de Galicia, eduemprende.

As actividades que requiran a participación de persoal técnico do IGAPE e da/s persoa/s emprendedora/s realizaranse de luns a venres desde novembro de 2018 ata o 30 de abril de 2019.

O horario desenvolverase en dúas quendas:

  • De 9:00 a 11:00 horas
  • De 12:00 a 14:00 horas

Adxudicarase unha actividade por centro, na que poderán participar varios grupos de alumnado de ciclos formativos de grao medio e superior das ensinanzas de formación profesional, deportivas ou de artes plásticas e deseño, e de bacharelato.

Carnés profesionais. Listaxe definitiva de solicitudes, datas e material. Convocatoria extraordinaria 2018

Lun, 15/10/2018 - 13:37

Publicada a listaxe definitiva de persoas admitidas e excluídas da convocatoria extraordinaria 2018 de probas de carnés e habilitacións profesionais, así como as datas de celebración das probas e o material de consulta permitido para a realización da segunda parte da proba.

Cada proba terá dous chamamentos, o da 1ª parte ás 10.00 horas e o da 2ª parte ás 11.45 horas.

- Máis información

Convocatoria Programa Lanzadeiras Lugo 2018-19

Lun, 08/10/2018 - 15:08

O programa Lanzadeiras Lugo desenvólvese dentro do plan de Emprendemento no Sistema Educativo de Galicia, eduemprende que supón unha aposta clara e firme pola implantación da cultura emprendedora na comunidade educativa nos niveis non universitarios. O plan eduemprende constitúese como o marco onde coordinar as sinerxías en materia emprendedora que actúen sobre o sistema educativo, ordenando e planificando a súa aplicación. O obxectivo global deste plan é lograr un avance sensible na cultura do emprendemento no noso alumnado e propor instrumentos que permitan coñecer os logros alcanzados.

O programa Lanzadeiras Lugo ten a finalidade de promover a innovación e o emprendemento en todas as etapas do sistema educativo co obxectivo de potenciar as competencias profesionais, sociais e persoais do alumnado.

Convocatoria Programa Lanzadeiras Coruña 2018-19

Lun, 08/10/2018 - 15:02

O programa Lanzadeiras Coruña desenvólvese dentro do plan de Emprendemento no Sistema Educativo de Galicia, eduemprende que supón unha aposta clara e firme pola implantación da cultura emprendedora na comunidade educativa nos niveis non universitarios. O plan eduemprende constitúese como o marco onde coordinar as sinerxías en materia emprendedora que actúen sobre o sistema educativo, ordenando e planificando a súa aplicación. O obxectivo global deste plan é lograr un avance sensible na cultura do emprendemento no noso alumnado e propor instrumentos que permitan coñecer os logros alcanzados.

O programa Lanzadeiras Coruña ten a finalidade de promover a innovación e o emprendemento en todas as etapas do sistema educativo co obxectivo de potenciar as competencias profesionais, sociais e persoais do alumnado.

Presentación do proxecto Erasmus+ FUTUREfacing no CIFP Politécnico de Santiago

Ven, 05/10/2018 - 13:56

O pasado día 5 de outubro o CIFP Politécnico de Santiago acolleu a presentación de FUTUREfacing, proxecto Erasmus+ que fomenta a innovación na aprendizaxe do alumnado de FP, abrindo así paso á chegada da industria 4.0 no sector moble galego.

Nesta reunión, dirixida a alumnado e profesorado de Formación Profesional da familia da Madeira, Moble e Cortiza do CIFP Politécnico de Santiago, fíxose unha presentación do proxecto e déronse a coñecer algúns dos resultados do mesmo: un simulador virtual para o vernizado moble e un manual de contidos sobre acabados e revestimentos do moble.

Imaxe Portada:  Imaxe: 

Ampliación do prazo de solicitude para participar en Superlíderes 2018-2019

Ven, 05/10/2018 - 08:11

Amplíase ata o 11 de outubro de 2018, inclusive, o prazo de solicitude para participar no programa Superlíderes 2018-2019, desenvolvido dentro do Plan de Emprendemento no Sistema Educativo de Galicia, eduemprende.

Presentación do proxecto Erasmus+ FUTUREfacing no CIFP Politécnico de Santiago

Xov, 04/10/2018 - 13:56

O próximo día 5 de outubro ás 11:30 h, o CIFP Politécnico de Santiago acollerá a presentación de FUTUREfacing, proxecto Erasmus+ que fomenta a innovación na aprendizaxe do alumnado de FP, abrindo así paso á chegada da industria 4.0 no sector moble galego.

