NOVAS   BOLSA DE EMPREGO   ACTIVACIÓN ABALAR

Aviso

O Martes 19/03/2024 o centro permanecerá pechado por ser festivo local no concello de Ferrol

Aberto o prazo de matrícula para o curso AFD Transporte Sanitario.

Para mais infomación consultar:

 http://www.edu.xunta.gal/fp/afd

 Convocado o concurso Eduemprende Idea 2024.

Dirixido ao alumnado das ensinanzas de formación profesional, deportivas ou de artes plásticas e deseño.

 https://www.edu.xunta.gal/fp/convocatoria-concurso-eduemprende-idea-2024

 Acceso á bolsa de emprego do Centro Integrado de FP Leixa 

Todo o estudantado debe activarse na aplicación Abalar ou en AbalarMóbil

    SECRETARÍA VIRTUAL    
    ACCESOS RÁPIDOS    
SERVIZOS VIRTUAIS XESTIÓN EDUCATIVA
    LIGAZÓNS DE CENTRO    
INFORMACIÓN E DOCUMENTACIÓN WEBS CIFP LEIXA
    LIGAZÓNS EXTERNAS    
    SERVIZOS EDUCATIVOS    
       
Punto Laranxa contra o acoso escolar

Novas de FP

Distribuir contido
Actualizado: hace 13 horas 26 min

Probas de acceso a ciclos formativos de grao medio 2024. Listaxes provisionais de inscrición e exencións

Ven, 15/03/2024 - 08:01

Publicadas as listaxes provisionais de persoas admitidas e excluídas e as listaxes de exención para as probas de acceso aos ciclos formativos de grao medio.

Período de reclamación: do 18 ao 22 de marzo de 2024, ambos os dous incluídos, no centro de inscrición.

Mais información.

Convocatoria Erasmus+ para alumnado de FP de grao superior. Proxecto KA131-HED-000147436

Xov, 14/03/2024 - 10:01

Publícase a Resolución do 13 de marzo de 2024 da Consellería de Cultura, Educación, Formación Profesional e Universidades pola que se establecen as bases reguladoras e se convocan axudas de mobilidade para o alumnado de ciclos formativos de grao superior de Formación Profesional de centros educativos públicos que forman parte do consorcio de mobilidade do proxecto Erasmus+ 2023-1-ES01-KA131-HED-000147436.

Convocatoria do programa Retorna Talento FP 2024-2025

Mér, 13/03/2024 - 08:58

Publicada a Orde do 28 de febreiro de 2024 pola que se establecen as bases reguladoras e se convoca o programa Retorna Talento FP, para persoas galegas residentes no estranxeiro interesadas en retornar e cursar determinados estudos de formación profesional que se inicien no curso académico 2024/25 en centros educativos de Galicia (código de procedemento ED333B)

Máis información

Relación de proxectos presentados á convocatoria de Espazos de tecnoloxía aplicada na FP 2024

Ven, 08/03/2024 - 14:50

Publicada a listaxe de proxectos presentados á convocatoria de Espazos de tecnoloxía aplicada na Formación Profesional no ano 2024, no marco do Plan de Recuperación, Transformación e Resiliencia – Financiado pola Unión Europea – NextGenerationEU (Resolución do 14 de decembro de 2023 da Dirección Xeral de Formación Profesional).

Nas seguintes ligazóns atopará a relación de proxectos presentados, agrupados por centro educativo, así como a documentación requirida se é o caso.

O prazo de presentación da documentación requirida será do 9 ao 18 de marzo, ambos os dous incluídos.

Relación de centros seleccionados para participar nos programas do Plan Eduemprende 2023/2024

Mér, 06/03/2024 - 08:39

Publicada a resolución do 5 de marzo de 2024 da Dirección Xeral de Formación Profesional, pola que se fai pública a relación de centros seleccionados para participar nos programas do Plan Eduemprende 2023/2024, convocados na Resolución do 10 de xaneiro de 2024.

Resolución de adxudicación de mobilidades de persoal. Proxecto 2022-1-ES01-KA121-VET-000064242

Mar, 05/03/2024 - 10:04

Publícase a resolución de adxudicación de mobilidades de persoal convocadas pola Resolución do 9 de novembro de 2023 da Consellería de Cultura, Educación, Formación Profesional e Universidades pola que se establece o procedemento para a tramitación de mobilidades de profesorado de ciclos formativos de grao básico e grao medio de Formación Profesional dos centros educativos que forman parte do consorcio do proxecto 2022-1-ES01-KA121-VET-000064242 e persoal da Consellería de Cultura, Educación, Formación Profesional e Universidades con responsabilidade na xestión das ensinanzas de Formación Profesional.

