O asistente informático da aplicación Ciclosadmisión será empregado para realizar as solicitudes e o seguimento dos procesos de admisión da oferta ordinaria (só 1º curso), oferta modular, FP dual intensiva e cursos de especialización.

En FP básica a solicitude será realizada no centro, de orixe ou de destino segundo corresponda. O seguimento poderá realizarse na aplicación.

Accións que se realizarán en Ciclosadmisión:

Nota: Os centros con oferta de FP sostida con fondos públicos teñen á disposición do alumando ordenadores, impresoras e asesoramento.

*Nota. Quen obteña o requisito de acceso por obter un título de FP ou da ESO no curso 2024-25 presentará a solicitude a partir do 23 de xuño

1º Paso. Solicitude

Prazo de presentación: do 16 de xuño ás 9:00 horas ata 2 de xullo ás 13:00 horas.

Realizar a solicitude no asistente informático só cando se teñan os requisitos de titulación ou proba de acceso. Cando a aplicación o indique será necesario xuntar documentación ou entregar, dentro do prazo, unha copia da solicitude nun centro con oferta de FP sostida con fondos públicos.

• Instrucións solicitude (Ver vídeo).
• Información para persoas con titulacións obtidas fóra do estado español.

2º paso: Consultar a resolución provisional de solicitudes.

3º paso: Reclamar, cando se atope algún erro na resolución provisional.

No caso de detectarse erros nos datos da resolución provisional, a aplicación Ciclosadmisión permitirá ás persoas con solicitude facer unha reclamación. Este servizo só estará dispoñible durante os períodos de reclamacións establecidos.

4º paso: Consultar a resolución definitiva de solicitudes.

5º paso: Consultar a adxudicación de prazas.

No caso de ter praza adxudicada, a aplicación permitirá matricularse ou renunciar. A renuncia para seguir en lista de espera das prazas de mellor opción só é necesario presentala no caso da oferta ordinaria ou en cursos de especialización.