Nesta reunión, dirixida aos profesores de Formación Profesional da familia da Madeira, Moble e Cortiza do CIFP Politécnico de Santiago, farase unha presentación do proxecto e daranse a coñecer algúns dos resultados do mesmo como son: a creación dun simulador virtual para o vernizado moble e a creación dun manual de contidos sobre acabados e revestimentos do moble.

Xornada "Encontro en círculo: educación e empresa. Profesionais e profesións do futuro". 2ª edición

Xov, 04/10/2018 - 10:49

O luns 8 de outubro de 2018 celebrarase a segunda edición da xornada "Encontro en círculo: educación e empresa. Profesionais e profesións do futuro", co obxectivo de crear un punto de encontro entre a escola, a universidade, os profesionais presentes e futuros e a empresas.

A xornada está organizada polo Círculo de Empresarios de Galicia, en colaboración coa Consellería de Educación, Universidade e Formación Profesional.

TVG. Convocatoria de proba para un contrato en prácticas

Lun, 01/10/2018 - 12:08

Convocatoria de proba para un contrato en prácticas na categoría laboral de Reporteiro gráfico en Corporación Radio e Televisión de Galicia, S. A.

As persoas aspirantes deberán enviar mediante correo electrónico ao enderezo proceso.seleccion@crtvg.es un currículo segundo as instrucións do ficheiro xunto (accesible premendo en Máis información) indicando que é para esta proba.

O prazo de inscrición remata o 14 de outubro de 2018.

Participación da FP galega en EuroSkills Budapest 2018

Ven, 28/09/2018 - 13:27

Raúl Fernández Lorenzo e Miguel Paz Pena, alumnos da FP galega que gañaron a medalla de ouro no GaliciaSkills 2016 e no SpainSkills 2017, nas especialidades de Torneado e fresado e Tecnoloxía do automóbil, respectivamente, participaron no Campionato Europeo de Formación Profesional EuroSkills 2018, en Budapest.

Os titores que acompañaron aos alumnos son Javier Fondevila Blanco, do IES Politécnico de Vigo e Miguel Vilela González, do IES As Mariñas, de Betanzos. A delegación española participou en 22 competicións, acadando dúas medallas e catro diplomas.

Os dous alumnos galegos realizaron unha excelente competición e Miguel Paz pena conseguiu un diploma na especialidade de Tecnoloxía do automóbil.

Imaxe Portada:  Imaxe: 

Admisión. Ciclos formativos liberados ou con prazas vacantes

Lun, 24/09/2018 - 14:00

Ábrese o prazo de matrícula en ciclos e módulos de formación profesional con prazas vacantes desde as 9:00 horas do día 25 de setembro ata as 13:00 horas do día 28 de setembro de 2018.

Para matricularse nun ciclo con prazas libres a única condición é cumprir os requisitos de acceso para ás ensinanzas correspondentes.

As persoas interesadas deberán formalizar a matrícula no centro educativo no que o ciclo formativo teña prazas vacantes. A matrícula realizarase por orde de chegada.

Para solicitar a matrícula en ciclos do réxime ordinario con prazas liberadas empregarase o anexo I.

Para solicitar a matrícula en módulos do réxime para as persoas adultas con prazas liberadas empregarase o anexo II.

A matrícula en calquera ciclo con prazas vacantes implica a renuncia a continuar no proceso de admisión e polo tanto a participar nas seguintes adxudicacións de prazas.

 

Réxime ordinario

 

Réxime para as persoas adultas

Modalidade presencial

  
Modalidade distancia

Participación da FP galega na 32ª Feira do moble de Galicia

Xov, 20/09/2018 - 11:36

Entre o 19 e o 23 de setembro celébrase a 32ª Feira do moble de Galicia no Recinto Feiral da Estrada en horario continuado de 11.00 a 20.00h. A consellería de Cultura, Educación e Ordenación Universitaria participa cun stand informativo de formación profesional así como cunha mostra de proxectos de innovación desenvolvidos en centros educativos por profesorado e alumnado da familia profesional de Madeira, moble e cortiza.

Imaxe Portada:  Imaxe: 

Powered by Drupal - Design by artinet