Listaxe provisional de centros seleccionados no programa Aulas de emprendemento na FP

Mar, 05/03/2024 - 09:52

Publicada a listaxe provisional de centros seleccionados para participar no programa Aulas de emprendemento 2024 convocada pola Resolución do 14 de decembro de 2023 da Dirección Xeral de Formación Profesional.

O prazo para presentar reclamacións, emendar erros ou completar documentación estará aberto do 6 ao 15 de marzo, ambos os dous incluídos.

Convocatoria de estadías formativas en empresas ou organismos equiparados para o ano 2024

Lun, 04/03/2024 - 11:44

A Consellería de Cultura, Educación, Formación Profesional e Universidades, como responsable da planificación da formación do profesorado, convoca para o ano 2024 estadías formativas en empresas ou organismos equiparados destinadas ao profesorado dos corpos e das especialidades vinculadas ás ensinanzas de formación profesional inicial e das artes plásticas e o deseño.

Que son?

Modalidade de formación que se desenvolve nos centros de traballo de distintas empresas ou organismos equiparados para potenciar o coñecemento directo dos procesos produtivos que se desenvolven nelas.

Convocatoria

Para o ano 2024 convócanse 150 prazas de estadías formativas en empresas ou organismos equiparados situadas tanto na comunidade autónoma de Galicia, como no resto do territorio do Estado.

Destinatarios

O profesorado que cumpra, entre outras, as seguintes condicións:

  • Ser funcionario/a nalgún dos corpos e das especialidades vinculadas ás ensinanzas de formación profesional inicial e das artes plásticas e o deseño.
  • Estar en situación de servizo activo no período solicitado para a realización da estadía, prestando servizos en centros públicos dentro do ámbito de xestión da Consellería de Cultura, Educación, Formación Profesional e Universidades.

Obxectivos

  • Coñecer directamente os procesos produtivos que se desenvolven nas empresas.
  • Formar o profesorado mediante o seu achegamento ao mundo produtivo e aos seus avances tecnolóxicos.

Modalidades

  • Modalidade A: estadías formativas en empresas ou organismos equiparados acollidos a este programa referidas no anexo I da convocatoria.
  • Modalidade B: estadías formativas noutras empresas ou organismos equiparados

Inscrición

O procedemento de solicitude desenvolverase en dúas fases:

1ª fase: ata o 7 de marzo de 2024

2ª fase: ata o 18 de marzo de 2024

Período de realización e duración

Desde o 15 de abril ata o 06 de setembro de 2024, cunha duración máxima de 160 horas.

  • Modalidade A: A duración e o período de realización será o acordado para cada caso entre a empresa ou organismo equiparado e o asesor ou asesora de formación en base ás preferencias dos/as solicitantes.
  • Modalidade B: A duración e o período de realización será acordado para cada caso entre o/a solicitante e a empresa ou organismo equiparado.

Modelos de documentación relacionada coas estadías formativas en empresas ou organismos equiparados

Convocatoria do programa Eduemprende Lanzadeiras Lugo 2023- 2024

Ven, 01/03/2024 - 13:32

Publicada a Resolución do 1 de marzo de 2024 da Dirección Xeral de Formación Profesional, pola que se convoca o programa Lanzadeiras Lugo para o desenvolvemento de miniempresas en centros educativos durante o curso 2023/2024.

O prazo de presentación de solicitudes permanecerá aberto ata o 16 de abril de 2024.

Convocatoria Erasmus+ para alumnado de FP de grao básico e medio. 2023-1-ES01-KA121-VET-000147461

Ven, 01/03/2024 - 11:59

Publícase a Resolución do 29 de febreiro de 2024 da Consellería de Cultura, Educación, Formación Profesional e Universidades pola que se establecen as bases reguladoras e se convocan axudas de mobilidade para o alumnado de ciclos formativos de grao básico e grao medio de centros educativos públicos que forman parte do consorcio de mobilidade do proxecto Erasmus+ 2023-1-ES01-KA121-VET-000147461.

Listaxe provisional de centros seleccionados nos programas do Plan Eduemprende 2023/2024

Mér, 28/02/2024 - 14:49

Publicada a listaxe provisional de centros seleccionados para participar nos programas do Plan Eduemprende 2023/2024 convocados pola Resolución do 10 de xaneiro de 2024 da Dirección Xeral de Formación Profesional.

O prazo para presentar reclamacións ou emendar documentación estará aberto do 29 de febreiro ao 4 de marzo, ambos os dous incluídos.

Relación de proxectos presentados á convocatoria de premios a proxectos de innovación na FP 2024

Mar, 27/02/2024 - 09:02

Publicada a listaxe de proxectos de innovación presentados á convocatoria de premios para o desenvolvemento de proxectos de innovación tecnolóxica ou científica e proxectos de innovación didáctica no ámbito da Formación Profesional en centros públicos dependentes da Consellería de Cultura, Educación, Formación Profesional e Universidades (Resolución do 26 de decembro de 2023 da Dirección Xeral de Formación Profesional).

Nas seguintes ligazóns atopará a relación de proxectos presentados, agrupados por centro educativo coordinador, así como a documentación requirida se é o caso.

O prazo de presentación da documentación requirida será do 28 de febreiro ao 8 de marzo, ambos os dous incluídos.

Probas de acceso a ciclos formativos de grao medio. Comezo do período de inscrición. Convocatoria 2024

Lun, 26/02/2024 - 08:03

Aberto o período de inscrición para probas de acceso a ciclos formativos de grao medio, do 26 de febreiro ao 8 de marzo de 2024, ambos incluídos.
Pode consultar a Orde do 21 de decembro de 2023 pola que se regulan as probas de acceso aos ciclos formativos de grao medio e de grao superior de formación profesional do sistema educativo, e se convocan para o ano 2024 (códigos de procedemento ED312C e ED312D) na seguinte ligazón:

Máis información:

Publicación da convocatoria de carnés profesionais e habilitacións profesionais no ano 2024.

Ven, 23/02/2024 - 09:21

Xúntase a Orde do 14 de febreiro de 2024 pola que se convocan probas para a obtención de determinados carnés profesionais e habilitacións profesionais no ano 2024, publicada no Diario Oficial de Galicia o 22 de febreiro.

Prazo de presentación de solicitudes:

  • Primeira convocatoria: do 26 de febreiro ao 11 de marzo, ambos os dous incluídos.
  • Segunda convocatoria: do 17 de xuño ao 1 de xullo, ambos os dous incluídos.

Máis información

Listaxe de equipos seleccionados para a segunda fase do programa InnovaTech FP 2023/24

Xov, 22/02/2024 - 12:01

Publícase a listaxe de equipos que pasan a segunda fase do programa InnovaTech FP 2023/24

Probas de acceso a ciclos formativos de grao superior 2024. Listaxes provisionais de inscrición e exencións.

Lun, 19/02/2024 - 07:55

Publicadas as listaxes provisionais de persoas admitidas e excluídas e as listaxes de exención para as probas de acceso aos ciclos formativos de grao superior.
Período de reclamación: do 19 ao 23 de febreiro de 2024, ambos os dous incluídos, no centro de inscrición.

Probas de acceso a ciclos formativos de grao medio e superior. Composición do tribunal. Convocatoria 2024.

Mér, 14/02/2024 - 11:08

Publicada a Resolución do 6 de febreiro de 2024, da Dirección Xeral de Formación Profesional, pola que se nomea e se fai pública o composición do tribunal que deberá xulgar as probas de acceso aos ciclos formativos de grao medio e de grao superior de formación profesional para o ano 2024.

Mais información:

Resolución do concurso Eduemprende Idea 2023

Xov, 08/02/2024 - 14:04

Publicada a Orde do 29 de xaneiro de 2023 pola que se resolve o concurso Eduemprende Idea 2023, dirixido ao alumnado das ensinanzas de formación profesional, deportivas ou de artes plásticas e deseño da Comunidade Autónoma de Galicia sostidas con fondos públicos (Orde do 9 de novembro de 2023).

Proposta provisional de adxudicación de mobilidades de persoal. Proxecto 2022-1-ES01-KA121-VET-000064242

Lun, 05/02/2024 - 09:01

Publícase a proposta provisional de adxudicación de mobilidades de persoal convocadas pola Resolución do 9 de novembro de 2023 da Consellería de Cultura, Educación, Formación Profesional e Universidades pola que se establece o procedemento para a tramitación de mobilidades de profesorado de ciclos formativos de grao básico e grao medio de Formación Profesional dos centros educativos que forman parte do consorcio do proxecto 2022-1-ES01-KA121-VET-000064242 e persoal da Consellería de Cultura, Educación, Formación Profesional e Universidades con responsabilidade na xestión das ensinanzas de Formación Profesional.

O prazo de presentación de reclamacións ou renuncias será de tres días hábiles contados a partir do día seguinte ao desta publicación.

Convocatoria do concurso Eduemprende Idea 2024

Xov, 01/02/2024 - 09:36

Publicada a Orde pola que se convoca o concurso Eduemprende Idea 2024, dirixido ao alumnado das ensinanzas de formación profesional, deportivas ou de artes plásticas e deseño da Comunidade Autónoma de Galicia sostidas con fondos públicos (código de procedemento TR880C).

Este concurso, que se organiza en colaboración coa Consellería de Promoción do Emprego e Igualdade, comprende dúas modalidades:

  • Modalidade A: ciclos de grao superior.
  • Modalidade B: ciclos de grao medio.

A participación terá que ser en grupo, formado por un mínimo de dúas persoas e un máximo de catro.

O prazo de presentación de solicitudes permanecerá aberto ata o 31 de maio de 2024.

Iniciar sesión

Powered by Drupal - Design by artinet